O Espírito Santo
O Espírito Santo é a terceira pessoa da Trindade — Consolador, Mestre e Poder. Ele convence do pecado, guia em toda verdade, distribui dons e produz frutos na vida do cristão.
O Consolador prometido
Jesus prometeu enviar o Consolador — o Espírito da Verdade — que estaria para sempre com os discípulos e os guiaria em toda verdade.
Te, na Nina di pribo, ye Ake Ple Dugwa yoba ta aimadi kamin meglmara suna morabedi tenabuka.
Te, na Nina di pribo, ye Ake Ple Dugwa yoba ta aimadi kamin meglmara suna morabedi tenabuka. Na Ake Ple Dugwa yoba we diga i, ka kaima mabuno i nogugl edugwa Murubuglo ikra ene tenabuka pre diga. God Muruboglomo erme ene bogl akie moglsre, te, okuo ene meglmara suna morabuka pre ene ye pre kan erikwa. Ba makandigle yoba ye kankre, pre pogl sikre, erikwa pre ye God Murubuglomo ta ikraiglme dugwa.
Jisas ka ta ama yegl dugwa, Na ene kide kodibo, ene gak mua mere yegl mogl dinaiglmedi na ene meglmara ede ikne unaglka. Na kuri ta moglbo, makandigle yoba okuo na ta kankraiglkwa ba ene na kanaiglkwa. Te, na kor moglmara i pre ene ama kor moraiglkwa. Na u kor enaglka igne, na Nina moglmara suna moglko, ene na moglmara suna meglko, na ama ene meglmara suna moglka i, ene pre kan eraiglmiwe dugwa.
Na ka tau duglo bolo diga i, yoba ta prisre, duglo borabuka i, yoba i dem muduo narukwa. Te, yoba ta dem muduo narukwa i, na Nina yoba i dem muduo tenabuka. Tenan, na ama siragl mere moglka i, yoba i obuno di tenaluwe dugwa.
Ana Jisas yegl di kodugo, Judas ta, ye Judas Iskariot moglkrukwa i, Jisas di pre, yegl dugwa, Yagl Kade yo, Siragl mabuno pre ene no keme obuno di norsre, yoba mudu pra pra obuno di tekratne? dugwa. Yegl dugo, Jisas di ikne ede, yegl dugwa, Yoba kane suo mere yegl meglkwa. Ta dem muduo narabuka i, na ka diga i, ama duglo borabuka. Yegl eran, na Nina yoba i dem muduo tenan, na Nina bogl akie yoba i moglmara udre, ye moglmara suna mogl tenabuglka. Yoba ta dem muduo narekrukwa i, na ka diga i, duglo boglkrabuka. Prio. Na ka diga prikwa i, i na kana manugwa ba na Nina na dedugwa i, ye kamo pamiwe di, Jisas yegl dugwa.
Na ene bogl akie munga igne i ka tau mere ene di teiga. Ba ka mudu pre ikne edenaiglkwa pre na Nina ene Ake Ple Dinabuka yagle, Mudu Murubuglo ikra, na kagna mina dedenabuka. Mudu Murubuglo dedenan, ye ka pra pra di pogl si tedre, ka mudu di teiga i, pre ikne edinaiglmedi erabiwe dugwa.
Ba ka mudu pre ikne edenaiglkwa pre na Nina ene Ake Ple Dinabuka yagle, Mudu Murubuglo ikra, na kagna mina dedenabuka. Mudu Murubuglo dedenan, ye ka pra pra di pogl si tedre, ka mudu di teiga i, pre ikne edinaiglmedi erabiwe dugwa.
Ba ka mudu pre ikne edenaiglkwa pre na Nina ene Ake Ple Dinabuka yagle, Mudu Murubuglo ikra, na kagna mina dedenabuka. Mudu Murubuglo dedenan, ye ka pra pra di pogl si tedre, ka mudu di teiga i, pre ikne edinaiglmedi erabiwe dugwa.
Jisas yegl didre, ka ta ama yegl dugwa, Na Nina moglmara pidre, Mudu Murubuglo, ye ka kaima i nogugl edugwa i, dedibo, ye na Nina moglmara mogl udre, ye na kana ene obuno di tenabuka.
