Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Israel igara David ɔbibirɛrɛĩ, Solomon iwola agbã i ngbe ne:
Wã nsɛ atã ɔturi ɔtsue iwola fiɛ ɔsɛ ɔna ikpadzɛ̃;
asɛ atã ɔturi karɔ̃inɔ i atɔ̃me wa lowodoro ame.
Asɛ atã ɔturi ɔna ikpadzɛ̃ fiɛ ɔsɛ ɔsɛ ngbã sɛɛ,
ɔbara nnɛ nlɛ fiɛ iya gu i ɔri iso.
Asɛ ate ɔturi wɔ loinya kayi ame inɔkpa gu ikososo,
fiɛ asɛ abara makoso manya ara maɖiite gu mma losɛ iti ame.
Mitã kawolai si ɔkã atsue si ɔsu ɔbua i nwa ɔto ɔsuã iso
si nwɔ nsɛ ɔnya ara ɔɖiite si ɔna kuka -
gɔ ɔ̃atsue agbã, agbã ipɛ,
simai gu adzolo karɔ̃.
Bosate kunigã nɖe inɔkpa karɔ̃isɛ,
ɣɛɛ madzunisɛĩ sɛ manyɔ iwola gu ikpadzɛ̃ pupurii.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Ɖuɛ Bosate fɔ Ɣaa ku fɔ ɔtu ɔɖuɖu ku fɔ ɔkala ɔɖuɖu gu ku fɔ ɔle ɔɖuɖu. Mmara mɛ nto lotã mi nɔme si miwe i mi situ ame. Mite mi mabi mmara mɛgbe. Miki i me ame si mipia i iyo, si misɛ i ɔri iso, si mirɛ gu si mita.
Wũ ɔbi, kã fɔ ɔse iturikpadzɛ̃ atsue,
si adaanyua fɔ ɔnyi araite apɛyu.
Ato aaɖe itinyira nɛ nto ilɛnyɔ i fɔ iti,
gu kusanya gɔ loakɛrɛ fɔ ɔme.
Wũ ɔbi, mɔɛ̃ fɔ ɔse mmaraisi la
si adaanyua fɔ ɔnyi araite apɛyu.
Nyi wã sia i fɔ ɔtu iso ɔwi biara,
si anyi wã apia i ɔme.
Si asɛ ne, ato aakɔkɔ-ɔ,
si arɛ ne, aadzuɛ̃-ɔ,
si ata ne, aaɖegu-ɔ ika.
Alasɔ mmaraisi mɛgbe ɖe ɔkaniɛ,
araite wagbe ɖe ɔtɔ,
fiɛ ikpadzɛ̃ iyira
nɖe ngbã ɔri,
Bie iwola, si abie karɔ̃inɔ;
daaɣara wũ atɔ̃me ɣee anyua wã asɛ.
Daanyua iwola asɛ, iyɔ ɔto ɔ̃adzuɛ̃-ɔ.
Ɖɔɛ wũ, iyɔ ɔto ɔ̃anyɔ-ɔ iso.
Iwola nɖe ira nɛ lonya iɖo; ne ɔso bie iwola.
Si ana ara gbodzoo kɔraa ne, bie karɔ̃inɔ.
Dzuĩ wũ sɔ ɔɖe ira ne lofɔ kuɣa, iyɔ ɔto ɔ̃akɔlɛ-ɔ kato.
Pɔrɛ wũ pia so, ɔto ɔ̃apia-ɔ kuwarɛ.
Mɔɛ̃ ara wa mate-ɔ la teteree; daanyua wã asɛ.
Dzuɛ̃ ne kukaakɔ, alasɔ ne nɖe fɔ ngbã ne.
Daasɛ i matilese kanenekɔ̃;
ɣee daaki i maturi nyanyariã kakikɔ̃.
I wã ɔɖuɖu ame ne, dzuɛ̃ fɔ ɔtu kukaakɔ,
alasɔ ɔtu ame i irabiara nɛ asɛ abara i ngbã ame ɔbɔrɛ.
Tsiri nnɛ loiɖe ɔnukuare iɣɛ,
si arera so kama i kasɔla gu mila atɔ̃me iɣɛ kɔrɛ.
Tã fɔ anɔmi si anyɔ fɔ katɔ̃ siĩ,
si anyɔ nnɛ nsɛ-ɔ i katɔ̃ tutuutu.
Ɖi siri sɛɛ dzɛ iso aaki tã so
si asu siri dzɛ nɣɛ teteree kere.
Daasɛnɛkɛ̃ akɛlɛ kuɖearɔ̃ ɣee kubena iso.
Rera so kama i iranyanyariã ɔri kɔrɛ.
Kawolai araite ɖe itubiɔ nɛ lotã ngbã,
isɛ iɖi ɔturi ibɔrɛgu i kukpi kata ame.
"Bosate kunigã nɖe iwola karɔ̃isɛ;
Ɔsekelea itsue nɖe ara karɔ̃inɔ.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.