Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Kitaabui sɛniyɛnxi birin fatanxi Ala nan na. A fan xaranyi ra, a fan yaabi ra, a fan matinxinse ra, a fan tinxinyi masenfe ra, alako Ala xa mixi xa nɔ wali fanyi birin nabade.
Banxiti firin xa taali
«Na kui, mixi naxan na n ma masenyi ramɛ, a fa a rabatu, na kanyi maniya xaxilima ra naxan a xa banxi bili ti fanye ma.
Ala xa Mixi Sugandixi xa masenyi fanyi xa lu wo bɔɲɛ kui. Wo xa wo bore xaran, wo man xa marasi nun lɔnni fi wo bore ma. Wo xa na raba suuki nun bɛɛti ra naxan fatanxi Ala Xaxili Sɛniyɛnxi ra. Wo xa Ala tantu na bɛɛtie ra, e xa keli wo bɔɲɛ yati yati nan kui.
Fe naxan birin sɛbɛxi Kitaabui kui waxati dangixi, e sɛbɛxi nɛ alako won xa fahaamui sɔtɔ, won xa won tunnabɛxi, won xa limaniya, alako xaxili tide xa lu won bɛ.
Yi kitaabui sɛbɛxi fe naxan ma
Isirayila mangɛ Dawuda xa di Sulemani, xa taalie nan ya:
E sɛbɛxi nɛ mixie bɛ alako e xa lɔnni, e xa rasi,
xaxili fanyi xa lu e bɛ, xurui fanyi xa lu e yi,
e xa bira tinxinyi, nɔndi, nun fe fanyi fɔxɔ ra.
Xaxili fanyi mu naxee yi, nee xa na sɔtɔ,
maɲɔxunyi fanyi xa lu fonikee bɛ,
e xa fe fanyie kolon, e lan e xa naxee raba.
Lɔnnila xa a tuli mati
alako a xa fe kolonyi xun xa masa.
Xaxilima xa a tuli mati,
alako a xa ɲɛrɛ ki fanyi kolon,
taali kui fiixɛfe xa sɔɔnɛya e bɛ,
e xa fahaamui sɔtɔ lɔnnilae xa masenyie nun taalie ma.
Alatala xa yaragaaxui findixi lɔnni fɔlɛ nan na.
Xaxilitaree nan yoma lɔnni nun marasi ma.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Wo lan nɛ wo xa wo Marigi Alatala xanu wo bɔɲɛ fiixɛxi ra, wo nii ra, a nun wo sɛnbɛ birin na. N yi masenyi naxan xaranxi wo bɛ yi ki, a xa lu wo bɔɲɛ ma. Wo fama nɛ a mabanbande wo xa die bɛ tɛmui birin, xa wo na banxi kui, xa wo na biyaasife, kɔɛ nun yanyi ra.
N ma di, i i tuli mati i baba xa marasi ra,
i naxa tondi i nga xa xurui ra,
barima xunmase tofanyi nan findima a ra i xunyi ma,
kɔn magore nan a ra i kɔnyi ma.
N ma di, i baba xa sɛriyɛ ragata,
i naxa tondi i nga xa marasi ra.
E xa lu i bɔɲɛ kui tɛmui birin, e xiri i kɔn ma.
E i raɲɛrɛma nɛ i xa duniɲɛigiri kui,
e i makanta i xa sade ma, e i rasi i keli tɛmui.
Na sɛriyɛ findixi lanpui nan na,
na xaranyi kira masenma nɛ i bɛ,
na marasi i xun tima simaya kira nan xɔn ma.
I xa lɔnni fen, xaxili fanyi xa lu i bɛ.
I naxa nɛɛmu n ma masenyi ma,
i naxa nɛɛmu n ma sɛriyɛ ma.
I naxa e rabɛɲin, e i makantama nɛ.
N ma sɛriyɛ xa rafan i ma, a i ratangama nɛ.»
Lɔnni fɔlɛ nan yi ki:
I xa lɔnni fen, i xa fe birin naba alako i xa xaxili sɔtɔ.
Xa i xaxilimaya binya, a i itema nɛ.
Xa i a suxu, a i xunnakelima nɛ.
