Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Ngana balasu no ngaku ti-tiai Ma JOU re awa no masidiriwa tani wo-waro masiretene lai ngido. No 'elingi Ma JOU, wakutu no 'a’a 'oru ḇato, la Unanga ḏuanga i’a 'O sinyanyasele 'ani 'ahu.
So’o gena-ge ḏi’i, ngene wo maroanga na’o wo sanga susa re sangisara, sababu ngene wa waro mangale susa re sangisara gena-ge 'i riono ngene di’a wo tahana renanga 'akala ḇanyo. Re na’o ngene wo tahana ma tero gena-ge Ma Jou’ongu Madutu 'o 'akoru ngene nanga de’oso re ḏegoro. Sidogo ḏi’i, ngene nanga ngo-nganono ganapu te’e ra Unanga, sababu ngene wo waro Unanga na 'akoru.
Ngomi mi golo’o ra Ma Jou’ongu Madutu ga’a 'Ai kuasa ma pari cua, mangale Unanga 'a sinamoto ninga 'akala re sinyingara Rai kuasa mo-moini, la ngini nga’unu ni tahana sikisa tau-taunu reninga 'akala ḇanyo reninga 'akala re sinyingara sa-sanangi.
Ngowa’a rema-enanga ga’a 'aḏi sikangela ngini, ḏuanga i’a 'aḏi sanga hukumu ra Ma Jou’ongu Madutu. Sababu gena-ge ioronongoḏu ngo-ngaku rimoi, ngini balasu ni totoma re ni pake 'akala ḇanyo singadolo Ma Jou dadunu 'o sapolo moju. Na oḏi’i ḇato ngowa’a guḏa ga’a 'aḏi totoma remanga 'akala ḇanyo, singadolo guḏa rema hasili. Ananga gena-ge remanga 'akala ḇanyo 'aḏi totoma besa’a ma 'orasa di’a 'aḏi tuju’u, re ngogoro ma 'orasa di’a ya 'utu’u ma sowo’o. Ngini ḏi’i balasu ma tero sa’olo ngowa’a guḏa gena-ge. Ngini balasu ni pake 'akala ḇanyo tau-taunu, ni macako’o namo-namoto ra Ma Jou, sababu Unanga 'ai ta-sapolo enanga ma 'orasa 'i co-cori ḏua.
Mode-mode’e ngene wo waro ḏua bara’utungu 'a guna ḇato ga’a manga ngo-ngaku kama elala ua singadolo 'aḏi sengene. Ngini ni 'isene ḏua mangale Ayub 'o pake 'akala ḇanyo, re na waro ḏi’i Ma Jou’ongu Madutu togumu i’a 'o sibarakati Ayub, sababu Ma Jou’ongu Madutu 'ai 'akala re sinyingara 'i romanga reo dadalara re ḏi’i Unanga 'o sijumu 'Ai 'akala re sinyingara ma la-la.
Dadi nange-ne ngini ninga 'akala re sinyingara 'i dadi 'ofi-'ofi, sababu ngini ni mete’e Ma Jou’ongu Madutu 'ai do-doto’o banari singadolo mode-mode’e ngini ma’u dadalara ninga ioronongoḏu ngo-ngaku rimoi. Kalaha so’o gena, ngoi to pula’a duga re domolo moju, ngini balasu ni ma’u dadalara reo 'akala re sinyingara mode-mode’e, sababu ngini dadunu reni sibuoro moju. Ngini reni sanga 'ahu su-sungi taninga ḇaḇa re ngina ua ga’a basono sengene, mada’a ra Unanga ga’a kama sengene ua. Gena-ge 'i dadi sababu ngini ni ngaku Ma Jou’ongu Madutu 'ai demo ga’a 'i 'ahu re 'i tahana kasingado-ngadolo i’a Toma Boku 'Ofi-'Ofi 'i silefo so’o ne:
"Ngowa’a toma dungia mo-moini ma tero sa’olo rurubu
re ngowa’a manga kabasarana mo-moini ma tero sa’olo saya-saya;
Rurubu 'i wa’alo, ma saya-saya 'i matai turono.
Mada’a Ma Jou’ongu Madutu 'ai demo, kama iranga ua kasingado-ngadolo i’a."
Demo gena-ge Habari Roanga ga’a ri singadolo ra ngini.
'Age ngowa’a 'aḏi aje Ma Jou’ongu Madutu 'ai jaji lai kohi. Momongolo ua, Unanga 'o romanga reo 'akala ḇanyo, sababu Unanga oḏu’u matengo i’a mai ua 'o sanga hukumu. Unanga 'o mau ngowa-ngowa’a mo-moini 'aḏi sanga donga di’a maḏibo toma ngo’omo boloto.
"Toma 'orasa gena-ge wakutu Ngoi, Manusia ma Ngowa’a Nau’u, dadunu To sapolo moju, Soroga ma Pareta ma tero sa’olo 'ade-'ade nena-ne: Geri molo’ara were’a 'ami me-mete’e 'o mosolese nga nyagi moi, matengo re matengo remanga 'oboro, 'aḏi tagi totoma geri molo’ara na-nau’u. Ananga nga mutoara ga’a ngowa’a haga re ananga nga mutoara ḏi’i ga’a ngowa’a pahe. Mosolese ma haga nga mutoara, 'aḏi gasa 'oboro, mada’a ma goroho 'i pai’i ua. Mosolese ma pahe nga mutoara, 'aḏi gasa 'oboro rema ma goroho pai-pai’i. Geri molo’ara na-nau’u 'o sapolo lati, dadi mosolese mo-moini gena-ge 'aḏi kakadungu, kara 'aḏi otu.
'Utu golona i’a, ananga gena-ge 'aḏi 'isene ngowa’a 'aḏi poa’a, ‘Geri molo’ara na-nau’u 'o sapolo. Ino ngene ma’u sanga unanga!’
Ḏua mosolese nga nyagi moi gena-ge 'aḏi momi’i, re ya sidodahe manga 'oboro. Mosolese-mosolese haga 'aḏi kanau toma mosolese-mosolese pahe, ‘Ninga goroho pula’a ra ngomi ceka’a i’a, sababu minga 'oboro sa’i ri sengene.’
Mosolese-mosolese pahe 'aḏi sangoro, ‘Gena-ge 'i yoḏu’u, sababu awa-awa ngene wo masingadolo ua mo-moini. Tagi ni tibo toma toko.’ Ḏua mosolese ma haga gena-ge, 'aḏi tagi tibo manga goroho. Mada’a wakutu ananga 'aḏi tagi-tagi, geri molo’ara na-nau’u 'o sapolo. Mosolese-mosolese ga’a 'aḏi pahe, 'aḏi ḏu-ḏuanga ḏua, 'aḏi osama mamete’e reo geri molo’ara na-nau’u toma laya ma ngi’i, re ma ngalana ngowa’a ya kuci!
Togumu i’a mosolese-mosolese ma haga 'aḏi ngadolo. Ananga 'aḏi kanau, ‘Tuanga, tuanga, na welanga ma ngalana, la ngomi mi osama.’
Mada’a geri molo’ara na-nau’u 'o sangoro, ‘Ni ngaku 'Ari demo nena-ne: Ngoi tunu nana’o ngini ua!’ "
Ḏua Yesus 'a siḏo-ḏogumu 'ai 'ade-'ade so’o ne: "Sababu gena-ge ni ma’istiari, sababu ngini ni waro ua ma wangere bolo ma 'orasa, Ngoi to sapolo."