Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Moo to tsui, moo hyɛ Mawu blɔ nɛ e ma he o yi wami. Moo pee kɔ. Moo hyɛ lɛ blɔ nɛ e maa ye kɛ bua mo .
I ngɛ Mawu blɔ hyɛe nɛ e je mi, bɔ nɛ pee nɛ ma na e mi mi himi ɔ ekohu be mi nɛ i ngɛ wami mi nɛ ɔ.
Moo to tsui, moo hyɛ Mawu blɔ nɛ e ma he o yi wami. Moo pee kɔ. Moo hyɛ lɛ blɔ nɛ e maa ye kɛ bua mo .
Mawu ji ye kane kɛ ye yi wami nami; mɛnɔ nɛ i ma ye gbeye? Lɛ ji ye tɛ sa, mɛnɔ po ma ye gbeye? Ke dikali te si ba na mi ɔ, a ma tɛ nɔ́ nɛ a maa nɔ si. Ke ta ngua ko ba na mi tete po ɔ, ye tsui be poe, ejakaa i le kaa Mawu ma he mi.
Nɔ́ kake nɛ i biɔ Mawu daa, nɛ lɔ ɔ ji ye hiami nɔ́ pe kulaa ji kaa, ma hi e we ɔ kɛ sɔlemi, nɛ ma hi e hɛ mi ye wami ligbi ɔmɛ tsuo, nɛ ma na e himi kɛ e anunyami ɔ. Lejɛ ɔ nɛ i ma hi, nɛ e ma wo mi ngɔ laa ngɛ haomi be mi. E ma wo mi ngɔ to tɛ sa nɛ ya hiɔmi nɔ. He nyɛlɔ ko nine be ye nɔ sue ngɛ lejɛ ɔ. Nɛ i ma sã bɔ ha lɛ kɛ ye nya he yi jemi la kɛ bua jɔmi, Tsaatsɛ, moo bu ye kue fami tue. Naa mi mɔbɔ nɛ o ye kɛ bua mi.
I nu he ngɛ ye mumi mi lokoo be nɛ o tsɛ nɛ o de ke, "Oo ye bimɛ, nyɛ hla ye se blɔ." Nɛ ye mumi kplɛɛ nɛ e he nɔ de ke, "Tsaatsɛ, i ma."
Oo, mo ko wo o hɛ mi ngɔ laa mi be mi nɛ i ngɛ mo hlae. Ko wo abofu kɛ fie o sɔmɔlɔ ɔ. O ye kɛ bua mi hyɛ ngɛ ye kahi slɔɔto ɔmɛ a mi; ko si mi piɔ. Oo Mawu, ye yi wami helɔ, ko kua mi. Ejakaa ke ye tsɛ kɛ ye nyɛ ngmɛɛ ye he ɔ, mo nɛ o ma he mi nɛ o maa jɔɔ ye bua.
Tsaatsɛ, moo tsɔɔ mi nɔ́ nɛ o suɔ nɛ ma pee, ejakaa he nyɛli wo ka ngɛ mlɛe nɛ a ye mi awi. Ko ha nɛ a nine nɛ su ye nɔ; ko ha nɛ ma sɛ a dɛ mi. Ejakaa nɔ́ nɛ i pee we hu a ke i pee, nɛ a ngɛ ye he ga toe be fɛɛ be. I ngɛ Mawu blɔ hyɛe nɛ e je mi, bɔ nɛ pee nɛ ma na e mi mi himi ɔ ekohu be mi nɛ i ngɛ wami mi nɛ ɔ.
Moo to tsui, moo hyɛ Mawu blɔ nɛ e ma he o yi wami. Moo pee kɔ. Moo hyɛ lɛ blɔ nɛ e maa ye kɛ bua mo .
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
I to tsui kɛ hyɛ Mawu blɔ nɛ e ye kɛ bua mi. Kɛkɛ nɛ e bu mi tue, nɛ e nu ye ya fomi ɔ. E je mi kɛ je hɛ mi kpatami muɔ kɛ mɔsɔ nɛ mi ti ɔ mi. Nɛ e wo mi kɛ ma tɛ sa nɔ, nɛ e ha ye nane pi si. E wo ye nya Mawu yi jemi la he. Enɛ ɔ ma ha nɛ nihi fuu maa nu anunyami níhi nɛ e pee ha mi ɔ he. A maa ye lɛ gbeye nɛ a ma wo a hɛ kɛ fɔ e nɔ. A jɔɔ nihi nɛ woɔ a hɛ kɛ fɔɔ Mawu nɔ, nɛ a be hemi kɛ yemi ngɛ he nɔ woli kɛ wɔ jali a mi.
Oo Tsaatsɛ, ye Mawu, o tsu nyakpɛ ní agbohi kɛ ha wɔ be babauu. O hɛ ngɛ wa nɔ be fɛɛ be. Mɛnɔ hu ma nyɛ pee nihi nɛ o pee ɔ? O tsu nyakpɛ níhi babauu ha wɔ bɔ nɛ i be nyɛe maa kane.
