Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Shin Godaa ammanetidi naageysati,
banta wolqaa oorathana.
Enti arganthada qefen paallana;
woxana, shin daaburokona;
hemetana, shin argaacokona.
Shin Goday hintew keehanaw naagees; Goday xillo pirdiya Xoossi gidiya gisho hintew qadhetanaw dendana. Iya ammanetidi naagiya ubbay anjetidaysata.
Godan ufaysi ootha;
minna, yayyofa;
Godan ufaysi ootha.
Taani de7on de7ashe,
Godaa keehatetha be7anaysa ammanayis.
Godan ufaysi ootha;
minna, yayyofa;
Godan ufaysi ootha.
Goday taw poo7onne tana ashsheysa;
yaatin, ta oona yayiyanee?
Goday, ta de7oy naagetiya miixaa;
yaatin, ta ayis dagammanee?
Iita asati, tana ixeysatinne ta morketi
tana wodhanaw hordofiya wode,
bantaw dhubetidi kundana.
Morke toori tana teqiko
ta wozanay yayyenna.
Oli ta bolla dendiyakoka,
taani Godan ammanetayis.
Ta Godaa issiba oychas;
hessika, ta de7o laytha ubban
Godaa keethan de7anaasa;
Godaa lo77otetha be7anaasanne
iya keethan iya koyanaasa.
Meto gallas tana ba de7iya bessan genthana;
ba dunkaaniyan tana qosana;
tana dhoqa zaalla bolla essana.
He wode taani tana teqida
ta morketape aadhada,
dhoqu dhoqu gaana.
Taani iya dunkaaniyan
ufaytashe yarsho yarshana;
Godaa mazmuren galatana.
Abeeti Godaw,
ta nena xeegiya wode ne taw koya;
taw qadheta; tana si7a.
Neeni, "Ta som7uwa koyite" gadasa,
ta wozanay Abeeti Godaw,
"Ta ne som7uwa koyana" yaagis.
Ne som7uwa taape genthofa;
tana maaddeyso; ne shenetada
tana ne aylliya guye zaaropa.
Abeeti tana ashshiya Xoossaw,
tana yeggofa; aggofa.
Ta aawaynne ta aayiya tana aggikoka
Goday tana shiishidi ekana.
Abeeti Godaw, tana ne ogiya tamaarsa;
ta morketa gisho tana suure oge kaaletha.
Tana mandiya wordo markati
ta bolla wolqan dendida gisho,
tana ta morketa amuwas aathada immofa.
Taani de7on de7ashe,
Godaa keehatetha be7anaysa ammanayis.
Godan ufaysi ootha;
minna, yayyofa;
Godan ufaysi ootha.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Taani Godaa danda7an naagas;
I taako simmidi ta waasuwa si7is.
Dhayo ollafe, silimo urqafe tana kessis;
ta tohuwa zaalla bolla essis;
ta hemethaa minthis.
Ta doonan ooratha yethi wothis;
hessika nu Xoossay galatetto yaageysa;
daroti be7idi yayyana; Godan ammanetana.
Godan ammanetiya,
otoranchota xeellonnay,
wordotara hemetonnay,
anjetida asi.
Godaw, ta Xoossaw,
neeni daro malaalsiyaba oothadasa;
neera liketey oonika baawa!
Neeni nuus qopida lo77o qofaa,
oonika taybanaw danda7onna;
Hessi taani odin wuriyaba gidenna.
Neeni yarshonne imo koyabaaka;
shin nena si7ana mela ta haythaa dooyadasa;
xuussa yarshonne nagara yarsho koyabaaka.
Hessa gisho taani, "Xaatha maxaafan
tabay xaafetidaysada taani yas.
Ta Xoossaw, taani ne sheniya oothanaw dosayis;
ne higgey ta wozanan de7ees" yaagas.
Gita shiiqon, ne xillotetha odana;
Godaw neeni ereysada,
taani markateysa aggike.
Ta ne xillotethaa ta wozanan qosabike;
ne ammanetethanne ne ashuwa odas.
Ne siiquwanne ne tumatethaa,
gita shiiquwan genthabike.
Godaw, ne maarotethaa taape haassofa;
ne siiqoynne ne tumatethay,
tana ubba wode naago.
Tayboy bayna iitabay tana teqis;
ta balay tana goozis;
ta xeellanaw danda7ike
Ta nagaray ta huuphe binaanape daris;
ta wozanay ta giddon til7is.
