41 ፓጭያን ህንተንቱ ገለና ማላ፥ ምንተነ ጾሳ ዎስተ፤ አያናይ ጊግ ኡቴዳ፤ ሽን አሳተ ኤሻይ ዳቡራንቻ" ያጌዳ።

3 "ባረንቱ አያና ደኡዋን፥

ህዬሳ ግዴዳዋ ኤርያዋንቱ አንጀቴዳዋንታ፤

አያዉ ጎፐ፥ ሳሉዋ ካዉተይ ኡንቱንቱሳ።

17 አያዉ ጎፐ፥ ኑ አሹ አሞትያዋ ጌሻ አያናይ እጼ፤ ቃይ ጌሻ አያናይ አሞትያዋ ኑ አሹ እጼ፤ ሀዋንቱ እቱ እቱዋና እጸቲኖ። ሄዋ ድራዉ፥ ህንተ ዶስያዋ ኦናዉ ዳንዳይክታ።

16 ሽን ስስተ፤ ጾሳ አያናይ ህንተንታ ካለያዋ ግዶፐ፥ ህንተ አሹዋ አሙዋ ሙለካ ፖልክታ።

22 ሽን ጌሻ አያና አይፊ፥ ሲቁዋ፥ ናሸቻ፥ ሳሮተ፥ ዳንዳያ፥ ኬካተ፥ ሎኦተ፥ አማነትያዋ፥ 23 አሽከተ፥ ባረ ሁጲያ ናግያዋ። ሄዋንታ ማላትያዋንታ ድግያ ህጊ ባዋ።

25 ኑዉ ጌሻ አያናይ ደኡዋ እሞዋፐ ጉይያን፥ ኑና ቃይ እ ካለ።

6 አሳተባ ቆፉሳይ ሀይቁዋ አሄ፤ ሽን ጌሻ አያናባ ቆፉሳይ ደኡዋነ ሳሮተ አሄ።

19 ዎይ ህንተ ቦላይ ጾሳይ ህንተንቶ እሜዳ ህንተንቱን ደእያ ጌሻ አያናይ አቅያ ጌሻ ጎልያ ግድያዋ ኤርክቴ? ቃይ ህንተ ህንተ ሁጲያሳ ግድክታ። 20 አያዉ ጎፐ፥ ጾሳይ ህንተንታ ጋትያን ሻሜዳ። ሄዋ ድራዉ፥ ህንተ አሳተን አ ቦንችተ።

17 ሽን ጎዳና እትፐተ መያ ኡራይ አያናን አናና እቱዋ ግዴ።

11 አያዉ ጎፐ፥ አሳን ደእያ አሳ አያናፐ አትን፥ አሳባ ኤርያዌ ኦኔ? ሀዋዳንካ፥ ቃይ ጾሳባ ጾሳ አያናፐ አትን፥ ኦንነ ኤረና።

15 ያትና፥ ታን ዎቶ? ታን ታ አያናን ጾሳ ዎሳና፤ ቃይ ታ ቆፋንካ ጾሳ ዎሳና። ታ አያናን የጻና፤ ቃይ ታ ቆፋንካ የጻና።

16,17 ጾሳይ ባረ ቦንቹዋ ዳሩዋዳን፥ ባረ ጌሻ አያናን፥ ህንተንቶ ህንተ ጋርሳ አሳተን ህንተ ምንያ ዎልቃ እማናዳንነ፥ ቃይ አማኑዋ ባጋና ክርስቶስ ህንተ ዎዛና ባረ ጎልያ መናዳን፥ ታን ጾሳ ዎሳይ፤ ቃይካ ህንተ ጻጱዋ የዲደ፥ ቶከቲደ ሲቁዋን ምናናዳን፥ ጾሳ ዎሳይ።

17 ቃይ ጎዳ የሱስ ክርስቶሳ ጾሳይ፥ ቦንቹዋ አዉ፥ ጾሳ ህንተ ኤራናዳን፥ ህንተና አዳ ኤራንቻ ኦያ ቃይ ጾሳ ህንተንቶ ቆንጭስያ ጌሻ አያና ህንተንቶ እማናዳን፥ ታን ዎሳይ።