O hla we afɔle ngɛ o bimɛ a dɛ: lohwe mlukuhi nɛ a maa sa ngɛ bɔ sami la tɛ ɔ nɔ ɔ, ha we mo bua jɔmi pɔtɛɛ ko. Se mohu o ha mi tue nɛ ma kɛ nu o gbi. Kɛkɛ nɛ i de ke, "Hyɛ, i ba kaa bɔ nɛ gbali ɔmɛ kulaa wo si de ngɛ ye he ɔ. I suɔ nɛ ma pee o suɔmi nya ni, ye Mawu, ejakaa a ngma o mlaa a ngɛ ye tsui mi!"
I fiɛ Manye Munyu ɔ kɛ tsɔɔ nɔ fɛɛ nɔ kaa o kɛ nimli a he yayami paa mɛ. Tsaatsɛ, i yi he gbeye kaa bɔ nɛ o le ɔ. I laa we yi wami hemi Manye Munyu ɔ nɔ. I fiɛɛ o suɔmi kɛ anɔkuale ɔ daa ngɛ asafo ɔ kulaa hɛ mi.
Oo Mawu, ko je o mɔbɔ nami ɔ ngɛ ye nɔ! Ha nɛ o suɔmi kɛ o anɔkuale ɔ nɛ baa ye yi daa. Ke pi ja a, ye hɛ mi ma kpata, ejakaa haomi slɔɔto bɔle mi kɛ kpe, haomi slɔɔto nɛ hiɛ pe bɔ nɛ i ma nyɛ ma kane. Ye yayami ɔmɛ hiɛ pe bɔ nɛ ma nyɛ ma kane. A du mi kɛ je hiɔmi kɛ ba ma si. Jehanɛ ɔ lɛɛ e ngɛ mi zo pee kaa ma wo ye hɛ mi nɔ. Ye tsui ngɛ haoe ngɛ ye mi.
Oo Mawu, mo he ye yi wami! O he nɛ sɔ nɛ o ye kɛ bua mi! Mo ha nɛ a lu. Moo ku ye he nyɛli ɔmɛ a nya la.
Tsɛ ɔ pɛ nɔ wa ngɔ wa hɛ kɛ fɔ nɛ e he wa yi wami. Lɛ pɛ e ma nyɛ ye kɛ bua wɔ nɛ e maa bu wa he. Wa bua jɔɔ ngɛ Mawu mi, ejakaa e biɛ klɔuklɔu ɔ nɔ wa ngɔ wa hɛ kɛ fɔ. Oo Tsaatsɛ Mawu, mo ko ha nɛ o suɔmi ɔ se nɛ e po ngɛ wa nɔ, ejakaa mo kɛkɛ o nɔ nɛ wa ngɔ wa hɛ kɛ fɔ.
I ngɛ Tsaatsɛ Mawu mlɛe nɛ e ye kɛ bua mi; e munyu ɔ ji ye hɛ nɔ kami. I ngɛ lɛ blɔ hyɛe po pe bɔ nɛ nyɔ hwɔɔlɔ hyɛɔ je nanɛɛ blɔ ɔ.
Se i daa si dii ngɛ Tsaatsɛ Mawu hɛ mi, nɛ i ngɛ lɛ mlɛe nɛ e kpɔ mi. Ejakaa e ngɔ kɛkɛ nɛ a naa yi wami hemi kɛ jee.
Moo hyɛ Mawu blɔ. Moo ya nɔ nɛ o pee e suɔmi nya ni, nɛ e maa wo o hɛ mi nyami. O maa ye zugba a nɔ, nɛ o maa na kaa e kpata yi mi wali ɔmɛ a hɛ mi.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Tsa pi enɛ ɔ kɛkɛ, se wa yi gbeye nɛ wa bua jɔɔ wa he ngɛ amanehluhi kɛ kahi a mi tete, ejakaa kikɛmɛ a ni nɛ ɔmɛ haa wa naa tsui si tomi.
Nɛ tsui si tomi haa wɔ subai kpakpa nɛ yeɔ kɛ buaa wɔ kɛ ya suu benɛ wa hemi kɛ yemi kɛ he nɔ kami ɔ pii si.
Wa sɔlemi kɛ pɛɛ kpami hu ji kaa nyɛ hyi tɔ kɛ e agbo jemi he wami kɛ e hɛ mi nyami ɔ, bɔ nɛ pee nɛ nyɛɛ ya nyɛ hɛ mi kɛ bua jɔmi ngɛ Nutsɔ ɔ mi bɔ fɛɛ bɔ nɛ e ma ji ha,
Jehanɛ ɔ, ye nyɛmimɛ, nyɛ nɛ nyɛ ngɛ Nutsɔ ɔ bami ɔ blɔ hyɛe ɔ, nyɛɛ to tsui kaa bɔ nɛ ngmɔ hulɔ toɔ tsui kɛ guu gbiɛ kɛ gbo mi kɛ ya siɔ be nɛ ngmɔ ni ɔ woɔ yiblii nɛ e waa kɛ ha kpami. Ja a kɛ nyɛ hu nyɛɛ to nyɛ tsui si, ejakaa Nutsɔ ɔ bami be ɔ su ta.
