Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
पन ज़ैना यहोवा बलगतन; तैना नंव्वी ताकत हासिल केरते गाते, तैना उकाबा केरे ज़ेरे उडरेले, तैना दौड़ेले ते थकेले न, च़लेले ते थकावट मैसूस न केरेले।
परमेशरेरो अपने लोकन पुड़ अनुग्रह
फिर भी यहोवा एल्हेरेलेइ च़िर लाते, कि तै तुसन पुड़ अनुग्रह केरे, ते एल्हेरेलेइ उच्चे केरेलो कि तुसन पुड़ दया केरे। किजोकि यहोवा न्याय केरनेबालो परमेशरे; धन आन तैना ज़ैना तैसेरे इंतज़ारे मां रहतन।
यहोवारे इंतज़ारे मां रेइयां;
हिम्मत रख ते तेरो दिल मज़बूत राए;
हाँ, सिर्फ यहोवारो इंतज़ार केर!
अगर मीं विश्वास न भोथो कि अवं ज़ींतां केरि
धेरती पुड़ यहोवारी भलियाई हेरेलो,
त अवं बेहोश भोइ गाथो।
यहोवारे इंतज़ारे मां रेइयां;
हिम्मत रख ते तेरो दिल मज़बूत राए;
हाँ, सिर्फ यहोवारो इंतज़ार केर!
विश्वासेरू एलान
यहोवा मेरी लौ ते मेरी मुक्ति आहे;
अवं कैस करां डेरि?
यहोवा मेरे ज़िन्दगरो मज़बूत क़िलो ठहरोरोए,
अवं कैस करां डेरि?
ज़ैखन बुरे लोक ज़ैना मीं सताते
ते मीं सेइं बैर रखते थिये,
ते मीं मारनेरे लेई कोशिश की,
तैखन तैन्ना ठोकर खेइतां बिछ़ड़ी जे।
चाहे सेना भी च़ेवरे पासन घेरो की न दे,
फिरी भी अवं न डरेलो; चाए मेरे खलाफ जंग की न भोए,
तैस हालती मां भी मेरो भरोसो परमेशरे पुड़ पक्को भोल्हो।
अक बर मीं यहोवा करां मगोरूए,
तैसेरे लेई कोशिश केरतो रेइलो;
कि अवं ज़िन्दगी भर यहोवारे भवने मां रेईं सेकी
ज़ैस सेइं यहोवारी महिमा पुड़ नज़र लेइतां रेखी,
ते तैसेरे भवने मां ध्यान केरतो रेईं।
किजोकि मुसीबतरे दिहाड़े तै मीं
अपने भवने मां बिशने देलो;
ते मीं अपने तेम्बु मां छ़पने देलो,
ते मीं चट्टानी पुड़ च़ाढ़ेलो।
हुनी मेरी क्रोड़ी मेरे च़ेवरे पासां केरे दुश्मन्न करां उच्ची भोल्ही;
ते अवं यहोवारे तेम्बु मां आनन्देरे बलिदान च़ाढ़ेलो;
ते अवं गीत ज़ोलो ते यहोवारी तारीफ़ केरेलो।
हे यहोवा, मेरि आवाज़ शुन, अवं बिनती केरेलो,
तू मीं पुड़ दया केर ते मीं जुवाब दे।
तीं ज़ोवरूए, "मेरे दर्शनेरे तोपी मां राथ।"
एल्हेरेलेइ मेरो मन तीं सेइं ज़ोते,
"हे यहोवा, अवं तेरे दर्शनेरो तलाशी मां रेइलो।"
अपनु तुत्तर मीं करां न छ़ुपा।
अपने दासे क्रोध केरतां न हटा,
तू मेरो मद्दत केरनेबालो बनोरो रा।
हे मेरे मुक्ति देनेबाले परमेशर मीं करां दूर न भो, ते मीं न शार!
