Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
पर जो यहोवे खे मतादा रिया उम्मीदा ते न्याल़ोए, तिना खे नवीं तागत मिलदी रणी, सेयो उकाबो जेड़े उडदे रणे, सेयो दौड़ने ओर बेओश नि ऊणे ओर चलणे पर थकणे नि।
तेबे बी परमेशर इजी रिया तँईं देरी करोआ ताकि तुसा पाँदे अनुग्रह करो ओर इजी री खातर से ऊच्चे उठणा ताकि तुसा पाँदे दया करो, कऊँकि परमेशर यहोवा न्यायी परमेशर ए; सेयो माणूं कितणे तन्य ए जो तेस पाँदे उम्मीद लगाई राखोए।
प्रभुए खे न्याल़दा रओ;
ईम्मत राख ओर तेरा दिल मजबूत रओ;
जरूर, प्रभुए खे न्याल़दा रओ।
पर आऊँ जाणूंआ कऊँकि आऊँ तां पाँदे परोसा करूँआ, जदुओ तक आऊँ जिऊँदा ए तूँ माखे पला ए।
प्रभुए खे न्याल़दा रओ;
ईम्मत राख ओर तेरा दिल मजबूत रओ;
जरूर, प्रभुए खे न्याल़दा रओ।
यहोवा मेरी जोति ए जो माखे बचाओई।
आऊँ केसी ते नि डरदा।
यहोवा मेरी रखवाल़ी आपू करोआ ओर आऊँ कदी बी चिन्ता नि करदा।
जेबे बुराई करने वाल़े मां पाँदे अमला करने खे मेरे नेड़े आओए,
तेबे सेयो ठोकर खाई की थाले रूड़ी जाओए।
चाए सेना बी मेरे खलाफ माखे केरा पाई लओ,
तेबे बी मां नि डरना; चाए मेरे खलाफ युद्ध छिड़ी जाओ,
तेबे बी मेरा परोसा यहोवे पाँदे अटल ए।
मैं सिर्फ एक ई बरदान प्रभुए ते मांगी राखेया,
मां तेतेरे ई जत्नो रे लगेया रा रणा,
ताकि आऊँ पूरी जिन्दगी प्रभुए रे मईलो रे रई सकूँ ओर प्रभुए री सुन्दरता खे देखी सकूँ
ओर तेसरे मईलो रे दर्शण करुँ।
प्रभुए मुसीबता रे बखते आऊँ आपणे
मण्डपो रे लकोई देणा;
तेस माखे आपणे तम्बूए रे पीतरे आसरा देणा
ओर तेस आँऊ सुरक्षित जगा दे राखणा।
एबे मेरा सिर मेरे चऊँ कनारलेया दुश्मणा ते ऊच्चा ऊणा
ओर मां प्रभुए रे तम्बूए रे जयजयकारा साथे बलिदान चढ़ाणा
ओर तेसरा पजन गाणा।
ओ प्रभु, जेबे आँऊ ताखे आका पाऊँ तेबे मेरी पुकार सुणी लओ,
तूँ मां पाँदे दया कर ओर माखे उत्तर दे।
जेबे तैं बोलेया, "आओ मेरी आराधना कर।"
तेबे मैं ज्वाब दित्तेया, "मां आऊणा, प्रभु।"
आऊँ तेरा दास ए; मांते नराज नि ऊणा ओर ना मांते दूर ऊणा।
तैं हमेशा मेरी मताद करी राखी ए।
तूँ मेरा सेई परमेशर ए जिने आऊँ बचाई राखेया,
इजी री खातर एबु माखे नि छाड।
मेरे माये-बाओए तो आऊँ छाडीता रा,
पर प्रभुए आऊँ सम्बाल़ी लणा।
माखे सखा, ओ प्रभु, कि तूँ क्या चाएआ कि आऊँ करुँ,
ओर माखे एक सुरक्षित बाटा दे लई चल, कऊँकि मेरे बऊत दुश्मण ए।
माखे मेरे सताणे वाल़ेया री इच्छा पाँदे नि छाड,
कऊँकि चूठे गवा, जो मेरे खलाफ खड़ी रे;
सेयो चगड़ा करने रिया धुना रे ए।
पर आऊँ जाणूंआ कऊँकि आऊँ तां पाँदे परोसा करूँआ, जदुओ तक आऊँ जिऊँदा ए तूँ माखे पला ए।
प्रभुए खे न्याल़दा रओ;
ईम्मत राख ओर तेरा दिल मजबूत रओ;
जरूर, प्रभुए खे न्याल़दा रओ।
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
आऊँ सब्रो साथे प्रभुए खे न्याल़दा रया;
ओर तिने मेरी तरफा खे त्यान दित्तेया ओर मेरी दुहाई सुणी।
तिने आऊँ चीकड़ ओर चीकड़ो ते परे गड्डे ते बारे खिंजी ता,
तिने मेरे पैर चट्टानी पाँदे मजबूत कित्ते। ताकि आऊँ ठीक टंगो दे चली सकूँ ओर खरीसड़ू नि।
यहोवे माखे एक नवां गाणा सिखाया, जो म्हारे परमेशरो री स्तुतिया रा गाणा ए।
बऊत लोक देखी की डरने ओर तिना प्रभुए पाँदे परोसा राखणा।
से माणूं बऊत ई तन्य ए, जो प्रभुए पाँदे परोसा करोआ,
ओर मूर्तिया री तरफा खे नि मुड़दे या चूठे देवतेया री पूजा करने वाल़ेया बीचे शामल नि ऊँदे।
ओ मेरे प्रभु परमेशर, तैं आसा रिया तँईं बऊत सारे काम करी राखे!