Wa le kaa amlɔ nɛ ɔ, a na bua jɔmi, ejakaa a ye lɛ anɔkuale nɛ a na nɔ́ wawɛɛ. Nyɛ nu Hiob he kɛ bɔ nɛ e ya nɔ nɛ e he Nutsɔ ɔ ye ngɛ e haomi mi. Nɛ Hiob sane ɔ tsɔɔ wɔ bɔ nɛ Nutsɔ ɔ blɔ nya tomi woɔ nɔ́ kpakpa kɛ baa ngɛ nyagbe mi.
Jehanɛ ɔ, akɛnɛ nyɛ tsukɔ nyɛ klaa amɛ a he ngɛ anɔkuale ɔ tue bumi mi konɛ nyɛ na nyɛmimɛ a suɔmi he je ɔ, nyɛɛ kɛ tsui mi jɔmi nɛ suɔ nyɛ he.
Ejakaa a fɔ nyɛ ehe, pi nyɛ tsɛmɛ a mi nɛ e je, se mohu wami nɛ puɛ we ɔ mi a je kɛ fɔ nyɛ. Kikɛmɛ a wami he nɛ ɔ ji Mawu wami Munyu ɔ, nɛ e ngɛ daa. Nɛ kaa bɔ nɛ Ngmami ɔ de ɔ, "Adesahi kulaa ngɛ kaa nga, nɛ a hɛ mi nyami ɔ ngɛ kaa mɔmɔ. Nga gbliɔ, nɛ mɔmɔ kplɔɔ. Se Nutsɔ ɔ munyu ɔ ngɛ daa." Enɛ ɔ ji Manye Munyu ɔ nɛ a fiɛ ngɔ tsɔɔ nyɛ ɔ nɛ.
Anɔkuale mi ɔ, pi se nɛ e ngɛ kpɛe ngɛ e bami ɔ mi, wɔ nɛ wa naa lɛ ja be komɛ. Se e ngɛ mlɛe, ejakaa e sume kaa nɔ ko hɛ mi nɛ kpata, lɔ ɔ he je ɔ, e ngɛ yayami peeli be hae nɛ a tsake.
"Hiɔwe Matsɛyemi ɔ ngɛ kaa yihewi nyɔngma nɛ a wo a kanehi ke a yaa kpee ayɛflo huno. Se a kpɛti ni enuɔ ɔ, ni leli ji mɛ, nɛ ni enuɔ hu kuasiahi. Kuasia amɛ wo a kane ɔmɛ mohu, se a ngɔɛ nu kɛ piɛ we he. Se ni leli ɔmɛ lɛɛ a hɛɛ nu kɛ tɔ kɛ piɛ a kane ɔmɛ a he.
Ayɛflo huno ɔ kpɛ se, lɔ ɔ he je ɔ mahe nɔ a nɔ. Se nyɔ mi kpɛti ɔ, a nu ngmlaa ke, ‘Ayɛflo huno ɔ ma oo! Nyɛɛ je kpo nɛ nyɛ ya kpee lɛ!’
Kɛkɛ nɛ yihewi ɔmɛ tsuo te si o ya nɛ a tsiɛ a kane ɔmɛ a mi. Se yihewi kuasia amɛ kpa ni leli ɔmɛ pɛɛ nɛ a ha mɛ a nu ɔ eko, ejakaa a kane ɔmɛ ngɛ gboe.
Se ni leli ɔmɛ de mɛ ke, ‘Wa be nu nɛ maa su nyɛ nya. Nyɛɛ ya tsuapo ɔmɛ a mi nɛ nyɛ ya he eko kɛ ha nyɛ he.’
Benɛ a ho nu ɔ hemi ya a, ayɛflo huno ɔ ba, nɛ ni nɛmɛ nɛ dla a he kɛ to ɔ kɛ lɛ sɛ yo kpeemi he ɔ, nɛ a nga sinya a.
Pee se benɛ yihewi enuɔ ɔmɛ ba a, a ba da sinya a se nɛ a tsɛ ke, ‘Nutsɔ, Nutsɔ, mo bli wɔ!’
Nɛ e he nɔ de mɛ ke, ‘Nyɛɛ ya se kɛ je lejɛ ɔ, i li nyɛ!’
Lɔ ɔ he je ɔ, nyɛɛ huɔ nɛ nyɛ dla nyɛ he kɛ to, ejakaa nyɛ li ligbi loo ngmlɛfia a nɛ Nɔmlɔ Bi ɔ maa kpale kɛ ba.