Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
ସାରେ ଶାସ୍ତ୍ର ଇଶ୍ୱର୍ ବିଦ୍ୟା ଇତ୍ତେ ପ୍ରନୀତ ସତ୍ ଡିଗିୱାସ୍ ନୁ ମିଚ୍ତେ ପ୍ରତିରଦ୍ ମାଡ଼ି ନୁ ବ୍ରମ କାଲ୍ପି ମାଡ଼ାନ୍ ସେଙ୍ଗେ ପରାମର୍ଶ ଇସ୍, ସତ୍ଜିୱୁ ବାଦ୍କାନଙ୍କ୍ ଦର୍ମଶାସ୍ତ୍ର ସାହାଯ୍ୟ ମାଡ଼ିତ୍, ବେଲାନ୍ କି ଇଶ୍ୱର୍ ନାରୁଡ଼୍, ସିଦ୍ଦ ଆସ୍ ସାରେତ୍ ସାୟେ କାମ୍ ସେଙ୍ଗେ ତିଆର୍ ଆଦ୍ତେ ।
"ବେନ ନା ଗଟ୍ କେଞ୍ଜି ପାଲନ୍ ମାଡ଼ିତନ୍, ଅଣ୍ଡ୍ କାଲ୍କିନ୍ ପର୍ର ଲୋନ୍ ତଅସ୍ ମାନ୍ଦାନ୍ ବୁଦ୍ତଣ୍ଡ୍ ନାରୁଡ଼୍ ଲେକେମ୍ ।
କ୍ରିଷ୍ଟନ୍ ଗଟିନେ ନାର୍ଗେ ତେର୍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍ତଡ଼୍ ନିଜର୍ନିଜର୍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍ତେ ସେଙ୍ଗେ ପାଟେ, ପାରାଟ୍ ।
ଶାସ୍ତ୍ରତାଗ୍ ଲେକାମାନ୍ଦାନ୍ ଶିକ୍ଷା ସାର୍ରେ ମାନାଦ୍ ଉପ୍କାର୍ ସେଙ୍ଗେ ମିନ୍ଦେ । ବର୍ସାତାଗ୍ ଗାଡ଼୍ସ୍ ମାନ୍ଦାନ୍ ସେଙ୍ଗେ ଶାସ୍ତ୍ର ମାନାକିଙ୍କ୍ ଗାଡ଼୍ସ୍ ନୁ ସାର୍ଦେ ଇଦ୍ତେ ।
ଦାଉଦ୍ତେ ମାର୍ ଇସ୍ରାଏଲ୍ତେ ରାଜାଲ୍ ଶଲୋମନ୍ତେ ସାୟେତ୍ ଶିକ୍ଷା; ଜ୍ଞାନ ନୁ ସାୟେତ୍ ଶିକ୍ଷା ବୁଜେମ୍ ଆଦାଙ୍କ୍; ଜ୍ଞାନତେ ବାକ୍ୟ ଏର୍କେ ମାଡ଼ାନଙ୍କ୍; ସାୟେତ୍ ବେବାର୍, ଦାର୍ମିକ୍ ନୁ ସାୟେତ୍ଏର୍କେ ନୁ ନ୍ୟାୟ ବିଷୟ୍ତେ ଶିକ୍ଷା ଗ୍ରହନ୍ ମାଡ଼ାନଙ୍କ୍; ସାୟେତ୍ ନାରୁଡ଼୍କିଙ୍କ୍ ସତର୍କ ନୁ ଲେୟ୍ ନାରୁଡ଼୍କ୍ ଶିକ୍ଷା ନୁ ବୁଦ୍ଦ୍ ଇଦାନଙ୍କ୍; ବେଦ୍ପୁଟୁଙ୍କ୍ ଜ୍ଞାନତେ ନାରୁଣ୍ଡ୍ ଆଦ୍ କେଞ୍ଜି ପଣ୍ଡିତେ ବଡ଼େମ୍ ଆଦ୍ତେ ନୁ ବୁଦ୍ଦିମାନ୍ ନାରୁଣ୍ଡ୍ ଇତ୍ତେ ଲେକାମ୍ତେ ପରାମର୍ଶ ପାହେମ୍ ଆଦ୍ତଣ୍ଡ୍; ମେଣ୍ଡେ, ଅଣ୍ଡୟ ସାୟେତ୍ ଶିକ୍ଷା ଗଟି ନୁ ଅଣ୍ଡୟ୍ ୱେସଡ଼୍ତେ ଗଟି ନୁ ପଣ୍ଡିତଡ଼୍ ବାକ୍ୟ ନୁ ଅଡ଼ାଦ୍ ଡୁଟାଙ୍କ୍ତେ ବାକ୍ୟ ବୁଜେମ୍ ଆଦ୍ତଣ୍ଡ୍ ।
ସଦାପ୍ରବୁନ୍ ବିଷୟ୍କି ୱେର୍ ଜ୍ଞାନ୍ତେ ଆରାମ୍; ମାତର୍ ମଣ୍ଡି ନାରୁଡ଼୍ ଜ୍ଞାନ୍ ନୁ ଆଦେଶ୍ ଆସାମ୍ ଇଞ୍ଜ ଆଲ୍ସିତଡ଼୍ ।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
ହୋ ନା ମାର୍, ମି ବାବାନ୍ ଶିକ୍ଷାତିଙ୍କ୍ କେଞ୍ଜାଟ୍ ନୁ ମିଡ଼୍ ୟାୟନ୍ ଶିକ୍ଷା ୱିଡ଼୍ସ୍ମାଟ୍ । ବେଲାନ୍ କି ଆଦ୍ ମିୟାଦ୍ ଅନୁଗ୍ରହତଡ଼୍ ସାରେଦାମ୍ ମାନ୍ଦାନଡ଼୍ ଆଦ୍ତଡ଼୍ ନୁ ଗୁଡ଼ୁଙ୍ଗେତ୍ ନେଡ଼େମ୍ ଲେକାମ୍ ଆଦ୍ତଡ଼୍ ।
ହୋ ନା ମାର୍, ମିଡ଼୍ ନିଜର ବାବାଙ୍କ୍ ସାୟେତ୍ ଶିକ୍ଷା ପାଲନ୍ ମାଡ଼ାଟ୍, ମେଣ୍ଡେ, ନିଜର ୟାୟନ୍ ଶିକ୍ଷା ୱିଡ଼୍ସ୍ମାଟ୍ । ଆଦ୍ ସାରେ ମି ହୃଦୟତାଗ୍ ତଃସ୍ ନେଃମୁଟ୍, ନିଜର ଗୁଡ଼ୁଙ୍ଗେତାଗ୍ ନେଡ଼େମ୍ ଇନା ତଃମୁଟ୍ । ମିଡ଼୍ ତାକିଆଦାନ୍ ୱେଲେ ଆଦ୍ ମିକିଙ୍କ୍ ଆର୍ ତଃତିତଣ୍ଡ୍, ମେଣ୍ଡେ ଉଞ୍ଜାନ୍ ୱେଲେ ଆଦ୍ ମି କେପାନଡ଼୍; ମିଡ଼୍ କେପାନ୍ ୱେଲେ ଆଦ୍ ମିଇତଡ଼୍ ଗଟି ତିର୍ୟ୍ତଣ୍ଡ୍ । ବେଲାକି ଆ ଆଦେଶ୍ କୁପି; ନୁ ଆ ଆଦେଶ୍ ୱେସ୍; ନୁ ଶିକ୍ଷାତ୍ ମାୟିଦିଙ୍କ୍ ଅନୁଯୋଗ ଜିଉନ୍ତେ ଆର୍;
