16 Geeshsha Maxaafati wurikka Xoossa Ayanay kaaleththiin xaafettidayta; isttika as tamaarsanaas, hanqanaas, suurisanaas qasseka xilloteththa ogen kaaleththanaas go7eettes. 17 Hessika Xoossa asi lo7o ooso ubbaas bessizaade gidana malassa.

24 «Histtiko hayssa ta qaalaa siyidi ooson peyshizaadey ba keeththe zaalla bolla keexxizaade misatees.

16 Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite.

4 Nuni Geeshsha Maxaafatappe demmiza dandayaynne minoteththi nuus daana mala koyroppe xaafettidayssi wurikka nu izappe nuus timirte demmana mala xaafettides.

1 Hayti Isra7eele Kawo Dawite naa

Solomoone leemisota.✝

2 Leemisoti asay aadho erateththa,

seeranne erateththa haasaya

akeekanaas maaddeettes.

3 Isttika de7ana de7on

aadho erateth,

xilloteth, suure pirdanne

suure hano tamaarsizayta.

4 Erateththi paccidaytas akeeka,

naateththatas erateththinne

wozinamateth immizayta.

5 Aadho eranchchati

ha leemisota siyidi

erateth gujjeettes;

akeekanchcha asatikka

lo7o zoreta ekkeettes.

6 Hessa malan leemisotanne

istta birsheththata,

aadho eranchchata haasayanne

istta maaleththo

akeekanaas dandayeettes.

7 Aadho erateththas koyroy

GODAAS yashshateththa;

eeyati gidikko

aadho erateththinne

seera kadheettes.✝

5 GODAA ne Xoossaa ne kumeththa wozinappe, ne kumeththa shemppofenne ne kumeththa wolqqafe siiqa.✝ 6 Hach ta nena azazida azazota wozinan woththa. 7 Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa.

8 Ta naazoo!

Ne aawa zore ezga;

ne aaya tamaarsizayssaka aggofa.

9 Hessi ne hu7es

bonchcho kallachcha;

nees qoodhen aaththiza

alleqo mala gidana.

20 Ta naazoo! Ne aawa azazo pola;

ne aaya tamaarsidayssaka aggofa.

21 Istta ubbato ne wozinan oykka;

ne qoodhenkka qachcha.

22 Neni hemettiza wode

istti nena kaaleththana;

neni ichchiza wode

istti nena naagana;

neni beegottiza wodekka

istti nena zorana.

23 Ays giikko ha azazoti nees xomppe;

timirtetikka poo7o;

qasse seeraykka

de7okko efiza oge.

5 Aadho erateththinne akeeka oykka;

ta qaala dogoppa;

izippeka kare kezoppa.

6 Aadho erateth aggofa;

iza nees gondalle gidana;

izo siiqa;

izakka nena naagana.

7 Aadho erateththi bayra;

hessa gishshas izo demma.

Akeekay ne aqoza ubbaa

ekkizaa gidikkoka iza demma.

8 Neni aadho erateth bonchcha;

iza nena

dhoqqu dhoqqu ooththana;

neni izo idimma;

iza nena bonchchana.

13 Ta timirte lo7eththa oykka;

izo yeddofa;

iza nees de7o gidida gishshas

izo naaga.

14 Nagaranchchata oge yedhdhofa;

iita asata ogenkka hemettofa.

23 Ubbaafekka bollara

neni ne wozina

minththada naaga;

ays giikko de7oy izappe pulttees.

24 Ne doonappe gene haasaya digga;

iita haasaya

ne metershafe haassa.

25 Ne ayfeti sitti giidi

sinth xeelletto;

tishshi histtada

ne sinththan dizayssa xeella.

26 Ne tohos oge giigsa;

suure oge xalla hemetta.✝

27 Ushach hadirsi gooppa;

ne toho iitappe naaga.

14 Aadho eranchchay immiza timirtey

de7o pultto;

hessi asi hayqo woximaden

gelontta mala naagees.

10 Aadho erateththas koyroy

GODAAS yashshateththa;

Geeshshaza eroykka akeeka.✝

1 Ta derezoo ta nena

tamaarsizayssa siya;

ta doonappe ke7iza qaala ezga.

2 Tani haasayza haasaya

leemison doommays;

beniisofe qotan diza

xuura yo7o qonccisays.✝

3 Nu siyidayssinne

nu eridayssi,

nu aawatikka nuus yootidayssa.

4 He yo7ota nuni

istta naytappe qottoko;

GODAAS bessiza galata,

iza wolqqanne

malalisiza iza ooso

yiza yeletataskka

nuni yootana.

10 He yeleta ubbay hayqqidaappe guye GODAANNE izi Isra7eele asaas ooththida lo7o ooso ubbaa erontta ooraththa yeletay dendides.

17 Woosa keeththaa lo7eththi ayssizayti harappeka sabbakoninne tamaarson minniza cimati gidikko dakko maado maadettanaas bessees. 18 Maxaafan, «Kath bukkiza boora doona qachchofa.» qasseka, «Ooso ooththizaadey damoza ekkana bessees» gees.✝

16 Coo mela doona lallabeteththafe haakka; hessa mala yo7on waaxettida asati Xoossafe haakki haakki beettes. 17 Istta timirtey sakkidi paxontta gede gujji gujji daaketti biza madunththa mala; Hemenewoosinne Qasse Filxoosa geetettizayti hessa mala timirte tamaarzayta giddon deettes.

9 Kirstoosa timirte mala dontta asinne iza timirtefe balettidi kare keziza asan oonankka Xoossi deenna; Kirstoosa timirten dizaadey gidikko izas Aawaynne Aawaa Nay deettes.

14 Ba7aalezi wurana bagga gakkishin Yesusi Xoossa Keeththe biidi tamaarso oykkides. 15 Ayhudati, «Hayssi addezi tamaarontta dishe hayssa wursi wostti eridee?» giidi malalettida.

16 Hessa gishshas Yesusi, «Ta tamaarsiza timirtey tana kiittida ta Aawappe taas imettides attiin taappe gidenna. 17 Tana kiittidayssa shene ooththana koyzaadey diikko hayssi ha timirtey Xoossafe beettidayssa woykko ta taappe haasaydayssa gidikkoka erana. 18 Baappe haasayzaadey ba bonchcho koyees. Kiittidaade bonchcho koyzaadey gidikko izi tumanchcha; wordoy iza bolla deenna.