Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
ଅଡ଼୍କୋନ୍ ଆ ସାସ୍ତ୍ର ଇସ୍ୱରନ୍ ଆ ଞନଙ୍ଞଙ୍ ବାତ୍ତେ ଅନିଡନ୍ ଡେଏନ୍, ଆରି ଞନଙ୍ଞଙ୍ବରନ୍, ମନଙ୍ତଡନ୍ଆତେ ଅନବ୍ତୁଜନ୍ ଆସନ୍ ସନାଞେଙନ୍, ଅନାଡ଼ଡଞ୍ଜି ସେନେଡାନ୍ ଆସନ୍ ଞନଙ୍ଞଙନ୍ ଆରି ଡରମ୍ମଗଡନ୍ ତଙିୟ୍ନେନ୍ ଆସନ୍ ଡରମ୍ମ ସାସ୍ତ୍ରନ୍ ଞଙ୍ଞଙ୍ଲଙ୍ତନ୍ । କେନ୍ ଆ ଡରମ୍ମ ସାସ୍ତ୍ର ବାତ୍ତେ ଇସ୍ୱରନ୍ ଆ କାବ୍ବାଡ଼ାମର୍ ଅଡ଼୍କୋ ମନଙ୍ କାବ୍ବାଡ଼ାନ୍ ଲନୁମନ୍ ଆସନ୍ ଅବ୍ଜାଡାତନ୍ ।
"ତିଆସନ୍ ଅଙ୍ଗା ମନ୍ରା କେନ୍ ବର୍ନେଞେଞ୍ଜି ଅଡ଼୍କୋନ୍ ଅମ୍ଡଙ୍ଡାଲେ ଞଣ୍ଡ୍ରମ୍ତନେ, ଆନିନ୍ ତୋଣ୍ଡୋ ଜଲେଙ୍ଲୋଙନ୍ ଆଗ୍ରୁସିଂତନେନ୍ ଅବୟ୍ ବୁଡ୍ଡିମରନ୍ ଅନ୍ତମ୍ ଡେତେ ।
କ୍ରିସ୍ଟନ୍ ଆ ଞନଙ୍ଞଙ୍ବର୍ ଗୋଗୋୟ୍ଡମ୍ ଉଗର୍ଲୋଙ୍ବେନ୍ ଡକୋନେତୋ, ଗିଆନନ୍ ବୟନ୍ ତର୍ଡମ୍ ଞନଙନ୍ ଅଲ୍ତିୟ୍ବା, ଆରି ତର୍ଡମ୍ ଅବ୍ନେତ୍ତାୟ୍ବା; ଇସ୍ୱରନ୍ ଆସନ୍ ସନେଙ୍କେନ୍, କନନନ୍, ପୁରାଡ଼ାଲୋଙନ୍ ସଙ୍କିର୍ତନଲନ୍ ସମ୍ପରା ଉଗର୍ବେନ୍ ବାତ୍ତେ କନନ୍ନାବା ।
ସାସ୍ତ୍ରଲୋଙନ୍ ଆଇଡିଡନ୍ ଆ ଞନଙ୍ଜି ସନୁକ୍କାଲେନ୍ ଆସନ୍ ଅନିଡନ୍ ଡେଏନ୍, ଏର୍କିକ୍କିଡ୍ନେନ୍ ଡକୋନେନ୍ ଆସନ୍ ସାସ୍ତ୍ରନ୍ ଇନ୍ଲେଞ୍ଜିଆଡଙ୍ ଅନୁୟୁବନ୍ ଡ ସନଏନ୍ ତିୟ୍ତିୟ୍ଲଙ୍ତନ୍ ।
ଦାଉଦନ୍ ଆ ଡାଙ୍ଗଡ଼ାଅନ୍ ଇସ୍ରାଏଲନ୍ ଆରାଜା ସୋଲ୍ମନନ୍ ଆମନଙ୍ ଞନଙ୍ଞଙ୍ବର୍,