ଜ୍ଞାନ୍ ଲାବ୍ ମାଡ଼ାଟ୍, ସାୟେତ୍ ବିଷୟ୍ ଲାବ୍ ମାଡ଼ାଟ୍, ଆଦ୍ ବୁଲ୍ ଇଲେ; ମେଣ୍ଡେ, ନା ପାୟୁର୍ତେ ବାକ୍ୟକନ୍ ମାଲ୍ପ୍ମାଟ୍ । ଆଦ୍ଦିଙ୍କ୍ ୱିଡ଼୍ସ୍ମାଟ୍; ଆଗେ ଅଣ୍ଡ ମିକିଙ୍କ୍ ପାଲନ ମାଡ଼ିତଣ୍ଡ୍; ଅକିଙ୍କ୍ ପ୍ରେମ ମାଡ଼ାଟ୍, ଆଗାକନ୍ ଅଣ୍ଡ ମିକିଙ୍କ୍ ରକ୍ଷା ମାଡ଼ିତଣ୍ଡ୍ । ଜ୍ଞାନ୍ ସାରେତିଙ୍କ୍ ବେଡ଼ିୟ୍ ବିଷୟ, ଆଦିଙ୍କ୍ ଜ୍ଞାନ ଲାବ୍ ମାଡ଼ାଟ୍; ମେଣ୍ଡେ, ମିଡ଼୍ ସାରେ ଲାବ୍କଞ୍ଜ୍ ସାୟେତାଦ୍ ଲାବ୍ ମାଡ଼ାଟ୍ । ଅକିଙ୍କ୍ ତାଲେତାଗ୍ କେର୍ସ୍ପାଟ୍, ଆସୁଙ୍ଗ୍ ଅଣ୍ଡ ମିକିଙ୍କ୍ ଉନ୍ନତ ମାଡ଼ିତିଡ଼୍; ଅଙ୍କ୍ ଉର୍ଙ୍କେ, ଅଣ୍ଡ ମିକିଙ୍କ୍ ସମାନ୍ତେ ଅଦିକାରି ମାଡ଼ିତଣ୍ଡ୍ ।
ସାୟେତ୍ ଶିକ୍ଷା ଡ଼ୁଟାଙ୍କ୍ ପୟମୁଟ୍; ଅକିଙ୍କ୍ ୱିଡ଼ିସ୍ ମାଟ୍; ଅକିଙ୍କ୍ ନେମୁଟ୍; ବାତେଙ୍କ୍ଇତ୍କେ ଆଦ୍ ମିଇ ଜିୱୁନ୍ । କାରାପ୍ ନାରୁଡ଼୍ ଆର୍ଦାଗ୍ ନେଙ୍ଗ୍ମାଟ୍ ନୁ ଦୁଷ୍ଟ ନାରୁଡ଼୍ତଡ଼୍ ଆର୍ ତାକ୍ମାଟ୍ ।
ମିଇ ହୃଦୟତିଙ୍କ୍ ଅଦିକ୍ ଯତନ୍ତେ ନେମୁଟ୍; ବେଲାକି ଆଗାକନ୍ ଜିଉନ୍ତାଗାଙ୍କ୍ ସାୟେତ୍ ବିଷୟ୍ ପେୟିତିତ୍ । ମିଇୟାଗାକନ୍ କାରାପ୍ ମକମ୍ତାଗାଙ୍କ୍ ଜେକେ ମାଡ଼ାଟ୍ ନୁ ପେର୍ଲେ ଗଟିନାଗାଙ୍କ୍ ନାର୍ଗେ ଜେକେ ନେଃମୁଟ୍ । ମିଇ କଣ୍ଡା ମୁନେ ଉଡ଼ି ନୁ ମିଇ କଣ୍ଡାମିଣ୍ଡି