Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Mo-moini gena-ge 'i silefo ḏua toma Boku 'Ofi-'Ofi ma dara, enanga gena-ge ra Ma Jou’ongu Madutu ino. Boku 'Ofi-'Ofi gena-ge rema faeda di’a ngowa’a ga’a doto’o do-doto’o banari, di’a ḇangata re sidiai 'ori i’a ma rapu, re sidoto’o ngowa’a, la 'aḏi 'ahu mete’e Ma Jou’ongu Madutu 'ai 'akala ma mau ḇato. Dadi ngowa’a ga’a de-de’oso Ma Jou’ongu Madutu, ananga nga’unu 'aḏi siḏagi tamanga munara 'oru ḇato 'i ti-tiai.
"Sababu gena-ge, ngowa’a mo-moini ga’a 'aḏi 'isene Ngoi 'ari demo re ya mete’e, ananga gena-ge ma tero sa’olo ngowa’a pahe matengo 'o side’oso 'ai wala toma maḏi ma re’u.
Ngini balasu ni 'elingi tau-taunu Kristus 'ai do-doto’o, la 'i parenta taninga de’oso re ḏegoro, demo re ganau. Dadi ngini ni mete’e ma duhu so’o ne: Ni ma’u doto’o, ni ma’u si’elingi di’a mete’e 'Ai do-doto’o reninga 'akala soro’unu. Re ni mete’e ma duhu so’o ne ḏi’i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou’ongu Madutu.
'Oru ga’a ri silefo toma Boku 'Ofi-'Ofi ma dara, mo-moini gena-ge di’a sidoto’o ngene. Sababu do-doto’o toma boku gena-ge, ngene nga’unu wo tahana susa re sangisara re sibabata ngene, dadi nanga ngo-nganono ra Ma Jou’ongu Madutu 'i dadi te’e.
Nena-ne dolabololo-dolabololo ra Salomo Israel manga 'olana, 'a Daud 'ai ngowa’a nau’u.
Dolabololo gena-ge ma maksudu di’a riono ngowa-ngowa’a, la 'aḏi sanga 'akala soro’unu re do-doto’o mangale 'adata re 'atoranga
di’a sanga wo-waro lai ngido,
la ngowa’a 'aḏi sanga do-doto’o ga’a 'i si’a’a ananga 'akala soro’unu,
sa-sakala ua, pa’ala kaci moi ua re 'ahu ma loasa re banari.
Ngowa-ngowa’a ga’a 'ahu ma wo-waro rimoi i’a mai ua, dolabololo-dolabololo nena-ne ya’u sidoto’o, la ananga gena-ge 'aḏi dadi pahe
re ḏi’i ngowa’a ra-ramasa ie sanga wo-waro re 'akala soro’unu.
Dadi ngowa’a 'akala soro’unu 'aḏi 'isene dolabololo, re ḏuanga i’a nyengara 'aḏi sidogo manga wo-waro
re ḏi’i ngowa’a remanga wo-waro ga’a ya sinyanyasele, ananga gena-ge 'aḏi sanga dolabololo ma di-dibanga
di’a ananga ya sahe dolabololo re 'ade-'ade toma ngowa’a 'akala soro’unu, re ya sahe ananga manga demo-demo re cu-cumu.
Silamo’o re mojongo Ma JOU, gena-ge wo-waro ma mulaingi.
Mada’a ngowa’a haga, ananga gena-ge 'aḏi sipa-pake ua 'akala soro’unu re do-doto’o.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Ma JOU Ma Jou’ongu Madutu, ga’a ngini ni silamo’o re siḏubuso, Unanga gena-ge ngini Nu dadalara reninga 'akala re sinyingara mo-moini, reninga fikirana mo-moini, reninga de-de’e mo-moini. Re ngini ni 'elingi demo-demo gena-ge taninga 'akala re sinyingara ma dara ga’a Ngoi ta singadolo ra ngini wangere nange-ne. Sidoto’o demo-demo gena-ge taninga ngowa-ngowa’a tau-taunu. Ngini balasu na sijarita ra ananga gena-ge wakutu tegoro toma wala ma dara bolo ni sisoi’i tala wala re ni tagi rou, toma 'orasa mau otu bolo wakutu ni momi’i ḏua.
'Ari ngowa’a nau’u, no totoho la-la ino 'ani ḇaḇa 'ai do-doto’o
re awa sidaioranga 'ani ngina 'ami demo-demo,
sababu 'ani ḇaḇa 'ai do-doto’o ma tero saya-saya toma sae’e,
re 'ani ngina 'ami demo-demo ma tero rate tani camala.
Hai 'ari ngowa’a nau’u, na si’a’a 'ani ḇaḇa 'ai parenta, re sidaioranga awa 'ani ngina mi duga re domolo. Na 'elingi tau-taunu manga demo-demo, na gogono tani 'akala re sinyingara ma dara, na sikole tani camala. Na’o no tagi, enanga ḏuanga i’a 'i sinyanyasele, na’o no otu, enanga ḏuanga i’a 'i jaga, na’o no momi’i, enanga ḏuanga i’a 'i pula’a duga re domolo ma la-la. Sababu parenta gena-ge ma tero lapuru, re do-doto’o gena-ge ma tero tarangi; manga ḇangata ra ngana gena-ge 'i sila-la 'ani 'ahu ma ngo’omo,
No kutale di’a sanga 'akala soro’unu, no kutale di’a sanga wo-waro lai ngido,
re 'ari duga re domolo na sidaioranga awa re sipa-pake ua awa.>>
Awa no sipa-pake ua 'akala soro’unu, la enanga ḏuanga i’a 'i riono ngana,
dadalara enanga, la enanga ḏuanga i’a 'i jaga ngana, la 'ani 'ahu 'i ogoro.