ଗିଆନନ୍ ଡ ଞନଙ୍ବରନ୍ ଆଜନନା ଆସନ୍; ଗିଆନବରନ୍ ଆବର୍ନେ ଆନିୟମ୍ ଆସନ୍; ମନଙ୍ ଞଣ୍ତ୍ରମ୍ନେନ୍, ବୟ୍ଲେଗଡନ୍ ଡ ମନଙ୍ ଅନିୟମନ୍ ଆରି ନିଆୟନ୍ ଆ ବିସୟଲୋଙ୍ ଞନଙନ୍ ଆଜନା ଆସନ୍, ଆନିଞ୍ଜି ଏର୍ଜନନାନ୍ ଆମନ୍ରାଜିଆଡଙ୍ ଅବ୍କିଲ୍କିଲ୍ତଜି,ଆରି ବେଣ୍ତିଆସିଜଞ୍ଜି ଏଙ୍ଗାଲେ ପଡ଼େନେନ୍ ଡ ମନଙ୍ ଅନିୟମନ୍ ଡେତେ, ତିଆତେ ରପ୍ତି ଞଙ୍ଞଙ୍ତଜି; ଏଙ୍ଗାଲେ ଗିଆନମରନ୍ ତିଆତେ ଅମ୍ଡଙ୍ଲେ ପଣ୍ତିତଲୋଙନ୍ ଗୋଗୋୟ୍ତେ ଆରି ବୁଡ୍ଡିମରନ୍ ମନଙ୍ ଞନଙ୍ଞଙ୍ବରନ୍ ଞାଙ୍ତେ, ଆରି ଅବୟ୍ ଞନଙ୍ବରନ୍ ଡ ଅବୟ୍ ସୋବ୍ସୋବ୍ବରନ୍ ଆରି ପଣ୍ତିତଞ୍ଜି ଆବର୍ନେ ଡ ଆ ଜରୁବରଞ୍ଜି ଗନ୍ଲୁଡ୍ତବେନ୍ ।
ପ୍ରବୁନ୍ ଆବର୍ନେ ଆବନତଙ୍, ଗିଆନନ୍ ଆସନୁସୁ, ବନ୍ଡ ଏର୍ବୁଡ୍ଡିମରଞ୍ଜି ଗିଆନନ୍ ଡ ଞନଙ୍ବରନ୍ ଆଲ୍ଲେତଜି ।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
ଏ ଅ ଅନ୍ଞେନ୍, ଆପ୍ପେୟ୍ନମ୍ ଆ ଞନଙ୍ବର୍ ଅମ୍ଡଙା ଆରି ଅୟୁଙ୍ନମ୍ ଆବନାଁୟ୍ ଅମ୍ରେଙ୍ଡଙେ । ଇନିଆସନ୍ଗାମେଣ୍ତେନ୍ ତିଆତେ ଅବବ୍ନମ୍ ଆସନାୟୁମ୍ ରନୁବ୍ବବ୍ ଆରି ସଙ୍କାଲୋଙନ୍ ସୁନ୍ନାନ୍ ଆ ରନୁରୁ ଅନ୍ତମ୍ ଡେତେ ।
ଏ ଡାଙ୍ଗଡ଼ାଅନ୍ଞେନ୍, ଆମନ୍ ଆପ୍ପେୟ୍ନମ୍ ଆବନାଁୟ୍ବର୍ ମାନ୍ନେଆ,ଆରି ଅୟୋଙ୍ନମ୍ ଆ ଞନଙ୍ଞଙ୍ ଅମ୍ରେଙ୍ଡଙ୍ । ତିଆତେ ଆଏଡ଼ର୍ ଉଗ୍ଗର୍ଲୋଙ୍ନମ୍ ୟୁଡ୍ଲେ ଡକ୍କୋଆ,ଆରି ସଙ୍କାଲୋଙ୍ନମ୍ ଜିଆ । ଆମନ୍ ତରଙିଁୟ୍ତନ୍ ଆଡିଡ୍ ତିଆତେ ଆମନ୍ଆଡଙ୍ ତଙରନ୍ ଅବ୍ତୁୟ୍ତମ୍, ଆରି ଆର୍ଲୁଡ୍ତ୍ତେନ୍ ଆଡିଡ୍ ତିଆତେ ଜନଗ୍ଗେମର୍ନମ୍ ଡେତେ, ଆମନ୍ ଆଡରୋତନ୍ ଆଡିଡ୍ ତିଆତେ ଆମନ୍ ସରିନ୍ କଡାଡ଼ିତନ୍ । ଇନିଆସନ୍ଗାମେଣ୍ତେନ୍ ତି ଆବନାଁୟ୍ବର୍ ପିଙ୍କତୋଡ୍; ଆରି ତି ଆବନାଁୟ୍ ସାଆର୍; ଆରି ଞନଙ୍ଞଙ୍ କନେଁୟ୍ ଅନମେଙ୍ ତଙରନ୍ ।
ଗିଆନନ୍ ତର୍ତୁମା, ମନଙ୍ ଅନିୟମନ୍ ଞାଙା, ତିଆତେ କରୋଡାଡଙମ୍ ଆରି ତଅଡ୍ଞେନ୍ ଆବର୍ନେ ସିଲଡ୍ ମଡ଼େଙ୍ଡଙେ । ଆନିନ୍ଆଡଙ୍ ଅମ୍ରେଙ୍ଡଙେ; ଏତ୍ତେଲ୍ଡେନ୍ ଆନିନ୍ ଆମନ୍ଆଡଙ୍ ସାକ୍କେତମ୍; ଆନିନ୍ଆଡଙ୍ ଡୁଙ୍ୟମା, ଏତ୍ତେଲ୍ଡେନ୍ ଆନିନ୍ ଆମନ୍ଆଡଙ୍ ଡୋବ୍ତମ୍ । ଗିଆନନ୍ ମାଡ ମନଙ୍ ବରନ୍, ତିଆସନ୍ ଗିଆନନ୍ ଞାଙା; ଆରି ଆମନ୍ ଅଡ଼୍କୋ ଆଞରାଙ୍ତେନ୍ ସିଲଡ୍ ମନଙ୍ ଅନିୟମନ୍ ଞାଙା । ଆନିନ୍ଆଡଙ୍ ମାନ୍ନେଏଣ୍ଡେନ୍ ଆନିନ୍ ଆମନ୍ଆଡଙ୍ ଅମ୍ଡାୟ୍ଲେ ଅବ୍ସୋଡ଼ାତମ୍; ଆରି ଆନିନ୍ଆଡଙ୍ କୋଣ୍ତୋଏଣ୍ଡେନ୍ ଆନିନ୍ ଆମନ୍ଆଡଙ୍ ଅବ୍ଗୁଗୁତମ୍ ।"
ଞନଙ୍ଞଙ୍ବରନ୍ ରବ୍ଡୋଲେ ଞମା, ଞମ୍ଲେ ଡକ୍କୋଆ । ତିଆତେ ଅମ୍ରେଙ୍ଡଙେ ତିଆତେ ଡକ୍କୋଆ । ଇନିଆସନ୍ଗାମେଣ୍ତେନ୍ ତିଆତେ ଅନମେଙ୍ନମ୍ । ଇର୍ସେମରଞ୍ଜି ଆ ତଙର୍ଗଡ୍ ଏଜିର୍ଡଙ୍ । ଆରି ପେଲ୍ଲାମରଞ୍ଜି ଆତଙର୍ଗଡ୍ ଏତଙିୟ୍ଡଙ୍ନେ ।