Lɔnni suxu, i naxa a rabolo, i naxa a rabɛɲin,
barima a findima simaya nan na i bɛ.
I naxa bira mixi ɲaaxi fɔxɔ ra,
i naxa mixi kobi xa kira suxu.
I bɔɲɛ kanta dangife se birin na,
barima simaya kelima a tan nan ma.
Wule naxa mini i dɛ i,
i naxa mixi madaxu i xa wɔyɛnyi ra.
I nɛ wɔyɛnma mixi bɛ, i i ya ti a ra,
i naxa i ya rasiga yire gbɛtɛ.
I ɲɛngi sa i ɲɛrɛ ki xɔn ma,
i lu kira fanyi xɔn ma.
I naxa binya yirefanyi ma,
i naxa binya kɔɔla ma.
I naxa i sanyi ti kira ɲaaxi xɔn ma.
Xaxilima xa marasi findima simaya nan na,
a mixi ratangama gantanyi ɲaaxi ma.
Lɔnni fɔlɔma Alatala xa yaragaaxui nan ma.
Fahaamui sɔtɔma Ala Sɛniyɛntɔɛ kolonfe nan ma.
Ala nun Isirayila
Ala matɔxɔɛ
Asafi xa lɔnni bɛɛti
N ma ɲama, wo wo tuli mati n ma xaranyi ra,
wo wo, tuli mati n ma masenyi ra.
N misaali nde falama wo bɛ,
n fe dangixie madɔxɔ,
muxu fe naxee mɛ, muxu fe naxee kolon,
muxu babae saabui ra.
Muxu mu nee nɔxunma e bɔnsɔɛe ma,
muxu Alatala xa matɔxɔɛ falama nɛ e xanbiratie bɛ,
muxu a sɛnbɛ nun a xa kaabanakoe masenma nɛ e bɛ.
Yosuwe xunlanmae birin to faxa, mixi gbɛtɛe naxa mini naxee mu Alatala kolon. E mu a kolon a nu bara naxan naba Isirayila bɛ.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Danxaniyatɔɛ ɲama xa forie, naxee fee raɲɛrɛma a fanyi ra, e xa binyɛ xungbe sɔtɔ, a gbengbenyi naxee kawandi nun xaranyi tima. A sɛbɛxi Kitaabui kui, «Ninge nɛ mɛngi turuxunma, wo mu lan wo xa a dɛ xiri.» A man sɛbɛxi, «Walikɛ xa a wali sare sɔtɔ.»
Wɔyɛn ɲaaxi fufafu lu na, barima naxee na mɔɔli falama, e xa kaafiriɲa xun nan tun masama. E xa wɔyɛnyi gboma nɛ alɔ fure ɲaaxi, naxan mixi faxama. Humeneyo nun Fileto na nee nan ya ma.
Mixi naxan fe gbɛtɛ suxuma, a mu bira Ala xa Mixi Sugandixi xa xaranyi fɔxɔ ra, na kanyi mu Ala kolon. Naxan birama a fɔxɔ ra, a bara Baba Ala nun a xa Di kolon.
Yuwifie nu sali naxan nabafe, lɔxun keren na a ra. Na to nu bara siga han a tagi, Isa naxa te hɔrɔmɔbanxi kui, a kawandi ti fɔlɔ. Yuwifi kuntigie naxa kaaba, e nu a fala, «Yi xɛmɛ lɔnnixi yi mɔɔli ra di, a to mu xaranxi?» Isa naxa e yaabi, «N kawandi naxan tima, a mu kelixi n tan xa ma. A kelixi n Xɛɛma nan ma. Mixi naxan wama Ala waxɔnfe rabafe, a nɔma nɛ a kolonde xa yi xaranyi fatanxi Ala nan na. Xa n gbe gbansan na a ra, mixie a kolonma nɛ nu. Mixi naxan wɔyɛnma a yɛtɛ xaxili ma, a matɔxɔɛ fenfe a yɛtɛ nan bɛ. Kɔnɔ naxan matɔxɔɛ fenfe a Xɛɛma bɛ, nɔndi falɛ nan na kanyi ra, tinxintareya yo mu naxan bɔɲɛ ma.