Godaw, tana ashshanaw ero ga;
ta Godaw, tana maaddanaw ellesa.
Tana wodhanaw koyeysati yeellato, kawuyo;
Ta qohetetha amotteysati kawuyidi guye simmo.
Nuuni Godaa ufaysan naagoos;
nuna maaddeynne nu gondalley iya.
Iya geeshsha sunthan nuuni ammanetiya gisho,
nu wozanay iyan ufaytees.
Godaw, nuuni nenan ufaysi oothidaysada,
ne maarotay nu bolla gido.
Taani Godaa laamotan naagayis;
ta shempiya laamotan naagawusu;
taani iya qaalan ufaysi wothayis.
Sa7i awude wontane gidi,
naagiya wotaadarepe aathada,
taani Godaa laamotan naagayis.
Ta shempete!
Xoossaa xalaala si77i gada naaga;
ta ufaysay iyape yees.
Godan ufaysi ootha, iya kiitaa naaga;
nena biitta laatisidi gitayana;
iita asati dhayishin ne be7ana.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Ne kumetha wozanan Godaa ammaneta;
ne akeekan zempofa.
Ne ooso ubban iya sinthaya;
I nena suure oge kaalethana.
Hessa xalaala gidonashin, metoy danda7a eheysa nu eriya gisho, nu metuwanka ceeqetoos. Qassi danda7ay genca, gencay ufaysi immeysa nu eroos.
Xoossaa boncho wolqay hinte ubbaba gencanaadanne danda7anaada ba minotethaa immidi hintena ufayso.
Ta ishato, Goday yaana gakanaw gencite. Goshshanchoy torche iraynne sila iray yaana gakanaw gencidi al7o kathaa naagidi waati gathi ekiyako qopite. He goshshanchuwada hinteka gencite. Godaa yuussay matatida gisho ufaysan naagite.
Danda7an gencidaysata nuuni anjetidaysata goos. Iyyobi waanidi gencidaako hinte si7ideta. Goday wursethan iya waati maaddidaako be7ideta. I maarotinne qadhey kumida Godaa gidiya gisho hessa oothis.
Hinte tumatethaas kiitetidi hintenatethaa geeshshideta. Hinte issoy issuwa wozanape siiqeta, shin ha77ika tuma wozanape minthidi siiqite.
Hinte nam7antho yeletiday dhayiya zerethafe gidonashin, merinaw de7iya Xoossaa qaalan dhayonna kochaafe yeletideta. Xoossaa qaalay,
"Asi ubbay maata mela;
iya boncho ubbay ciishsha mela.
Maatay melees, ciishshayka qoletees.
Shin Godaa qaalay merinaw de7ees"
yaagees. Hintew odetida Wongela qaalay haysa.
Issoti issoti gam7is gidi qopeysada, Goday ba ufaysa qaala gisho gam7enna. Shin oonika dhayonna mela koyidi, ubbay banta nagaraape simmana mela hinte gisho gidi gencees.
"He wode salo kawotethay banta xompe oykidi, macho ehanaw bida addiya mokanaw keyida tammu geela7ota daanees. Entafe ichashati eeya, qassi ichashati cinca. Eeyati xompe oykidosona, shin guzha zayte oykibookona. Shin cincati banta xompenne hara guzha zayte oykidosona. Machiw ekeysi gam7in, he geela7oti bantana dhiskoy oykin dhiskidosona.
"Giddi bilahe gidiya wode, ‘Heko, machiw eheysi gakis, iya mokanaw keyite’ giya gita caboy si7etis.
"He wode he geela7oti ubbay barkidi, banta xompiya giigisidosona. Eeyati cincatako, ‘Nu xompey to7ana haniya gisho, hinte zaytiyape nuus immerketi’ yaagidosona.
"Shin cincati zaaridi, ‘Akay, nuusinne hintew gidiya zaytey baawa. Hessa gisho, bidi hintew shammidi ekite’ yaagidosona. Eeya geela7oti zayte shammanaw bin, machiw ekeysi puttu gis. Giigeti uttida ichashu geela7oti iyara issife yaagano keethi gelidosona; kareyka gordeti aggis.
"Guyepe hanko geela7oti yidi, ‘Godaw, godaw, nuus dooyarki’ yaagidosona.
"Shin I zaaridi, ‘Taani hintew tuma odayis; ta hintena erike!’
"Hiza, Asa Na7ay yaana gallasaa woyko saatiya hinte eronna gisho barkidi naagite.