Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Aw bekeꞌ oloꞌ yeiy, migleya kitadun uman pangkay madég ya pagti-is aw manga kalugan. Kay kya-ede-an tadun na magi sa pagti-is tadun pigpakabagseg kitadun na Tyumanem pada mabatug tadun ya pagtandaꞌ kanaten. Aw kun mabatug tadun ya pagpadeleg pangkay awun pagtandaꞌ, magleya kanaten ya Tyumanem. Aw kun magleya kanaten ya Tyumanem, awun imanen tadun.
Pigsekat nami uman na to-o kamu nan pakabagsegen magi sa kanan katulus, pada pangkay unu ya dumateng, mabatug mayu ya pagpadeleg sa kamayu pagpangintu-u na awun pagleya.
Ya pagpakatagad aw pagpadeleg
Kay manga inulug na nyangintu-u, ti-isa mayu ya manga kalugan mendaꞌ na dumateng ya kanaten Matas na Pangulu. Anenganenga mayu ya magpapawa-ay, gayed sakanan tyumagad sa ulan. Pagdateng na ulan, tyumulin ya manga tanem nan taman na nya-inug ya bunga, aw tigkas yan, mig-ani sakanan. Aw kamu uman, pagtagad kamu aw pakabagsega ya anenganeng mayu, kay diliꞌ madugay lumikuꞌ saba ya kanaten Matas na Pangulu.
Kya-ede-an da tadun na madyaw ya kana manga utaw na nyakati-is sa manga kalugan. Dyengeg da mayu na si Job to-o pyamulayaman, manang gayed magpakatagad sakanan aw migpadeleg syumalig sa Tyumanem. Aw kya-ede-an tadun ya tud na Tyumanem kan Job, aw ya syampetan yan pigtabangan nan sakanan kay ya Tyumanem magkallat sa manga utaw.
Aw magi sa pagdalug mayu sa matinaw na palna-u, kyalinisan ya pagka-utawun mayu. Yanagaw ginawayi ya manga inulug mayu na nyangintu-u kan Kristu. Aw ya kamayu paggaginawa͡ay walaꞌ ya pagtallalingu. Kay nyabagu la saba kamu aw awun da ginawa mayu na walaꞌ ya katigkasan. Aw ya ginawa yeiy walaꞌ lekat adti kamayu mangkatikadeng na awun kamatayen, manang magi sa tingeg na Tyumanem na walaꞌ ya pagka-uman aw walaꞌ ya tyamanan. Pigpasulat nan asini muna:
"Ya kadég na manga utaw na nya͡utaw asini tas na lupaꞌ, kasiling silan na sagbet,
aw ya kadengeg nilan kasiling oloꞌ na bulak na sagbet.
Magkalanes ya sagbet aw mangkataktak ya bulak,
manang ya tingeg na Tyumanem diliꞌ ma-uman, aw magpadeleg na walaꞌ ya tyamanan."
Aw ya tingeg yeiy, yan ya Madyaw na Ubat-ubat na pigpa-edeꞌ adti kamayu.
Iman na manga eped na utaw aw pigpakadugay na Matas na Pangulu tadun ya pagtuman sa pakang na lumikuꞌ sakanan. Manang ya tengteng matinaw, pigtagadan nan na magselsel ya kadég mayu, kay diliꞌ sakanan malim na ka-eletan ya pangkay singalan adti kanan na walaꞌ ya tyamanan.
Ya pundinganan sa sampuluꞌ ya dalaga
"Na, dun ni manga allaw yan, ya Kasakupan na Pighari-an na Tyumanem kasiling na maynini: Awun sampuluꞌ ya dalaga na un madtu ni kasal. Dyumala silan sa kanilan manga salengan na un sumungun sa pangesegenen. Na, dun ni kanilan, awun lima na tagbiꞌ ya katadeng, aw walaꞌ silan dala sa gas na un pagdugang adti salengan nilan. Manang ya lima na to-o matadeng, migtagilan dadan silan sa sabuy na nyatmuꞌ na gas. Aw asuntu na madugay dyumateng ya migpanamung, yanagaw pigtudtud ya manga dalaga aw ya syampetan yan nyampakatulug silan.
"Na, pagkatenga-tengaꞌ da na gabi, awun tatawag na miglong, ‘Tanawa! Ini la ya migpanamung! Panamal da kamu aw sunguna mayu sakanan!’ Aw migbangun ya sampuluꞌ ya dalaga, aw pigtagilan nilan ya kanilan manga salengan. Aw ya lima na walaꞌ dala sa gas, migsekat silan adti lima na awun pigdala na gas, miglong silan, ‘Atagi beg kami na gas mayu kay lyumaleng da ya manga salengan nami.’ Manang tyumubag ya lima na awun pigdala na gas, ‘Pagaw diliꞌ maka-umbaꞌ ya gas ini sa kadég tadun. Madyaw pa baling na mayad kamu adti tindahan.’ Yanagaw sa talana nilan nyadtu ni tindahan, dyumateng ya pangesegenen. Aw ya lima ya dalaga na nyakatagilan dadan, nyagad silan adti seled aw tyumambung sa pista na kasal. Aw tigkas yan, dayaw pigbalagsangan ya tatakep.
"Walaꞌ kadugay dyumateng uman ya lima ya dalaga na lekat adti tindahan, aw migtatawag silan, ‘We…kay Sir, we…kay Sir, uwangi beg kami!’ Manang tyumubag kanilan ya pangesegenen, ‘Tengteng na walaꞌ ta kamu kilala͡a!’ " Yanagaw miglong si Jisus adti manga umagakan nan, "Magpakatanaw kamu aw gayed kamu pagtagilan! Kay walaꞌ mayu ka-ede-i kun kinunu ya allaw aw ya udas na paglikuꞌ ku."