Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
जागदे रओ और प्रार्थना करदे रओ कि केथी तुसे परीक्षा रे नि पड़ी जाओ; आत्मा तो त्यार ए, पर शरीर कमजोर ए।"
"धन्य ए सेयो, जो मनो रे सल़ीन ए,
कऊँकि स्वर्गो रा राज्य तिना रा ईए।
कऊँकि शरीरो रा पापी सबाओ आत्मा रे बिरोदो रे इच्छा करोआ और यो एकी-दूजे रे बिरोदी ए, ताकि जो कुछ तुसे करना चाओए, से करी नि सको।
पर आऊँ बोलूँआ कि पवित्र आत्मा रे मुताबिक चलो, तो तुसा शरीरो री इच्छा किंयाँ बी पूरी नि करनी।
पर पवित्र आत्मा रा फल प्यार, खुशी, शान्ति, सब्र, कृपा, पलाई, विश्वासो जोगा, नम्रता और संयम ए। एड़े-एड़े कामो रे बिरोदो रे कोई बिधान निए।
जे आसे पवित्र आत्मा रे जरिए जिऊँदे ए, तो पवित्र आत्मा रे मुताबिक चलिए बी।
शरीरो रे मन लगाणा तो मौत ए, पर आत्मा रे मन लगाणा जिन्दगी और शान्ति ए।
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
क्या तुसे नि जाणदे कि तुसा रा शरीर पवित्र आत्मा रा मन्दर ए? से तुसा खे परमेशरो री तरफा ते मिली रा और से तुसा रे बसे राए। तुसा पाँदे तुसा रा आपणा अक्क निए। कऊँकि प्रभुए तुसे आपणी जिन्दगिया रा दाम देई की मोले लयी राखे। इजी री खातर आपणे शरीरो रे जरिए परमेशरो री महिमा करो।
और जो प्रभुए री संगतिया रे रओआ, से तेस साथे एक आत्मा ऊई जाओआ।
माणूंआ बीचा ते कुण केसी माणूंआ री गल्ल जाणोआ? बस माणूंआ री आपणी आत्मा जो तेसरे ए। तिंयाँ ई परमेशरो री गल्ला कोई नि जाणदा, बस परमेशरो री आत्मा ई जाणोई।
तो क्या करना चाईयो? मां आत्मा ते बी प्रार्थना करनी और दमाको ते प्रार्थना करनी। आत्मा ते बी गाणा और दमाको ते बी गाणा।
आँऊ परमेशरो ते बिनती करूँआ कि से आपणी महिमा रे धनो रे मुताबिक तुसा खे ये दान देओ कि तुसे तेसरी आत्मा ते, आपणे पितरले माणूंए रे सामर्थ पाई की तागतबर ऊँदे जाओ। और विश्वासो रे जरिए मसीह तुसा रे दिलो रे बसो कि परमेशरो खे और एकी-दूजे खे तुसा रा प्यार मजबूत बणो और तुसा खे रूड़ने ते बचाओ।
आँऊ बिनती करूँआ कि म्हारे प्रभु यीशु मसीह रा परमेशर जो महिमा रा पिता ए, तुसा खे बुद्धिया री आत्मा और आपणे ज्ञानो रा प्रयासा देओ कि तुसे परमेशरो खे ठीक तरअ ते जाणी सको।
कऊँकि तुसा लोका खे गुलामिया री आत्मा नि मिली जेते कि फेर डरने लगो। बल्कि परमेशरो रा आत्मा मिली रा जेबे तिने तुसे आपणे गोदी पुत्रो रे रूपो रे अपनाए। एबे आसे तिना खे "ओ अब्बा, ओ पिता" करी की बुलाऊँए। पवित्र आत्मा आपू ई आसा री आत्मा साथे गवाई देओआ कि आसे परमेशरो री ल्वाद ए।
पवित्र आत्मा आपू ई आसा री आत्मा साथे गवाई देओआ कि आसे परमेशरो री ल्वाद ए।
कऊँकि तुसा लोका खे गुलामिया री आत्मा नि मिली जेते कि फेर डरने लगो। बल्कि परमेशरो रा आत्मा मिली रा जेबे तिने तुसे आपणे गोदी पुत्रो रे रूपो रे अपनाए। एबे आसे तिना खे "ओ अब्बा, ओ पिता" करी की बुलाऊँए।
और जे मसीह तुसा रे ए, तो शरीर पापो री बजअ ते मरे राए, पर आत्मा तर्मो री बजअ ते जिऊँदी ए।
कऊँकि जितणे लोक परमेशरो री आत्मा रे मुताबिक चलोए, सेयो ई परमेशरो रे पुत्र ए।