ମିଇ ମୁନେ ତିନାଙ୍କ୍ ଉଡ଼ାଟ୍ । ମିଡ଼୍ ନିଜେତ୍ ପାଦାମ୍ ସାୟେ ତିନାଙ୍କ୍ ମାଡ଼େ ନୁ ମିଇ ସାରେ ଆର୍ ସାୟେତାୱୁ ଆୟି । ତିନ୍କାଇ କି ଡ଼େବ୍କାଇ ଆନ୍ମାଟ୍, ମେଣ୍ଡେ ମିଇ ପାଦାମ୍ କାରାପ୍ତାଗାଙ୍କ୍ ଦୁରାମ୍ ମାଡ଼େ ।
ଡଲାନ୍ ଉଡ଼ିୟ୍ଦାଗାଙ୍କ୍ ମାଲ୍ପାନ୍ ମାଇଦିଙ୍କ୍ ଜ୍ଞାନ୍ତେ ନିୟମ୍ ଜିଉନ୍ତେ ଇଲ୍କେ ଇନା ଆଦ୍ତେ ।
ସଦାପ୍ରବୁନ୍ ବିଷୟତେ ୱେର୍ଦାନ୍ ଜ୍ଞାନତେ ଆରାମ୍ଭ ଆଦ୍ତେ, ମେଣ୍ଡେ, ଦର୍ମ ଲେକାମ୍ ବିଷୟତେ ଜ୍ଞାନ ଲାବମାଡ଼କେ ସାୟେତ୍ ବିଚାର୍ ୱାଦ୍ତେ ।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
ମଣ୍ଡଲିତେ ବେନଡ଼୍ ନେତାଲଡ଼୍ ଅଡ଼୍ ପଡ଼ିୟେତାଗାଙ୍କ୍ କୃତିତ୍ୱ ତଅତିତଡ଼୍, ବିଶ୍ୱଷତଃ ବେନଡ଼୍, କଷ୍ଟ ସୀକାର୍ ମାଡ଼ି ଶିକ୍ଷା ନୁ ପ୍ରଚାର୍ କାମ୍ ମାଡ଼ମାନ୍ତଡ଼୍, ଅଡ଼୍ ରେଣ୍ଡ୍ଗୁନ୍ ହାର୍ତେ ପରିଶ୍ରମିକ ଦର୍କାନ୍ ଉଚିତ୍, ବାତେଙ୍କ୍ ଇତ୍କେ ଶାସ୍ତ୍ରତାଗ୍ ଲେକାମିନ୍ଦେ; ଶସ୍ୟ ପାଣ୍ଡ୍ସ୍ପମାନ୍ଦାନ୍ ୱେଲେ କନ୍ଦେତ୍ ମୁଟ୍ତାଗ୍ ମୁର୍ସୁଲ୍ ତଅମାଟ୍ । ମେଣ୍ଡେ "କାମ୍ମାଡ଼ାନଡ଼୍ ମିନ୍ଦେଡ଼୍ ତିପାଲ୍ତେ କାୟେ ପାହେମ୍ଆଦାଙ୍କ୍ ହକ୍ଦାର୍ ।"
ବେନ୍ ଦର୍ମବାବଶୂନ୍ୟ ମଣ୍ଡି ବାକ୍ୟକେତାନ୍ ନାରିଙ୍କ୍ ଇଶ୍ୱର୍ତାଗାଙ୍କ୍ ହେକାମ୍ ମାଡ଼ିତ୍, ଅଣ୍ଡ୍ ସାରେତାଗାଙ୍କ୍ ମିଡ଼୍ ଯେକା ମାନୁଟ୍ । ବେନଡ଼୍ ଇଦ୍ଲେକାମ୍ ବାକ୍ୟ କେତିତଡ଼୍, ଅଡ଼୍ ଶିକ୍ଷା କାଡ଼୍ୟ ଆଦାନ୍ ପୁଣ୍ଡ୍ ଲେକାମ୍ ତେରାନଡ଼୍ ଅଡ଼୍ ଆଗାଙ୍କ୍ ମିନ୍ଦେଡ଼୍ ହୁମନାୟ ନୁ ଫିଲିତ ।
