1 Haayite; ane Godaa sabboos;

nuna ashshiya zaallas ufaysan ililoos.

2 Iya sinthe galatara shiiqoos.

Galata mazmure ufaysan yexoos.

3 Goday wolqaama Xoosse;

xoossata ubbaa bolla gita kawo.

4 Biitta ciimmoti iya qaaqan de7oosona;

deriya xeerati iyabaa.

5 I medhida gisho abbay iyabaa;

mela biittaa iya kushey oothis.

6 Haayite; ane gufannidi iya goyinnoos;

nuna medhida Godaa sinthan gulbatoos.

7 I nu Xoossaa;

nuuni iya qooron de7iya dereta;

nuuni I heemmiya iya dorsata.

Goday geysa hachi hinte si7iko,

8 Kase hinte mayzati Mariban hanidaysada,

he gallas Maasan banta wozanaa minthidaysada,

hinte, hinte wozanaa minthofite.

9 Enti ta malaalsiya oosuwa be7idika,

tana paacidosona; taara eqetidosona.

10 Taani he yeletaa bolla oytamu laythi shaatettas;

"Enti ubba wode banta wozanan baliya asata;

enti ta ogiya erokona" yaagas.

11 Hessa gisho, "Enti ta shempo bessaa gelokona"

yaagada ta hanquwan caaqas.