ईंयां ई पवित्र आत्मा बी आसा री मताद करोआ जेबे परमेशरो पाँदे आसा रा विश्वास कमजोर ओआ। कऊँकि आसे नि जाणदे कि प्रार्थना किंयाँ करनी चाईयो। पर पवित्र आत्मा आपू ई एड़िया आहें परी-परी की, जो बखाण नि करी सकदे, आसा खे बिनती करोआ।
कड़ी मईणत करो और आल़सी नि बणो। आत्मिक खुशिया ते परे रे रओ, प्रभुए री सेवा करदे रओ।
आँऊ परमेशरो ते प्रार्थना करूँआ कि जो उम्मीदा रा दाता ए, तुसा खे विश्वास करने रे सब प्रकारा री खुशी और शान्तिया ते परिपूर्ण करो, ताकि पवित्र आत्मा री सामर्था ते तुसा री उम्मीद बड़दी जाओ।
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
परमेशर आत्मा ए, इजी खे जरूरी ए कि तेसरी भक्ति करने वाल़े आत्मा और सच्चाईया साथे भक्ति करो।"
पर से बखत आऊणा, बल्कि एबु बीए, जेबे सच्चे भक्ता, पिते री भक्ति आत्मा और सच्चाईया साथे करनी, कऊँकि पिता आपू खे एड़े ई भक्ति करने वाल़ेया खे टोल़ोआ। परमेशर आत्मा ए, इजी खे जरूरी ए कि तेसरी भक्ति करने वाल़े आत्मा और सच्चाईया साथे भक्ति करो।"
पर जेबे आसा सबी रे क्वाड़े मुंओ पाँदो ते प्रभुए रा प्रताप ईंयां सामणे आओआ, जिंयाँ शीशे रे, तो प्रभुए रे पवित्र आत्मा रे जरिए आसे तेसी तेजस्वी रूपो रे अंश-अंश करी की बदलदे जाऊँए।
तो ओ प्यारेओ! जबकि आसा खे यो वादे मिली रे, तो आओ, आसे आपणे आपू खे शरीर और आत्मा रे सब मईलो ते साफ करूँए और परमेशरो रा डर और आदर करदे ऊए, पवित्रता री भरपूरिया तक पऊँछणे री कोशिश करदे रऊँए।
परमेशर आसा खे डरपोक नि बणांदा। बल्कि तेसरा आत्मा आसा खे मजबूत बणाओआ, से आसा खे ओरी साथे प्यार करने और सब्र राखणे रे मताद करोआ।
परमेशर आसा खे डरपोक नि बणांदा। बल्कि तेसरा आत्मा आसा खे मजबूत बणाओआ, से आसा खे ओरी साथे प्यार करने और सब्र राखणे रे मताद करोआ।
कऊँकि आऊँ जाणूंआ कि तुसा री प्रार्थना रे जरिए और यीशु मसीह री तरफा ते पेजी री पवित्र आत्मा री मतादा रे जरिए, इजी रा ईनाम, माखे अच्छा ई ऊणा।
म्हारे प्रभु यीशु मसीह री कृपा तुसा सबी साथे सदा ऊँदी रओ। आमीन्।
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
सुणो जेबे आऊँ तुसा खे बकुँई, आऊँ तुसा खे अच्छी सलाह देऊँगी ओर आपणे ज्ञानो खे तुसा साथे बाँडुंगी"
माणूंए रा सारा चाल-चलण तेसरिया आपणी नजरा रे पवित्र ठईरोआ,
पर यहोवा माणूंए रे मनो खे परखोआ।
माणूं नाशो ते पईले गर्व ओर ठोकर खाणे ते पईले कमण्ड करोआ।
कमण्डिया साथे लूट बांडणे ते, गरीब लोका साथे नम्र सबाओ ते रणा खरा ए।
देरा ते गुस्सा करना वीरता ए,
ओर आपणे मनो खे वशो रे राखणा शईरो खे जीतणे ते खरा ए।
माणूंए री आत्मा यहोवे रा दिऊआ ए, तीजी ते से मनो रिया सबी गल्ला खे टोल़ोआ।
तेबे स्वर्गदूते मांते बोलेया, "परमेशरे जरूब्बाबेलो खे ये बोलेया, ताखे मेरी आत्मा री जरूरत ऊणी। तूँ आपू बऊत कमजोर ए। ओर तांगे पूरी तागत पनि ए। सर्वशक्तिमान यहोवे येई बोलोआ।
भविष्यबक्ता यशायाह बोलोआ, "परमेशर यहोवे रा आत्मा मां पाँदे ए, कऊँकि यहोवे शुभ सन्देश सुनाणे खे मेरा अभिषेक कित्तेया ओर आऊँ इजी खे पेजी राखेया ताकि दु:खी मनो रे लोका खे शान्ति देऊँ ओर गुलामा खे आजादिया रा ओर कैदिया खे छुटकारे रा प्रचार करुँ।