मेरे अम्मा-बाजे त अवं शारोरोईं,
पन यहोवा मेरो खियाल रखेलो।
हे यहोवा, अपने बत्ती पुड़ च़लनू मीं शिखाल,
ते मेरे दुश्मना केरे वजाई सेइं मीं खुल्ली बत्ती पुड़ च़ला।
मीं मेरे सताने बालां केरि इच्छाई पुड़ न शार,
किजोकि झूठे गवाह ज़ैना ज़ुलम केरनेरी धुनी मां आन
मेरे खलाफ खड़े भेवरेन।
अगर मीं विश्वास न भोथो कि अवं ज़ींतां केरि
धेरती पुड़ यहोवारी भलियाई हेरेलो,
त अवं बेहोश भोइ गाथो।
यहोवारे इंतज़ारे मां रेइयां;
हिम्मत रख ते तेरो दिल मज़बूत राए;
हाँ, सिर्फ यहोवारो इंतज़ार केर!
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
तारीफ़रू अक गीत
अवं सबरी सेइं यहोवारो इंतज़ारे केरतो राव;
ते तैने मेरे पासे झुकतां मेरी बिनती शुनी।
तैनी अवं नाश भोनेरे खड्डे
ते च़िकरी मरां खिचतां कढो,
तैनी मेरे पव चट्टानी पुड़ खड़े किये,
मेरे पव मज़बूत कियोरेन।
यहोवा मेरी ज़बानी पुड़ अक नंव्वू गीत शिखालू,
ज़ैन इश्शे परमेशरेरे तारीफ़रू आहे।
बड़े लोक एन हेरेले ते तैसेरी महिमा केरेले,
ते यहोवा पुड़ भरोसो रख्खेले।
धने तै मैन्हु,
ज़ै यहोवा पुड़ भरोसो रखते,
ज़ै अभिमानी ते झूठां केरे पासे
मुड़ने बालां केरे पासे तुत्तर न फिरातो भोए।
हे मेरे यहोवा परमेशर, तीं बड़ां कम्मां कियोरन!
ज़ैना चमत्कार ते विचार तू इश्शे लेई केरतस
तैना बड़े आन; तेरे बराबर कोई नईं!
अवं त सोचताईं कि खोलतां तैन केरे बारे मां ज़ोईं,
पन तैन केरि गिनती न भोइ सके।
मेलबेलि ते अन्नबेलि सेइं तू खुश न भोस
तीं मेरे कन खोलोरेन।
होमबलि ते पापेरी बलि तीं न चाई।
तैखन मीं ज़ोवं,
"हेर, अवं एवरोईं; किजोकि किताबी मां
मेरे बारे मां एरू लिखेरूए।
हे मेरे परमेशर,
अवं खुशी सेइं तेरी मर्ज़ी पूरी केरताईं;
ते तेरो कानून मेरे अन्तर बेस्सी जेवरोए।"
मीं बड़े लोकन मां तेरे धार्मिकतारी खुशखबरी शुनेवरीए;
हेर, मीं अपनु आशी बन्द नईं कियोरू हे यहोवा,
तू इन ज़ानतस।
मीं तेरी धार्मिकता मने मां नईं रख्खोरी;
मीं तेरी सच़्च़ाई
ते तेरे कियोरे मुक्तरी गलबात कियोरीए;
मीं तेरी करुणा ते सच़्च़ाई बड़े सभाई करां छ़पोरी न रख्खी।
हे यहोवा, तू भी मीं पुड़ेरां अपनि बड़ी दया न हटा।
तेरे करुणा ते सच़्च़े सेइं लगातार
मेरी हिफाज़त भोती राए!
किजोकि अवं बेड़ी बुरैइयन सेइं घिरोरो आईं;
मेरे बुरे कम्मेईं अवं ट्लेइतां रख्खो
ते अवं नज़र न केरि सेकी।
तैन केरि गिनती मेरे दोग्गेरे बालन करां जादे;
एल्हेरेलेइ मेरो दिल ट्लुटी जेव।
हे यहोवा, महरबानी केरतां मीं छुटा!