Yubun di prikwa ba na ene ka kaima di teiga, na enaglmara i pre ene mina wakai panabuka. Na ta pikribo, Ake Ple Yoba ene meglmara ta ukrabuka ba na ede ebo, ene meglmara unabedi dedenaluwe di, yegl dugwa.
Ana God Murubuglomo unabe diga i, unabuka igne, yoba mabuno suota pre pogl sinaiglmedi i nogugl ede tenabuka. Ye tadaglme mabuno ya te, yoba du moraiglkwa i ya te, God kotmo unabere i, i nogugl ede tenabuka.
Yegl dugo, Jisas di ikne ede te, yegl dugwa, Na yegl pre dikrika. Na ene ka kaima di teiga, God yoba ta nigl mere yegl pai tedre, te Murubuglo mina ye ere i kor edenan, yoba i keme ede suna enabuka. Ta manan, ye God yoba kingno mogl, ye suglno morabara suna ta pikrabiwe di, Jisas yegl dugwa.
Yegl dugo, Jisas di ikne ede te, yegl dugwa, Na yegl pre dikrika. Na ene ka kaima di teiga, God yoba ta nigl mere yegl pai tedre, te Murubuglo mina ye ere i kor edenan, yoba i keme ede suna enabuka. Ta manan, ye God yoba kingno mogl, ye suglno morabara suna ta pikrabiwe di, Jisas yegl dugwa.
Jisas ka yegl didre, ama yegl dugwa, Yoba ogono nagino mina ere mogl, gak kiglkwa i, ogono nagino bogl kiglkwa. Ba yoba kiano wagle u kor enaiglkwa i, God Murubuglo swara eran, u kor enaiglkwa. Na ene di te, Ene u kor enaiglkwa pame diga i, ene gagn koglkro! dugwa.
Na yegl ta kankria, ye ira moglkwa i ta kan pogl sikriko, ba God, na yoba nigl bugl tenatnedi dedugwa i, okna yegl di narukwa, Na Murubuglona ede atne u yagl swara ta moglmara aimadi mogl tenan, ene kanatniwe dugwa. Yagl swara i ere mogl, Mudu Murubuglo ama yoba tenabiwe di, God yegl di narume dugwa.
O derramamento do Espírito
No Pentecostes, o Espírito desceu como fogo sobre os discípulos. Desde então, todos os que creem recebem o Espírito.
God Murubuglo Ugwa
Ana ege kade Pentikosyogo, Jisas pre mediglkwa yoba mudu yugu swara ta yugugl makai si meglkwa. Makai si meglko, ir waga podo kide ta mu dumere mere yegl, mu ta heven ibo di ede atne ugwa. Ede atne u ye yugugl ame didre, makai si meglmara i mu podo kaima dugo, ye mudu prikwa. Prisre, ye kanigwa i, taragl ta doga drabie mere yegl, udre, ede pere pere pi, ye swara swarade meglmara pi tebe de paigwa. De paigo, God Murubuglo ye mudu si kau si tedre, ere edugo, yene kano dikre, ka pere pere digwa.
Ana ege kade yogwa pre Juda yoba tau God kuduglmo geglkwa Jerusalem mogl pai meglkwa. Yoba i, kantri pere pere uglo koglo koglo kipai meglkwa i ede Jerusalem wigwa.
Makai si meglko, ir waga podo kide ta mu dumere mere yegl, mu ta heven ibo di ede atne ugwa. Ede atne u ye yugugl ame didre, makai si meglmara i mu podo kaima dugo, ye mudu prikwa. Prisre, ye kanigwa i, taragl ta doga drabie mere yegl, udre, ede pere pere pi, ye swara swarade meglmara pi tebe de paigwa. De paigo, God Murubuglo ye mudu si kau si tedre, ere edugo, yene kano dikre, ka pere pere digwa.
Prisre, ye kanigwa i, taragl ta doga drabie mere yegl, udre, ede pere pere pi, ye swara swarade meglmara pi tebe de paigwa. De paigo, God Murubuglo ye mudu si kau si tedre, ere edugo, yene kano dikre, ka pere pere digwa.
Yegl digo, Pita di ikne ede te, Ene swara swarade God ene tadaglmeno gugl ede norabedi nomano yake teo. Jisas kaima God Kere Yugwa Yagl moglmedi nomano tedre, nigl biglbi, God ye Murubuglomo yoko kaima tenabiwe dugwa.