'Akala soro’unu gena-ge ma faeda lai lamo’o masala dadi siḏa-siḏa na disa,
reo ngo’omo 'oru ḇato no kutale di’a sanga wo-waro lai ngido.
No silamo’o 'akala soro’unu, la enanga ḏuanga i’a 'i sikau’u ngana,
no macako’o namo-namoto ra enanga, la enanga ḏuanga i’a 'i si’a’a ngana ngowa’a ni silamo’o.
No macako’o tari do-doto’o, awa na eanga,
balasu na palihara enanga, sababu enanga 'ani 'ahu ma cimi.
Mete’e awa ngowa’a kajahatana manga 'ahu ma ngo’omo,
re na cuḏuḏu’u awa ngowa’a ga’a manga de’oso re ḏegoro ma rousu ua.
Na kaḏiarata 'ani 'akala re sinyingara la-la,
sababu 'ani 'ahu ma ngo’omo 'i supu gena ino.
Upa’a 'ani madanga lamo’o,
re awa yai’i sa-salanga.
'Ani la’o tatapu 'i tatamo toma biono,
re 'ani momina tatapu toma 'ahu ma ngo’omo ma banari.
Na mete’e 'ahu ma ngo’omo ga’a 'i rata,
singadolo 'ani munara mo-moini rema hasili.
Awa no malalo’o kuwiḏa bolo kuḇali, jaga 'ani rou
la awa na mete’e ngowa’a ma jira manga 'ahu ma ngo’omo.
Ngowa’a 'akala soro’unu manga do-doto’o gena-ge 'ahu ma cimi,
singadolo 'aḏi sanga silalo’o toma 'ori i’a ma jira.
Silamo’o re mojongo Ma JOU, gena-ge 'akala soro’unu ma mulaingi,
re nana’o Unanga ga’a 'Ofi-'Ofi ma pari cua, gena-ge wo-waro lai ngido.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Jama’ata ma bi-biri’i--bi-biri’i ga’a 'aḏi cufala ya siḏagi manga munara, gena-ge enanga ma ngi’i ngowa’a ya’u silamo’o mode-mode’e re ya’u pula’a ngogele, ma la-lamo’o i’a ngowa’a ga’a 'aḏi singadolo bolo 'aḏi doto’o mangale Habari Roanga. Sababu silefo ḏua toma Boku 'Ofi-'Ofi ma dara so’o nena-ne: "Sapi ga’a sipake ruju gandum, awa na sao ma madanga." So’o gena ḏi’i 'i silefo ḏua so’o nena-ne: "Ngowa’a ga’a 'aḏi munara, manga haku 'aḏi sanga enanga ma ngogele."
Ngana no maki-kiḏanga toma ngowa’a manga jarita ma faeda 'i cua ga’a 'i sije-jengere Ma Jou’ongu Madutu. Jarita so’o gena-ge si’a’a ngowa’a ganapu dadi cira. Ananga gena-ge manga do-doto’o 'i rera re walata ma tero sa’olo si-siḏi bara. Ananga gena-ge manga sigolona 'age 'a Himeneus ra Filetus.
'A guna ḇato 'o mete’e 'a Kristus 'ai do-doto’o ua, re 'o maki-kiḏanga 'oru ga’a Unanga ro doto’o, Ma Jou’ongu Madutu 'o marimoi ua ra unanga. Mada’a, 'a guna ḇato 'o mete’e tau-taunu Kristus 'ai do-doto’o, Ma Jou’ongu Madutu, re 'Ai Ngowa’a Nau’u ḏi’i 'aḏi marimoi ra unanga.
Toma laya ma si’olona i’a, Yesus 'o supu re 'O osama ra Ma Jou’ongu Madutu 'ai Wala ma soana re mulaingi 'O doto’o ngowa-ngowa’a toma ngi’i gena-ge. Dadi Yahudi manga bi-biri’i 'aḏi heranga masala re 'aḏi kanau, "Unanga ne kama sakola ua, mada’a 'Ai wo-waro ma repe mangale Boku 'Ofi-'Ofi!"
Yesus 'a sangoro, "Ngoi to doto’o 'Ari do-doto’o ua, mada’a do-doto’o ra Unanga ga’a Ro 'utusu Ngoi. 'A guna ḇato ga’a mau mete’e Ma Jou’ongu Madutu 'ai 'akala ma mau, ananga gena-ge ḏuanga i’a ya disa waro 'oru ga’a Ngoi to doto’o ma 'asala ra Ma Jou’ongu Madutu bolo ra Ngoi masiretene. Ngowa’a matengo ga’a 'o pula’a 'ai do-doto’o masiretene 'aḏi disa ngowa’a 'aḏi silamo’o unanga. Mada’a ngowa’a matengo ga’a 'o disa ngowa’a 'aḏi silamo’o Unanga ga’a 'U 'utusu, ngowa’a gena-ge 'o loasa re banari re kama sa-sakala ua.