16 Ccathyaa balyn tuh Pachia hysawnuapaw thua zah, ccangpyakunaw hanlan, seinaw langsaku nawlan, raethuinaw hanlan, dingnaw kya thuiheikunaw hanlan athanepaw nynh thua. 17 Tuhcite Pachia ccungccaw tuh accingpaw athua nawlan te ahoypaw ryalaw miakaw hanlan paccynpaw athua nawlan nynh thua.

24 "Tukeiccuze humhung zemah hynh-e ka bya hynh thae zah a zuipaw tuh lungpi vawlan a inn a sakkuhpaw mihawpaw te nynh a loku.

16 Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh.✝

4 Pawccecize Ccathyaa kya a umpaw ngaesangnaw te thawpyanaw liate aening nynh ngaehoinaw ah hoi nawlan oh, Ccathyaa kya langmawlya e azeikuhpaw miakaw tuh aening thuiheinaw elang nynh zei athua.

1 Israel siapharan, David ccapaw Solomon phungtangbya:

2 Hawnaw te thuiheinaw kong

ccangkunaw hanlan,

akhupaw bya kha nythyanaw hanlan,

3 dingnaw, byading te

laesah leinaw hanlan te

4 tuanaw a zya hae paw kha hawnaw,

mino hae kha nynaw te tuathyanaw

ccangpya khylan nynh thua.

5 A haw hae paw nynh mah

thae hae sah lah, houh haw hae sah,

a thya hae paw nynh

thyanaw houh mue hae sah,

6 phungtangbya te tousenaw bya kha thuasah,

mihaw hae bya te

mih bya akhupaw kha thuasah

a thaethya nawlan hae nynh thua.

7 Bawipaw rawrinaw tuh

hawnaw athonaw nynh thua;

mingaee hae nynh tuh hawnaw te

thuiheinaw kha pawlangria khyh hae.✝

5 Bawipaw na Pachia kha na thinlung balyn te, na tuanaw balyn te, na thawzung balyn te na sungsah cih.✝ 6 Atunin kaw kae pyapaw hynh-e bya hae hynh na thinlung kya ccykekuh.✝ 7 Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.

8 Ka ccaaw, na paaw thuiheinaw kha ngae lah,

na nung ccangpyanaw kha vua nan;

9 pawccecize tuh-e hae tuh na lu hanlan

apuithyapaw pungde athua cih zah,

na nging hanlan si alungmung athua cih.

20 Ka ccapaw, na paaw kawbya kha zui lah,

na nung ccangpyanaw kha vua nan.

21 Tuh-e hae tuh na thinlung kya

zungzae ccykekuh lah,

na nging kya oikuh.

22 Na ccia vae ze, tuh-e hae nynh

ae cciakhae cih hae;

na i vae ze, phang ae rin cih hae zah,

he na thaekuh te, bya ae hokhae cih hae.

23 Pawccecize kawbya tuh

maeekhua thua zah, ccangpyanaw tuh

awnaw nynh thua, a seinaw

phypya biate thuiheinaw tuh

hiinnaw laanpi nynh thua.

5 Hawnaw kha ccangku tua;

nythyanaw kha ccangku tua;

Ka khalang kya-e bya hynh ning nan lah,

maetawkuh nan.

6 Hawnaw kha vua nan lah,

nang kha ae thungkhaw cih;

hawnaw kha sungsah lah,

nang kha ae rin cih.

7 Masaty na ccangku lanpaw tuh

hawnaw nynh thua;

hawnaw kha ccangku tua,

na ccangku lanpaw balyn kyaze

nythyanaw kha ccangku tua.

8 Hawnaw kha aphutesah lah,

nang kha ae hangthung cih;

tuh-e hawnaw tuh na pompaeku lanze

sawtuanaw ae ccousah cih.

13 Thuiheinaw kha

phang kyngkuh lah saw nan;

hoyte rintua, pawccecize tuh-e tuh

na hiinnaw nynh thua.

14 Ccungccaw hoylei hae paw

laanpi kya tee nan lah,

hoyleinaw a rae hae paw

laanpi kya cceihbua nan.