Yegl digo, Pita di ikne ede te, Ene swara swarade God ene tadaglmeno gugl ede norabedi nomano yake teo. Jisas kaima God Kere Yugwa Yagl moglmedi nomano tedre, nigl biglbi, God ye Murubuglomo yoko kaima tenabiwe dugwa.
Yegl paugwa ba ene prio! dugwa. God Murubuglo i ene meglmara udre, yobuglo tenan, ene na kana i pi yoba di tenaiglkwa. Ene yoba Jerusalem meglkwa i ya distrik Judia mudu suna meglkwa i di tedre, te yoba distrik Samaria we dimara meglkwa i ya te, yoba bage bage uglo koglo koglo meglkwa i, di tenaiglmiwe di, Jisas yegl dugwa.
Yegl paugwa ba ene prio! dugwa. God Murubuglo i ene meglmara udre, yobuglo tenan, ene na kana i pi yoba di tenaiglkwa. Ene yoba Jerusalem meglkwa i ya distrik Judia mudu suna meglkwa i di tedre, te yoba distrik Samaria we dimara meglkwa i ya te, yoba bage bage uglo koglo koglo meglkwa i, di tenaiglmiwe di, Jisas yegl dugwa.
Ana Jisas pre mediglkwa yoba i kamage yegl ere kodigo, God ye yugu ta makai si meglmara i piga dinabedi eruko, piga dugwa. Piga dugo, God Murubuglo ye mudu meglmara si kau si togo, ye kudugl goglkre, God kamo yoba di te pai meglkwa.
Ana Jisas pre mediglkwa yoba i kamage yegl ere kodigo, God ye yugu ta makai si meglmara i piga dinabedi eruko, piga dugwa. Piga dugo, God Murubuglo ye mudu meglmara si kau si togo, ye kudugl goglkre, God kamo yoba di te pai meglkwa.
Jisas ye adigl u kor ogwa kamo i, no yoba di tomgo, Mudu Murubuglo ama yoba koglo di te moglkwa. Mudu Murubuglo pre dumga i, ene Israel bitno yoba God kamo sedigwa pre Mudu Murubuglo ikrikwa. Ene ikrikwa ba yoba ye God kamo sedekre, ye dumere erikwa i, God ye Murubuglo tomiwe di, Jisas dedugwa yoba i yegl digwa.
Ana ka kep yoba ya ka mabuno beke teigwa yoba dumo Antiok meglkwa i, ye aglke ta kaya mokna mawagl ersre, Yagl Kade kagie kade te, ere meglko, God Murubuglo ye di te, yegl dugwa, Ene meglmara suna i na Barnabas ya Sol kogon ta erabredi kere iga pre ene tau ere mogl, ye dedibi, na kogona erabriwe di, yegl dugwa.
Pol yegl dugo, yagl wagle i prisre, ye Jisas erme pre meduniwe didre, ye pre mediglkwa i nogugl edinamnedi nigl biglkwa. Nigl biglko, Pol ye ogo i pi, ye pra pra akugo, Mudu Murubuglo ye meglmara ugwa. Ugo, yagl wagle i yoba kano tau pere pere pamere i didre, God kamo ka kep ere digwa.
Dons do Espírito
A cada um é concedida a manifestação do Espírito para o bem de todos. Os dons são diversos, mas o Espírito é o mesmo.
Nono mudu swara swarade God kogonmo eraiglmedi God Murubuglo yobuglo norukwa i, nono swara swarade kogon norabere i erumun, akie wakai moramga pre norukwa. God Murubuglo ere mogl, yoba tau ye agroma abaroma nomane wakai tenaiglmedi nomane podo togwa. Te, God Murubuglo swara i ere mogl, yoba tau God kamo pre pogl sidre, di nogugl edinaiglmedi nomane togwa. Te, God Murubuglo swara i ere mogl, yoba tau God yobuglomo gigledi pre medraiglmedi ersre, te yoba tau ye yoba kide sinaiglkwa i ere wakai eraiglmedi togwa. God Murubuglo yegl ersre, yoba tau kimagl eraiglmedi yobuglo tedre, tau God kamo kep ere dinaiglmedi tedre, erukwa. Te, yoba tau yoba ta God kamo dumne digwa i ye pre yubu sinaiglmedi nomane togwa. Yoba God kamo dumne digwa i, God Murubuglo nomane togo, dimo mo Satan nomane togo, dimo mo i, ye yoba tau pre yubu sinaiglmedi nomane togwa. Tedre, ye yoba tau ka pere pere mina ka dinaiglmedi tedre, tau ye ka digwa i prisre, yake tenaiglmedi togwa. Kogon kane kane yegl paugwa ba God Murubuglo swara i, ere mogl, yene prumere yoba swara swarade nomane ya yobuglo togo, ye kogon pere pere yegl erikwa.