ଉଗର୍ନମ୍ଆଡଙ୍ ମନଙ୍ ଜୁବାୟ୍ଲେ ଡକ୍କୋଆ; ଇନିଆସନ୍ଗାମେଣ୍ତେନ୍ ତେତ୍ତେ ସିଲଡ୍ ଅନମେଙନ୍ ଡୁଙ୍ତନାୟ୍ । ଅମଙ୍ନମ୍ ସିଲଡ୍ ପେଲ୍ଲା ବରନ୍ ଡୁଙ୍ଡଙ୍ନାୟ୍ତଡ୍ ଆରି ଇର୍ସେବରନ୍ ସିଲଡ୍ ଉସାଲ୍ତମ୍ବେନ୍ ଜବ୍ର ସଙାୟ୍ ଡକ୍କୋବା । ଅମଡ୍ନମ୍ ଡାସଙାୟ୍ ଗିଜେତୋ ଆରି ଉସାଲ୍ମଡ୍ନମ୍ ମୁକ୍କାବାନମ୍ ବିଙୟ୍ ଗିଜେତୋ । ତାଲ୍ଜଙ୍ନମ୍ ସବ୍ତଙ୍ଲେ ଆଙ୍ଜଞ୍ଜନା ଆରି ତଙର୍ନମ୍ ଅଡ଼୍କୋନ୍ ଗରିଏତୋ । ଅର୍ଜଡ଼ୋମ୍ଗଡ୍ ଅଡ଼େ ଅର୍କାବଡ଼ିସିଗଡ୍ ଏୟର୍ଡଙ୍ନାୟ୍, ତାଲ୍ଜଙ୍ନମ୍ ଇର୍ସେନ୍ ସିଲଡ୍ ସବ୍ଙାଜା ।
ରନବୁନ୍ ଅନୋଡ଼େଙନ୍ ସିଲଡ୍ ଅନାବ୍ୟର୍ ଆସନ୍ ଗିଆନମରନ୍ ଆ ବନାଁୟ୍ବର୍ ଅନମେଙନ୍ ଆ ଡୁଙ୍ଡମ୍ନେଡାନ୍ ଅନ୍ତମ୍ ।
ପ୍ରବୁନ୍ ଆବର୍ନେ ଆବନତଙ୍ ଗିଆନନ୍ ଆସନୁସୁ,ଆରି ଡରମ୍ମନ୍ ଆବର୍ନେ ଗିଆନନ୍ ଞାଙେନ୍ ଡେନ୍ ମନଙ୍ ଅନିୟମନ୍ ଜିର୍ତାୟ୍ ।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
ଅଙ୍ଗା ପାପୁର୍ମର୍ଜି ବର୍ନେନ୍ ଅପ୍ପୁଙ୍ବର୍ତଜି ଆରି ଞନଙନ୍ ତିୟ୍ତଜି, ଆନିଞ୍ଜି ଆ ଲନୁମ୍କୁଜଞ୍ଜି ବାଗୁ ଗୁନ ବର୍ତନ୍ନାନ୍ ଞାଙ୍ତଜି । ଇନିଆସନ୍ଗାମେଣ୍ଡେନ୍ ସାସ୍ତ୍ରଲୋଙନ୍ ଆଇଡିଡନ୍ ଡକୋ, "ଅବ୍ଞାଇଙନ୍ ତାଙ୍ଲିୟନ୍ ଏଡାମୁଡଙ୍" ଆରି "କାବ୍ବାଡ଼ାମରନ୍ ଲନୁମ୍କୁଜନ୍ ଆସନ୍ ବର୍ତନ୍ନାନ୍ ଞାଙେତୋ ।"
ବନ୍ଡ ପରାନ୍ସାତ୍ତିନ୍ ଆ ବର୍ନେଜି ସିଲଡ୍ ସବ୍ଙାୟ୍ଲନ୍ ଡକୋନା, ଆନାଜି ଏତ୍ତେଗୋଲୋଙନ୍ ମଗାଡ୍ଲନ୍ ଡକୋତଞ୍ଜି, ଆନିଞ୍ଜି ଇସ୍ୱରନ୍ ଆମଙ୍ ସିଲଡ୍ ସଙାୟ୍ତଜି । ଆନାଜି ଏନ୍ନେଗନ୍ ଆ ବର୍ନେଜି କଡାଡ଼ିତଞ୍ଜି, ଆ ଞନଙଞ୍ଜି ଆସ୍ରଅତେନ୍ ଆମ୍ପସୁ ଅନ୍ତମ୍ ଗୁରୁଙ୍ଲେ ପାଙ୍ତେ; ଉମନାୟନ୍ ଡ ପିଲିତନ୍ ଏତ୍ତେଗନ୍ ଆ ମନ୍ରାଜି ଡକୋଜି ।