हे यहोवा, मेरी मद्दत केरनेरे लेई लूश केर!
ज़ैना मेरे जानरे दुश्मन आन,
तैना शरमिन्दा भोन;
ते तैना पत्रोवं हटाए ते बेइज़्ज़त किये गान
ज़ैना मेरे नुकसाने सेइं खुश भोतन।
अस यहोवा बलगतम,
तै इश्शी मद्दत केरनेबालो ते इश्शी ढाल ठहरोरोए।
इश्शे दिल यहोवारे वजाई सेइं खुश भोल्हे,
किजोकि असेईं तैसेरे पवित्र नंव्वे पुड़ भरोसो रखोरोए।
हे यहोवा, ज़ेन्च़रे तीं पुड़ इश्शी उमीदे,
तेन्च़रे तेरी करुणा भी असन पुड़ भोए।
अवं यहोवारे इंतज़ारे मां आईं, अवं दिले सेइं तैस बलगताईं,
ते मेरी उमीद तैसेरे वचने पुड़े।
पहरदार ज़ेत्रे झ़ेझ़ां चातन, हाँ,
पहरदार ज़ेत्रे झ़ेझ़ां चातन,
तैस करां भी जादे अवं अपने यहोवा अपने प्राणन करां भी जादे चाताईं।
हे मेरे मन, परमेशरेरे सामने च़ुपच़ाप रा,
किजोकि मेरी उमीद तैस्से सेइं आहे।
यहोवारो इंतज़ार केरतो रा,
ते तैसेरी बत्तां च़लतो रा,
ते तै तीं बेद्धतां ज़मीनरे मालिक केरेलो;
ज़ैखन दुष्ट कट्टे गान, तैखन तू हेरेलो।
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
तू अपनि समझ़रो सहारो न नेइयां,
बल्के पूरे मने सेइं यहोवा पुड़ भरोसो रेखां।
तैस्से याद केरतां सब कम्मां केरनां,
तैखन तै तेरे लेई सिद्धी बत कढेलो।
सिर्फ एन्ने नईं, बल्के मुसीबतन मां भी अस आनन्द केरम, किजोकि अस ज़ानतम कि मुसीबतन सेइं सबर बद्धती। परमेशर असन रोड़े समझ़ते किजोकि केन्च़रे सबर केरनि असेईं शिखोरीए, ते तै असन रोड़े समझ़ते तांए असन उमीदे।
अवं प्राथना केरताईं कि परमेशर अपनि महिमारे शेक्तरे इस्तेमाल केरनेरे ज़िरिये तुसन मज़बूत केरे, ताके तुस आनन्दे ते सबरी सेइं दुख झ़ेल्ली बटतथ।
दुखे मां सबर केरनि
ते हे ढ्लाव ते बेइनव, प्रभुएरे एजने तगर सबरी सेइं बलगा, हेरा, ज़मीनदार कीमती फसलरे कीमती फलेरे उमीदरो पेइली ते आखरी झ़ैड़ी भोने तगर सबरी सेइं बलगते। तुस भी तेन्च़रे सबरी सेइं बलगा, ते अपने दिलन मज़बूत केरा, किजोकि प्रभुएरू एजनू नेड़ूए।
हेरा, अस बलगने बालन जो धन ज़ोतम, तुसेईं अय्यूबेरे सबरारे बारे मां शुनोरूए, ते प्रभु करां तैसेरो ज़ै प्रतिफल भोव तैने भी बुझ़ू, ज़ैस सेइं प्रभुएरी बड़ी महरबानी ते दया बांदी भोतीए