Ene okna yegl erikwa ba erme na ka dinaglka i ta pre pogl sibi, yoba mabuno tau pre ene bakagl tekraiglmedi prika. Yoba ta ere mogl, God Murubuglo ka ta di naruko, diwe di, yegl dinabuka ba ye Jisas di kide yei tenan, ye ka kibi dugwa. Te, yoba ta ere mogl, Jisas na Yaglna Kade moglmiwe dinabuka i, Mudu Murubuglo ye nomane mina kogon erukwa pre dugwa.
God ene Mudu Murubuglo togo, ene meglmara atne moglkwa pre ene ogono nagino i, Mudu Murubuglo yugumo mere yegl yogwa. Te, God yene ere mogl, ene topo si ikne edidre, bitno moglkwa pre ene erme meglkwa i, enene pre ta moglkrikwa. God ene bitno moglko, ene God taraglmo mere yegl meglkwa pre ene ogono nagino mina mabuno siragl mere ta eribi, God kagie kade inabuka i keme erio!
Na ka ebrie ta yugu pre diga i, ene pre pogl sinaiglmedi prika. God ene i pere edidre, ene ere i ye yobama edugo, ene Mudu Murubuglo bogl akie meglkwa pre ene akie God yugumo mere yegl meglkwa. Yoba ta ene meglmara si pere pere edidre, ere kide ere tenan, ye God yugumo ere kide ere togwa mere yegl panabuka pre God yoba i ama ere kide ere tenabuka.
Nono yoba munga i, nomano siragl mere paugwa i, yoba pere ta kankrikwa ba no nono pre kan erumga. Kuno yegl mere God nomanemo siragl mere paugwa i, yoba munga i ta pre kan erekunga ba God Murubuglo swara pre pogl sidre, di norukwa.
Fruto do Espírito
O fruto do Espírito é amor, alegria, paz, paciência, bondade, fidelidade, mansidão e domínio próprio.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa.
Te, nono okuo God bogl wakai kaima moramnedi pre gi dumga i, u yoko ta enan, kide pramga mere yegl ta manugwa. Nono ka kaima ye bogl akie aimadi kamun wakai moramga i, nogugl paugwa. Nogugl paugwa i siragl pre God ye dem muduo siragl mere norukwa i, i nogugl ede kodugwa. Ye Mudu Murubuglo noruko, Mudu Murubuglo nono deno muduno mina kogon ersre, God dem muduo podo kide norukwa i, i nogugl ede norukwa.
God nono kingno mogl, suglno moglkwa i, ye nono kaya mokna siragl mere nomga mo nekunga i, ya nigl siragl mere nomga mo nekunga i ta pre yubun dekrukwa. Ye ta prukwa i, Mudu Murubuglo nono deno muduno mina kogon eran, nono mabuno du ersre, agroma abaroma bogl deno muduno swara yei, gun yei moraiglmedi prukwa.
Ana ene God kamo pre mediglkwa pre ye ene meglmara nomane wakai tedre, ene gun yenaiglmedi ere, deno muduno wida di, ene meglmara padigl tenabedi prika. Yegl eran, te, Mudu Murubuglo ene yobuglo bogl tenan, ene okuo God bogl wakai kaima moraiglkwa i, ege ege pre gi di moraiglkwa. I siragl pre God nomane wakai ege ege ye yobama togo, ye okuo wakai kaima moramgra we di, pre gi digwa.
Não entristeçais o Espírito
Não entristeçais o Espírito Santo de Deus. Não apaguem o Espírito — antes, enchei-vos dele continuamente.
