1 Goday nuura gidonaako, nu waananee?

Isra7eeley haysada yaagidi zaaro;

2 "Goday nuura gidonnaako,

nu bolla asay dendida wode,

3 enta hanqoy nu bolla suullin,

nuna paxa mittanashin.

4 Di7oy nuna efanashin;

shaafa haathay nuna mittanashin.

5 Kixa haathay nuna maanashin" yaago.

6 Nuna nu morketa achas

aathidi immiboona Goday galatetto.

7 Kafoy shanka gitepe kessi ekeysada,

nuuni kessi ekida;

xihey meqis, nuuni kessi ekida.

8 Salonne sa7aa medhida,

Godaa sunthan nuus maadoy yees.