ଅଙ୍ଗା ମନ୍ରା କ୍ରିସ୍ଟନ୍ ଆ ଞନଙ୍ଲୋଙ୍ ଏର୍ଡକୋନେନ୍ ତେତ୍ତେ ସିଲଡ୍ ଡୁଙ୍ଲନ୍ ଜିର୍ତେ, ଆନିନ୍ ଇସ୍ୱରନ୍ଆଡଙ୍ ଅଣ୍ଡ୍ରଙ୍ ଞାଙେ; ଆନା କ୍ରିସ୍ଟନ୍ ଆ ଞନଙ୍ଲୋଙ୍ ଗବ୍ରିଲନ୍ ଡକୋତନ୍, ଆନିନ୍ ଆପେୟନ୍ ଡ ଡାଙ୍ଗଡ଼ାଅନନ୍ ବାଗୁଞ୍ଜି ଞାଙେନ୍ ।
ପୁର୍ପୁରନ୍ ଆତ୍ରୁଙାରେନ୍ ଆଡିଡ୍ ଜିସୁନ୍ ସରେବାସିଂଲୋଙନ୍ ଜିର୍ରେ ଞନଙନ୍ ଇୟ୍ଲେ ତିୟେ । ସିଲତ୍ତେ ଜିଉଦିମରଞ୍ଜି ସାନ୍ନିଡାଲେ ବର୍ରଞ୍ଜି, "କେନ୍ଆନିନ୍ ଏର୍ପନଡ଼େନେନ୍ ଏଙ୍ଗାଲେ ଡିୟ୍ନେ ପଡ଼େନେନ୍ ଗୟ୍ତେ ?"
ତିଆସନ୍ ଜିସୁନ୍ ଆନିଞ୍ଜିଆଡଙ୍ ଜାଲଙେଞ୍ଜି, "କେନ୍ ଞନଙନ୍ ଞେନ୍ଆତେ ତଡ୍, କେନ୍ଆତେ ଅନାପ୍ପାୟ୍ମର୍ଞେନ୍ ଆମଙ୍ ସିଲଡ୍ ଜିର୍ରାୟ୍ । ଆନା ଇସ୍ୱରନ୍ ଆ ଇସ୍ସୁମ୍ ବାତ୍ତେ ଲନୁମ୍ନେନ୍ ସାୟ୍ତେ, ଏତ୍ତେଲ୍ଡେନ୍ ଞେନ୍ ତରିୟ୍ତାଞନ୍ ଆ ଞନଙ୍ ଇସ୍ୱରନ୍ ଆମଙ୍ ସିଲଡ୍ ଜିର୍ରାୟ୍, ଅଡ଼େ ଞେନ୍ଡମ୍ କେନ୍ଆତେ ବର୍ତନାୟ୍, ତିଆତେ ଆନିନ୍ ରପ୍ତି ଜନାତେ । ଆନା ଆ ଇସ୍ସୁମ୍ଡମନ୍ ବାତ୍ତେ ବର୍ତନେ, ଆନିନ୍ ଆନିନ୍ଡମ୍ ଆସନ୍ ଗନୁଗୁ ପନେମେଙନ୍ ସାୟ୍ତେ, ବନ୍ଡ ଆନା ଆନାପ୍ପାୟ୍ମରନ୍ଆଡଙ୍ ଅନବ୍ଗୁଗୁ ପନେମେଙନ୍ ଆସନ୍ ସାୟ୍ତେ, ଆନିନ୍ ଆଜାଡ଼ିଡମ୍, ଆରି ଆମଙନ୍ ଇନ୍ନିଙ୍ ପାତ୍ୟାନ୍ ଅବୟ୍ ତଡ୍ ।