God ene okuo agre i ede enagledi Mudu Murubuglo muno gane mere yegl ene ere padigl togo, ene meglmara suna moglkwa i, ene ye kide prabedi erekrio.
God ene okuo agre i ede enagledi Mudu Murubuglo muno gane mere yegl ene ere padigl togo, ene meglmara suna moglkwa i, ene ye kide prabedi erekrio.
Ene ama spak erekrio. Yoba spak ersre, mabuno gua gua erikwa pre ene spak erekre, Mudu Murubuglo ene si kau si tenabedi ye moglmara mogl atne ede molo.
Mudu Murubuglo noro, muno gane mere yegl padigl norukwa. Muno gane we diga i, taragl okuo inamga i, Mudu Murubuglo paduglmara i mina i nogugl ede norukwa pre diga.
Ana Moses ye Yagl Kade bogl ka dinabugledi ye moglmara ogwa igne, laplap i eglke edugwa. Moses laplap i eglke edumere mere yegl, nono Mudu Murubuglo bogl akie munga pre gumano drano ta were kegl dikrumga. I siragl pre nono yoba ta God Murubuglomo bogl munga i, kane paikre, yoko munga. Te, Moses guma dra pogl dumere mere yegl, Yagl Kade abuglagemo nono gumano drano mina pogl dugo, yoba pere kanigwa. Abuglagemo glas pogl dumere mere pogl dugwa pre diga. Te, Moses guma dra pogl dugwa i, ede atne ogwa ba nono Yagl Kade abuglagemo i nogugl edumga i, ede u kade kade ogwa. I siragl pre Yagl Kade Murubuglomo i, ye nono ere i kor kor edugo, nono u Yagl Kade moglmere mere yegl pi munga.
Ana Moses ye Yagl Kade bogl ka dinabugledi ye moglmara ogwa igne, laplap i eglke edugwa. Moses laplap i eglke edumere mere yegl, nono Mudu Murubuglo bogl akie munga pre gumano drano ta were kegl dikrumga. I siragl pre nono yoba ta God Murubuglomo bogl munga i, kane paikre, yoko munga. Te, Moses guma dra pogl dumere mere yegl, Yagl Kade abuglagemo nono gumano drano mina pogl dugo, yoba pere kanigwa. Abuglagemo glas pogl dumere mere pogl dugwa pre diga. Te, Moses guma dra pogl dugwa i, ede atne ogwa ba nono Yagl Kade abuglagemo i nogugl edumga i, ede u kade kade ogwa. I siragl pre Yagl Kade Murubuglomo i, ye nono ere i kor kor edugo, nono u Yagl Kade moglmere mere yegl pi munga.
O Espírito nos capacita
O Espírito intercede por nós, batiza e capacita para o serviço. Ele é poder para a missão e conforto na aflição.
Ba Krais bormaimo i, taragl yegl mere mudu egre atne edidre, nagino swara ere wakai erekrukwa. Bormaimo nono lo duglo boglsre, gogl dinaiglmedi ere wakai ersre, te God kor aimadi moglkwa kogonmo ere pai moraiglmedi ere wakai ere norukwa. Krais aglaumo swara ta paikruko, Mudu Murubuglo aimadi moglkwa i yobuglo tomara mina ye yene i pi God tawa togwa.
Ba na agrama abarama kaima meglkwa i, ene God kamo wakai pre mediglmara i mina adigl gigledi moglsre, yakio. Te, God Murubuglomo ene nomane tenabere mere kamage ere molo. Te, Yaglno Kade Jisas Krais ede ikne udre, nono mitno gogl, aimadi kamin kor moramga norabedi kie ere molo. Kie ere meglbi, God dem muduo podo norukwa i mina moraiglkwa.
Te, ye yene ka boramnedi prisre, ege swara ta ka kep ere boglkrikwa ba Mudu Murubuglo ye nomane togo, God ye boraiglmedi prumere keme beglkwa.
Ye yegl eragledi kina gudu pre moglsre, ugl pai, ugl kubu ta kanugwa. Ye ugl kubu kanumara Yagl Kade angelomo ye moglmara udre, ye yegl di togwa, Josep yo, ene Devit gawamo ta motnga i, Maria ene ebin morabuka i, kudugl goglkro! Gak erme ye dane wagle moglkwa i, Mudu Murubuglo ye dane panabedi eruko, dane paugwa.