जो अचम्बे रे काम ओर इच्छा तूँ म्हारिया तँईं करेया सेयो बऊत सारिया ए;
जे आँऊ तिजी रे बारे लोका खे बताऊँ तो आँऊ बतांदे-बतांदे थकी जाणा कऊँकि तिना री गिणती नि ऊई सकदी।
प्रभु, तां जेड़ा कोई नि ए!
तूँ मेलबलि ओर नज्जो री बलिया ते खुश नि ऊँदा,
तैं मेरे कान खोले ताकि आँऊ बिधानो रा पालण करुँ।
ओर इजी री खातर मैं ये ज्वाब दित्तेया, "हे परमेशर, देख आऊँ एथी आ,
कऊँकि कताबा रे मेरे बारे एड़ा ईए लिखेया रा।"
ओ मेरे परमेशर, आऊँ तेरी इच्छा पूरी करने ते खुश ए
ओर तेरा बिधान मेरे दिलो रे ए।
जेबे बी तुसा रे लोक कट्ठा ओए, मैं तिना खे बताई राखेया कि तैं आसे किंयाँ बचाई राखे। यहोवा, तूँ जाणेआ कि आऊँ तिना तर्मिया लोका खे बताणे ते नि डरदा।
मैं तेरी तार्मिकता आपणे दिलो रेई नि राखी; बल्कि तेरी सच्चाई
ओर तेरे उद्धारो री चर्चा करी राखी; मैं तेरी करूणा ओर सच्चाई बड़ी सभा ते गुप्त नि राखी।
ओ प्रभु, तूँ आपणी बड़ी दया मां पाँदा ते नि टाया,
तेरी करूणा ओर सच्चाईया ते लगातार मेरी रक्षा ऊँदी रओ!
मेरे जीवनो दे अणगिणत समस्या ए।
मेरे पाप मेरे चऊँ कनारे ए, ओर माखे आपणी बाट नि लगी री मिलणे।
मेरे पाप मेरे सिरो रे बाल़ा री गिणतिया ते जादा ए,
ओर इजी री बजा ते मेरा दिल दु:खी ए।
बुरे काम गिणतिया रे मेरे सिरो रे बाल़ा ते बी जादा ए, तेबेई तो मेरा दिल दु:खी आ।
ओ प्रभु, मईरबानी करी की माखे छुड़ाई लओ!
ओ प्रभु, मेरी मताद करने रिया तँईं फुर्ती करी दे!
जो लोक माखे काणा चाओए, सब शर्मिंदा ओ ओर तिना री बेज्जती ओ;
जो मेरे नुकशाणो ते खुश ओए सेयो नठाए जाओ
ओर तिना रा नरादर कित्तेया जाओ।
आसे आपणी उम्मीद प्रभुए पाँदे लगाई राखी;
सेई म्हारा रक्षक ए ओर म्हारी मताद करोआ।
म्हारा मन यहोवे रिया बजा ते खुश ऊणा,
कऊँकि आसे तेसरे पवित्र नाओं पाँदे परोसा राखी राखेया।
ओ प्रभु, जिंयाँ तां पाँदे म्हारी उम्मीद ए,
तिंयाँ ई तेरी करूणा आसा पाँदे ओ।
आऊँ बेसब्रिया ते यहोवे रिया मतादा री बाट देखदा रऊँआ,
ओर तेसरे वचना पाँदे माखे परोसा ए।
प्याग ऊणे रा इन्तजार करने वाल़े पईरेदारो ते जादा, आ,
प्याग ऊणे रा इन्तजार करने वाल़े पईरेदारो ते जादा मेरा प्राण प्रभुए रा इन्तजार करोआ।
आऊँ परमेशरो रे आसरे रऊँआ,
ओर आऊँ तेस पाँदे परोसा राखूँआ।
प्रभुए खे न्याल़दा रओ ओर तेसरी बाटा रे चलदा रओ,
ओर तेस तेरी तरक्की करी की तूँ तरतिया रा अक्कदार बणाई देणा;
तां दुष्ट माणूंए रा सत्यानाश ऊँदे देखणा।
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
तैं आपणियां समजा रा साअरा नि लणा,
बल्कि पूरे मनो ते यहोवे पाँदे परोसा राखणा।
तुसे जो कुछ बी करोए तिदे यहोवे खे याद राखो,
ओर तेस तुसा खे सई बाट दखाणी।
बस येई नि, बल्कि आसा खे क्ल़ेशो पाँदे बी कमण्ड करना चाईयो, ये जाणी की कि क्ल़ेशो ते सब्र और सब्रो ते खरा निकल़ना और खरे निकल़ने ते उम्मीद जागोई
आऊँ प्रार्थना करूँआ कि परमेशर आपणी महिमा री शक्तिया रा इस्तेमाल करी कि तुसा खे सब प्रकारो री सामर्था ते तागतबर करो। जेते कि तुसे खुशिया साथे हर प्रकारो ते सब्र और सईन शीलता दखाई सको।