ବେନ ଆୟି କ୍ରିଷ୍ଟନ୍ ଶିକ୍ଷାତେ ଲୋପେ ମାନକଟ୍ ବାୟ୍ଦେ ପେଇସ୍ ଆଞ୍ଜ୍, ଅଣ୍ଡ୍ ଇଶ୍ୱର୍ ତାଗାଙ୍କ୍ ୱେରେ ଆତ୍ତନ୍ । ବେନ ଆୟି କ୍ରିଷ୍ଟନ୍ ଶିକ୍ଷାତାଗ୍ ଡୁଟାଙ୍କ୍ ମାନ୍ତଣ୍ଡ୍, ଅଣ୍ଡ୍ ଇଶ୍ୱର୍ ନୁ ତାନ୍ ମାର୍ ଇର୍ୱୁଡ଼୍ ତଡ଼୍ କାଇଲିମିନ୍ଦେନ୍ ।
ବାତେଙ୍କ୍ ଇତ୍କେ ପାଣ୍ଡୁମ୍ତେ ଆଦା ଦିନାମ୍ ତେର୍ତେପେୟ୍, ଜିସୁ ମନ୍ଦିର୍ତାଗ୍ ଆଞ୍ଜ୍ ଶିକ୍ଷା ହିଦାଙ୍କ୍ ପସ୍ପ୍ତଣ୍ଡ୍ । ଆସୁଟେ ଯିହୁଦୀ ନେତାଲଡ଼୍ ଦାଦ୍ରେଲି କେତ୍ତଡ଼୍, "ହିଣ୍ଡ୍ ପାଟ୍ କାର୍ୱକଟ୍ ବେଲା ହିସର୍ ବିଷୟ୍ ପୁତ୍ତଣ୍ଡ୍ ?"
ଆସୁଙ୍କ୍ ଜିସୁ ଅଡ଼୍କିଂଙ୍କ୍ ଉତ୍ତର୍ ହିତ୍ତଣ୍ଡ୍, "ନାୟାଦ୍ ଶିକ୍ଷା ନାୟାଦ୍ ନିଜ୍ତାଦ୍ ଆୟ୍ୟ, ବାତେଙ୍କ୍ ଇତ୍କେ ନାକିଂଙ୍କ୍ ରହତେନଣ୍ଡ୍ ଇଶ୍ୱର୍ତେ କନ୍ସ୍ ୱାସ୍ମିନ୍ଦେ । ବେନଆଇ ଯଦି ଇଶ୍ୱର୍ତେ ଇଚ୍ଛା ସାଦନ୍ ମାଡ଼ାଙ୍କ୍ ଇଚ୍ଛାମାଡ଼ୁତନ୍, ଆଲାଇତ୍କେ ହି ଶିକ୍ଷା ଇଶ୍ୱରତାଗାଙ୍କ୍ ତିଆର୍, ନା ନାନ୍ ନା ନିଜର୍ତାଗାଙ୍କ୍ କେତୁତାନ୍, ଆଦ୍ ଅଣ୍ଡ୍ ପୁନ୍ତଣ୍ଡ୍ । ବେନ ନିଜେତ୍ ତାଗାଙ୍କ୍ କେତିତଣ୍ଡ୍, ଅଣ୍ଡ୍ ନିଜେତ୍ ଗୌରବତିଙ୍କ୍ ମେହ୍କିତନ୍, ବାତେଙ୍କ୍ ଇତ୍କେ ବେନ ନିଜେତ୍ ପ୍ରେରଣାକର୍ତ୍ତାନ୍ ଗୌରବ୍ ମେହ୍କିତନ୍, ଅଣ୍ଡ୍ ସତ୍, ମେଣ୍ଡେ ଅନାଗେ ବାତେମେଣ୍ଡେ ବିଶ୍ୱାସ୍ ଇଲେ ।