किजोकि तुस सच़ मन्नेरे ज़िरिये शुद्ध कियोरेथ, ते हुनी तुसेईं विश्वासी सैथन सेइं ईमानदैरी सेइं प्यार कियोरो लोड़े। तुसेईं एक्की होरि सेइं गहराई ते पूरे दिले सेइं प्यार कियोरो लोड़े। किजोकि तुसन परमेशरेरी तरफां नव्वीं ज़िन्दगी मैल्होरी। तुसेईं ई ज़िन्दगी एरी चीज़ी सेइं नईं हासिल कियोरी ज़ै नाश भोल्ही। पन तैस सेइं ज़ैन हमेशा रालू। मतलब परमेशरेरे ज़ींते ते हमेशा रानेबाले वचने सेइं मैल्होरीए। किजोकि पवित्रशास्त्र ज़ोते, "सारे लोक घासेरे ज़ेरे आन ते तैन केरि शोभा जंगली फूड़ोंवेरी ज़ेरिए। घास शुक्की गालो ते फूड़ोंव झ़ेड़ी गालू। पन प्रभुएरू वचन सदा बनोरू रालू, ते वचन मसीहेरे बारे मां खुशखबरी ज़ै तुसन शुनाई जेई।"
किछ लोक सोचतन कि प्रभु अपनो वापस एजनेरो वाधे पूरे केरने मां च़िर लगोरो लाने। पन परमेशर एन्च़रे च़िर नईं लाने लगोरो, बल्के इसेरे बदले तै तुसन सेइं सबर लगोरो केरने। किजोकि तै न चाए कोई भी नाश भोए। पन तै चाते कि हर कोई अपनो मन बदले त कने गलत केरनू शारे ते तैस कां एज्जे।
दश अड्लाई कुइयां केरि मिसाल
तैखन यीशुए अपने चेलन सेइं ज़ोवं, ज़ैखन मैन्हेरू मट्ठू यानी अवं वापस एज्जेलो तैस मौके सुर्गेरू राज़ तैन दश अड्लैई कुइयां केरू ज़ेरू भोल्हु, ज़ैना अपनि मिसालां बैलतां लाड़े सेइं मिलनेरे लेई निस्सी। तैन मां पंच़ बेवकूफ थी, पन पंच़ अक्लमन्द थी। ज़ैना बेवकूफ थी तैनेईं मिसालां त नी, पन होरो तेल साथी न नियो। "पन ज़ैना अक्लमन्द थी तैनेईं मिसालां केरे अलावा कुप्पन मां होरो तेल भी साथी नियो।" लाड़ो एजने च़िर लग्गू, ते तैना सब बलगते-बलगते डिगरी लेई देने, ते झ़ुल्ली जेई।
"अध्धी रात भोइ त शौर मच़ी कि लाड़ो एवरोए, ते तैस सेइं मिलनेरे लेई एज्जा। तैखन सैरी अड्लैई कुइयां बींझ़ी, ते अपनि-अपनि मिसालां ठीक केरने लेगि। बेवकूफ कुइयेईं अक्लमन्द अड्लैई कुइयन सेइं ज़ोवं, ‘अपने तेले मरां थोड़ो ज़ेरो तेल असन भी देथ, किजोकि इश्शी मिसालां हिश्शने लेवरिन।’ पन अक्लमन्द कुइयेईं जुवाब दित्तो, ‘असन कां एत्रो तेल नईं, कि इश्शे लेई ते तुश्शे लेई पूरो भोए, तुस एरू केरा कि बेच़नेबालन करां आनां।’ ज़ैखन तैना तेल घिन्ने च़ेलोरी थी त तेत्रे मां लाड़ो पुज़ी जेव, ते ज़ैना तियार थी, तैना लाड़े सेइं साथी अन्तर ड्लाहेरे घरे मां च़ेलि जेई, ते दार बंद केरतां छ़डू। बादे मां तैना होरि अड्लैई कुइयां भी वापस पुज़ी ते लाड़े जो ज़ोने लेगि, ‘प्रभु! प्रभु!’ इश्शे लेई दार खोल्ल। पन तैनी जुवाब दित्तो, ‘अवं तुसन सेइं सच़ ज़ोताईं, अवं तुसन न ज़ैंनी।’ एल्हेरेलेइ खबरदार राथ, किजोकि तुस मेरे वापस एजनेरे दिहाड़ेरे बारे मां न ज़ानथ।"