Mazmure Maxaafa 47

Xoossay Sa7a Ubba Godaa

Qore Nayta Mazmure

1 Dere ubbay hinte kushiya baqite;

qaala dhoqu oothidi Xoossaa galatite.

2 Ubbaafe dhoqa Goday waani yashshii?

biitta ubban I gita kawo.

3 Dereta nuupe garsara,

kawotethata nu tohuwape garsan haarisees.

4 I nuus laata biitta dooris;

I dosiya Yayqoobi

he biittan ceeqetees. Salaha.

5 Xoossay ufaysaninne ililsan pude dendis,

Goday moyze punon ba araatan keyis.

6 Xoossaas zammarit; ee, iyaw zammarit;

iyaw kawas zammarit; ee, iyaw zammarit.

7 Xoossay biitta ubbaa kawo gidiya gisho,

galatan sabbite.

8 Xoossay ba geeshsha araatan uttis,

Xoossay kawotethata haarees.

9 Kawotethata halaqati,

Abrahaame Xoossaa asaara shiiqoosona.

Biittan de7iya wolqaama ubbay Xoossaba

gidiya gisho I ubbaafe dhoqu dhoqu gis.