Yegl ersre, ene na duglo beglmedi ene gudu i pi king ya gavana moraiglmara edenaiglkwa. Edibi, na kana yoba kade wagle ya yugobuno pere pere ta moraiglkwa i, ama di tenaiglkwa. Ene di tenaiglkwa i, ene ka siragl mere didre, mem siragl mere dinaiglkwa i, pre yubun dekrio. I siragl pre ege i ene ka siragl mere dinaiglkwa i, beke tenaglka. Beke tebo, dinaiglkwa igne, ene digwa mere yegl ta paikrabuka ba Neno Kade Murubuglomo ene drano mina ka dugwa mere yegl panabiwe dugwa.
Te, na aglke ene yegl di tenaglka, ene yoba suo mo suota na kagna mina taragl swara pre ta di pribr, di prabrere mere na Nina heven ibo moglkwa i, ere tenabuka. Yegl pre yoba suo mo suota na kagna mina makai sinaiglkwa i, na ye meglmara suna mogl teiwe dugwa.
Yegl pre ene ede uglo koglo koglo pidre, yugobuno pere pere meglmara i pi ye na kana duglo boraiglmedi beke teo dugwa. Beke tedre, ye na Nina God ya na ye Wam moglka i ya Mudu Murubuglo kagno mina ye nigl bugl teo dugwa. Nigl bugl tedre, ka mudu ene duglo boraiglmedi beke teiga i, ye ama duglo boraiglmedi beke teo. Te, ene prio. Na ene bogl aimadi akie moramga. Ege erme munga i dudinan, okuo na ene bogl aimadi mogl pai moramniwe di, Jisas yegl dugwa.
Ene i pi kot wagle edenaiglkwa igne, ene ka siragl mere kot mina di ikne ede tenaiglkwa i pre, pre yubun dekrio. Pre yubun dekre, God ka siragl mere ene di tenaiglmere mere igne i, ene tenabuka. Tenan, dinaiglkwa igne, ene digwa mere yegl ta paikrabuka ba Mudu Murubuglo ene drano mina ka dugwa mere yegl panabiwe dugwa.
Jon Jisas ake nigl atne ede, nigl bugl togwa
Ana okna, Herot ye Jon si kane sikrukwa igne, Jon ye yoba tau mere kide nigl bugl tedre, Jisas ama nigl bugl togwa. Ana igne i Jisas nigl bugl kodidre, kamage ere moglko, kamun mitna ibo ede u koglo koglo ogo, Mudu Murubuglo u kua yumugl mere yegl pidre, pru di ede atne u Jisas moglmara ugwa. Ugo, God heven ibo ka ta di atne edidre, yegl dugwa, Ene na Wana motniwa. Na dena muduna ene tedre, ene wakai kaima kaniwe di, yegl dugwa.
Kere te yegl dugwa, Yagl Kade Murubuglomo we, na moglmara mogl narumiwa. I siragl pre yoba ka wakai di tenatnedi God na kere i pere edidre, goduglme yoba meglkwa i ka wakai di to dumiwa. Te, yoba kane paigwa i, ene i meda ede, yoba gumuglno kin yeigwa i, kanaiglmiwe di to. Te, yoba tau yubun kane kane teigo, atne meglkwa i, na ye i eglke edibo, wakai moraiglme didre,
Kere te yegl dugwa, Yagl Kade Murubuglomo we, na moglmara mogl narumiwa. I siragl pre yoba ka wakai di tenatnedi God na kere i pere edidre, goduglme yoba meglkwa i ka wakai di to dumiwa. Te, yoba kane paigwa i, ene i meda ede, yoba gumuglno kin yeigwa i, kanaiglmiwe di to. Te, yoba tau yubun kane kane teigo, atne meglkwa i, na ye i eglke edibo, wakai moraiglme didre, te God yoba ere inabuka egemo i, ama u kodumiwe di, na ka yegl di to! dumiwe di, Jisas yegl kere togwa.
Ene prio, ene yoba kide meglkwa ba ene gagroma taragl wakai te kanimiwa. Yegl pre Neno Kade heven ibo moglkwa i, yoba ta ye di prabuka i, ye ka kaima Mudu Murubuglo yoba i tenabiwe di, yegl dugwa.