23 Na thinlung kha hoyte raeringtua,

pawccecize tuin kyate nynh

hiinnaw tuidy yn phyh.

24 Hynbya kha na khalang kyate

sungkuh lah, thyaruhnaw bya kha

na kyate ccaring vuatua.

25 Na mit nynh malang khe

lawbabin lan dosah lah,

na malang khe tahrarin lan

phang dosah.

26 Na ccu nynh a kawnaw laanpi kha

hoyte dokuh lah,

na laanccia balyn tuh hoyte

na cceih kho cih.✝

27 Voilang ranglang maekuh nan,

na ccu kha hoyleinaw kyate

maeleih tua.

14 Mihawpaw kya-e ccangpyanaw tuh

chinaw kaang kha sibia nawlan

hiinnaw tuidy nynh thua,

10 Bawipaw rawrinaw tuh

hawnaw athotakawnaw nynh thua,

Athyaapaw Pachia kha nynaw tuh

akhupaw nynaw nynh thua.✝

1 Pou ka ccungccaw hae,

ka ccangpyanaw hynh ngaetua oh;

ka hopaw bya kalan hin

nae nakaring kha oun tuaku tua oh.

2 Tousenaw phungpaw kha ka ho cih zah,

langmawlya e byakhupaw kha ka ho cih,✝

3 tuh-e tuh ah minpaaw hae nynh

aening oun hopya hae paw,

ah thae vae oh paw te

ah ny vae oh paw kha nynh thua.

4 Tuh-e bya hae tuh ah ccaaw hae kha

thuruhpya lei lan hae;

Bawipaw kya-e alesaepaw

ryalaw hae,

a thawzung te a la cyipaw

ngaeangnaw hae kha

yn thua cih paw she e

ccungccaw hae kya hopya lan hae.

10 Te tuin she e ccungccaw hae balyn tuh mih minpaaw hae kyakhe sueluabua athua hae; Bawipaw kha thuasah, Israel hanlan a cyipyapaw rya kha thuasah a nyh leipaw she thawpaw tuh minmin koute yn langkuh.

17 Ahoyte a uk hae paw pastor hae, abyapi lante phunghonaw kya te ccangpyanaw kya ryalah hae paw tuh sawtuanaw leit ning te ccou lan angaekuh hae cite tua lanpaw nynh thua. 18 Pawccecize Ccathyaa nynh, "Ccatan a tin cciamangpaw tangnuapaw mung kha na bucceih lan khyh," a ci, te "Ryalahtupaw tuh a ryalaw mee mue lan accan," bua a ci.✝

16 Anungsikuhpaw, accakaepaw bya ccohkunaw kha la sungkuh, pawccecize tuh-e bya nynh ccungccaw hae kha Pachia kyate houhouh a sawsaku hae. 17 Mih bya tuh vaemaw hawte apazaekuh cih. Tuh-e hae kya Himenias te Filetas a umbua hae.

9 Humhung zemah Khri ccangpyanaw kya tyn leite, kaw a ngae leipaw ccungccaw tuh Pachia hoi khyh; Khri ccangpyanaw kya atynpaw ccungccaw tuh Paaw te Ccapaw kha parouh mawte a hoi.

14 Tuh-e poi angankuh loukaw athang te, Jesu nynh beikinn lang cceih zah a ccangpya hae. 15 Judah hae tuh mih ngaeangthua zah, "E ccungccapaw hynh a ccangkuh lei pite pawtemou hynhzeih hynh a ny kho?" a ci hae. 16 Jesu nynh, "Ka ccangpyanaw hynh kamaw kya-e thua khyh, kae yn sawtupaw kya-e nynh thua. 17 Ccungccaw lu kheit nynh Pachia rynaw kha a cyi ry lanze, ka ccangpyanaw kong kha a nyh cih, tuh-e tuh Pachia kya-e tou, tuhkhyhze kamaw kya-e tou ka ho cipaw a nyh cih. 18 Amaw a rynaw te a hopaw ccungccaw tuh amaw phu-enaw nynh a ccungku; thuasalama a sawtupaw phu-enaw a ccungpaw tuh ahmepaw thua zah a lungkhu kya seinaw um khyh.