1 Manquwas qopiya asi anjetidaysa;

meto gallas Goday iya ashshees.

2 Goday iya naagees, de7on wothees;

biitta bolla Goday iya anjees;

Goday iya, iya morketa amuwas aathidi immenna.

3 I saketidi hiithan de7ishin Goday maaddees;

hargiyafe iya pathees.

4 Taani, "Godaw, ta nena naaqida gisho,

tana maara;

ta hargiyafe tana patha" yaagas.

5 Ta morketi iitabaa ta bolla haasayidi,

"I awude hayqandee?

iya sunthay awude dogetandee?" yaagosona.

6 Tana be7anaw yaa oonika wordo odees;

ba wozanan tana zigiriyabaa shiishees;

kare keyidi ta sunthaa iissees.

7 Tana ixiya ubbay issife tana zigiroosona;

iitabay iya gakees gidi qopoosona.

8 "Iya iita hargey oykis;

I hiza hiixape dendenna" yaagosona.

9 Hari attoshin ta ammanetiya laggey,

taara midaysi taw zoko zaaris.

10 Shin Godaw tana maara;

ta entaw kushe zaarana mela,

harge hiixape tana dentha.

11 Ta morkey tana xoononna gisho,

ne tanan ufaytanaysa ta erayis.

12 Ne tana ta suuretetha gisho katisaasa;

ne sinthan tana merinaw wothaasa.

13 Goday, Isra7eele Xoossay,

merinaape merinaa gakanaw galatetto.

Amin7i! Amin7i!