तेबे मां तिना रा मन एक करी देणा ओर तिना रे पीतरे एक नया आत्मा पैदा करना ओर तिना रे शरीरो ते पात्थरो रा दिल निकयाल़ी की मासो रा दिल देणा, जेते कि सेयो मेरी बिधिया पाँदे सदा चलेया करो ओर मेरे नियम मानो ओर सेयो मेरी प्रजा ठईरने ओर आऊँ तिना रा परमेशर ठईरना।
परमेशर यहोवा तुसा आड्डिया खे ईंयाँ बोलोआ: देखो, मां आपू तुसा सबी दे आपणा साआ पाणा, ओर तुसे फेर जिऊँदिया ऊई जाणिया।
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
ओ परमेशर, मेरे पीतरे शुद्ध बचारा खे पैदा कर ओर माखे दुबारा इमानदार बणा
माखे आपणी मौजुदगिया ते दूर नि कर ओर आपणी पवित्र आत्मा मांते नि निक्याल़।
आपणे कित्ते रे उद्धारो री खुशी माखे फेर देई दे
ओर नम्र आत्मा देई की माखे आसरा दे।
ओ परमेशर मेरा बलिदान एक नम्र आत्मा ए,
तूँ नम्र ओर पश्चाताप करने वाल़े मनो खे बेकार नि समजदा;
प्रभु पश्चाताप करने वाल़ेया री सुणने ओर मताद करने रिया तँईं त्यार रओआ
ओर दु:खी आत्मा वाल़े माणूंए खे बचाओआ।
तुसे ना तो केसी परदानो पाँदे परोसा राखणा, ना केसी माणूंए पाँदे,
कऊँकि तिना दे बचाणे री सामर्थ नि ए।
तिना रा बी प्राण निकल़ना, सेयो बी माट्टिया रे मिली जाणे;
तेसी दिने तिना रिया सारिया योजना नाश ऊई जाणिया।
कऊँकि परमेशरो रा वचन जिऊँदा और प्रबल ए, से केसी दोधारी तलवारी ते बी बऊत पईना ए। से आत्मा और प्राण, गाठ-गाठ और गूद्दे-गूद्दे खे लग करी की वार-पार छेदोआ। से मनो री इच्छा और सोचा खे परखोआ।
इजी री खातर जिंयाँ शरीर आत्मा ते बिना मरे राए, तिंयाँ ई विश्वास बी अच्छे कामो ते बिना मरे राए।
ओ मेरे प्यारेओ! हर केसी पाँदे विश्वास नि करो जो आत्मा रे जरिए बोलणे रा दावा करोए। बल्कि आत्मा खे परखो कि सेयो परमेशरो री तरफा ते कि नई, कऊँकि बऊत सारे चूठे भविष्यबक्ता दुनिया रे निकल़ी की खड़े ऊई रे।
इजी तेई आसे जाणूंए कि आसे तेसदे बणे रे रऊँए और से आसा रे, कऊँकि तिने आपणी पवित्र आत्मा आसा खे देई राखेया।
तो तेबे तुसे बुरे ऊई की आपणे बच्चेया खे खरी चीजा देणा जाणोए, तो तुसा रे स्वर्गिय पिते आपणे मांगणे वाल़ेया खे पवित्र आत्मा कऊँ नि देणी?"
तिना खे आगी रिया लूपिया जेड़िया जीबा निकल़दिया ऊईया दिशिया और तिना बीचे सबी पाँदे आयी की ठईरी गिया। तेबे सेयो सब पवित्र आत्मा ते परी गे और जिंयाँ पवित्र आत्मे तिना खे बोलणे री सामर्थ दित्ती, सेयो लग-लग पाषा रे बोलणे लगे।
जेस बखते कुछ बी नि था तेबे परमेशरे सबी ते पईले सर्ग ओर तरती बणाई। तरती उबड़-खाबड़ ओर सुनसाण पड़ी री थी ओर डूगे पाणिए पाँदे न्हेरा था ओर परमेशरो रा आत्मा पाणिए पाँदे कूमो था।
पर ये सर्वशक्तिमान परमेशरो री आत्मा ए
जो आसा गे आओई ओर आसा खे समज देओई।
तेस बखते चाँदिए रिया तारा रे दो टुकड़े ऊणे ओर सूईने रा कटोरा टुटणा ओर सूबल़ा गे कअड़ा फूटणा ओर कुण्डो गे चाक्का टूटी जाणा। तुसे आपणे बनाणे वाल़े परमेशरो खे याद राखणा,
तेबे म्हारी देह माट्टिया दे मिली जाणी, ओर आत्मा परमेशरो गे जिने से देई राखी वापस ऊई जाणी।
परमपरदान परमेशरे माखे जो-जो नशाण ओर चमत्कार दखाए, माखे ये अच्छा लगेया कि तिना रा मतलब तुसा खे बताऊँ। परमेशरे बड़े-बड़े चमत्कार दखाए ओर तेसरे चमत्कारा दे बड़ी शक्ति ओई! परमेशरो रा राज तो सदा रा ओर तेसरा राज पीढ़िया ते पीढ़ी तक बणेया रा रओआ।