तो ओ प्यारे साथी विश्वासियो! प्रभुए रे आऊणे तक सब्र राखो। देखो, जिम्मीदार तरतिया री किमती फसला री उम्मीद राखदा ऊआ, पईली और आखरी बरखा ऊणे तक सब्र राखोआ। ईंयां ई तुसे बी सब्र राखो और आपणे दिलो खे मजबूत करो, कऊँकि प्रभुए रा आऊणा नेड़े ए।
देखो, आसे सब्र राखणे वाल़ेया खे धन्य बोलूँए, तुसे तो अय्युबो रे सब्रो रे बारे रे तो सुणी राखेया और प्रभुए री तरफा ते जो तेसरा फल ऊआ, से बी जाणी ला रा, जेते साथे प्रभुए री बऊत बड़ी करूणा और कृपा प्रगट ओई।
कऊँकि तुसे सच्चाईया खे मानणे रे जरिए पापो ते पवित्र करी राखे तेबेई एबे तुसे निष्कपटो ते और तन-मन लगाई की एकी-दूजे साथे प्यार करो। तुसे नयी जिन्दगी परमेशरो री तरफा ते पायी राखी। तुसा लोका री ये जिन्दगी नाशवान बीजो ते नि पर अविनाशी बीजो ते मतलब परमेशरो रे जिऊँदे और सदा ठईरने वाल़े वचनो ते ए। कऊँकि पवित्र शास्त्र बोलोआ,
"हर एक प्राणी काओ जेड़ा ए
और हर एकी री शोभा काओ रे फूलो जेड़ी ए,
काआ सूकी जाओआ और फूल चढ़ी जाओआ,
पर प्रभुए रा वचन जुगो-जुगो तक टीके रा रणा"
और ये वचन यीशु मसीह रा सुसमाचार ए, जो तुसा खे सुणाया था।
कुछ लोक सोचोए कि प्रभु वापस आऊणे रे आपणे वादे रे बारे रे देर करने लगी रा। पर प्रभु आपणे वादे रे बारे रे देर नि करदा। बल्कि से तुसा रे बारे रे सब्र राखोआ और ये नि चांदा कि कोई नाश ओ, पर ये कि सबी खे पापो ते मन फेरने रा मोका मिलो।
तेबे यीशुए आपणे चेलेया खे फेर बोलेया, "जेबे आँऊ माणूं रा पुत्र आऊणा, तेबे स्वर्गो रा राज्य लाड़िया री तिना दस कुआँरिया सहेलिया जेड़ा ऊणा, जो आपणियां मशाला लयी की तेसा रे लाड़े साथे मिलणे खे निकल़िया। तिना बीचा ते पाँज मूर्ख और पाँज समजदार थिया। जो मूर्ख थिया तिने आपणियां मशाला तो लईया, पर आपू साथे फालतू तेल नि लया। पर समजदारे आपणियां मशाला साथे आपणियां कूप्पिया रे तेल बी परी ला। जेबे लाड़े खे आऊणे रे देर ऊईगी, तेबे तिना खे नींजा रे टमके लगणे लगे और सेयो सयी गिया।
"आदिया राती आल्ला-गोल्ला लगेया ऊणे कि देखो, लाड़ा आऊणे लगी रा, तेस साथे मिलणे चलो। तेबे सेयो सब कुआँरिया उठिया और आपणी-आपणी मशाला ठीक करने लगिया। तेबे जो मूर्ख थिया सेयो समजदारा खे लगिया बोलणे, ‘आपणे तेलो बीचा ते आसा खे बी थोड़ा जा तेल देई दो, कऊँकि आसा री मशाला बिजणे लगी रिया।’ पर समजदारे बोलेया, ‘ये आसा और तुसा खे पूरा नि ऊणा। खरा तो ये कि तुसे जाओ और बेचणे वाल़ेया ते खरीदी की ली आओ।’ जदुओ खे सेयो खरीदणे गईया, तदुओ खे लाड़ा आईगा और जो त्यार थिया, सेयो तेस साथे ब्याओ रे कअरे चली गिया और द्वार बंद करी ता। तिजी ते बाद सेयो दूजिया कुआँरिया बी आयी की लाड़े खे बोलणे लगिया, ‘ओ मालक, ओ मालक, आसा खे बी दरवाजा खोलो।’ तिने ज्वाब दित्तेया, ‘आऊँ तुसा खे सच्च लगी रा बोलणे कि आऊँ तुसा खे नि जाणदा।’ इजी री खातर जागदे रओ, कऊँकि तुसे ना तो मेरे आऊणे रे तेस दिनो खे जाणोए और ना तेसा कअड़िया खे।