15 አያዉ ጎፐ፥ ኑን ኑ ኮሻ ቁ ኦደ፥ "አባ! ታ አቦ" ያጊደ ጼስያ፥ ኑና ጾሳ ናና ከስያ ጌሻ አያና ጾሳፐ አኬዶፐ አትን፥ ላኤንዋ ያያናዉ አይለ ከስያ አያና አክበይኮ። 16 ጾሳ አያናይ ባረ ሁጰዉ ኑ አያናና ግዲደ፥ ኑን ጾሳ ናና ግድያዋ ማርካቴ።

16 ጾሳ አያናይ ባረ ሁጰዉ ኑ አያናና ግዲደ፥ ኑን ጾሳ ናና ግድያዋ ማርካቴ።

15 አያዉ ጎፐ፥ ኑን ኑ ኮሻ ቁ ኦደ፥ "አባ! ታ አቦ" ያጊደ ጼስያ፥ ኑና ጾሳ ናና ከስያ ጌሻ አያና ጾሳፐ አኬዶፐ አትን፥ ላኤንዋ ያያናዉ አይለ ከስያ አያና አክበይኮ።

10 ሽን ክርስቶስ ህንተንቱን ደኦፐ፥ ህንተ አሳተይ ናጋራ ጋሱዋን ሀይቄዳዋ፤ ሽን ህንተ አያናይ ጽሎተ ጋሱዋን ህንተንቱን ፓጻ ደኤ።

14 ጾሳ አያናይ ካለያ ኡባቱ ጾሳ ናና።

26 ሀዋዳን ቃይ ጌሻ አያናይ ኑ ዳቡራ ማዳናዉ ዬ፤ አያዉ ጎፐ፥ ኑን ጾሳ ዎት ዎሳናዉ በስንቶ ኤሮኮ፤ ሽን ጌሻ አያናይ ባረ ሁጰዉ ቃላን ቆንጭሳናዉ ዳንዳየተና ኦልያን ኑዉ ጋናቴ።

11 ምኒደ ኦተ፤ አዛሎፕተ፤ ህንተ ኩመን ዎዛናፐ ጎዳዉ ኦተ።*

13 ህንተንቱ አካና ጊደ ናሸቻን ናግያዌ ጌሻ አያና ዎልቃን ድጫናዳን፥ ህንተንቶ እማና ጌዳ ጾሳይ፥ ህንተ አ አማንያ ድራዉ፥ ህንተንቶ ናሸቻነ ሳሮተ ኩንደ እሞ።

24 ጾሳይ አያና፤ አዉ ጎይንያዋንቱካ ጌሻ አያና ዎልቃን ጾሳ ጾሳተዳን ጎይናናዉ በሴ" ያጌዳ።

23 ሽን አዉዋ ጾሳዉ ቱሙዋፐ ጎይንያዋንቱ አ፥ ጌሻ አያና ዎልቃንነ ጾሳ ጾሳተዳን ጎይንያ ዎዲ ማታቴዳ፤ ኡባ ሀእካ ጋኬዳ። አያዉ ጎፐ፥ አሳ ባረዉ ጎይናና ማላ፥ አዉ ጾሳይካ ሀ ኦግያን ጎይንያዋንታ ኮዬ። 24 ጾሳይ አያና፤ አዉ ጎይንያዋንቱካ ጌሻ አያና ዎልቃን ጾሳ ጾሳተዳን ጎይናናዉ በሴ" ያጌዳ።

18 ኑን ኡባይካ ናጻላን ካመትቤና ሶምእያን ጎዳ ቦንቹዋ በአና* ቃይ ጌሻ አያና ግድያ ጎዳፐ ይያ ሄ ቦንቹ ኑና ባረና ማላትሲደ፥ ቦንቹዋፐ ቦንቾ ላማና።

1 ሄዋ ድራዉ፥ ታ ሲቃቶ፥ ጾሳይ ሀ ኡባባ ኑዉ እማና ጌዳዋፐ ህን ባጋን፥ ኑ አሹዋነ ኑ ሸምፑዋ ቱንስያ ኡባባፐ ኑ ሁጲያ አነ ጌሾይተ፤ ቃይ ጾሳዉ ያይያዋን ኡባና ጌዪደ ደኤቶ።

7 አያዉ ጎፐ፥ ጾሳይ ኑዉ ዎልቃ፥ ሲቁዋነ ኑ ሁጲያ ናግያዋ እምያ ጌሻ አያና እሜዳፐ አትን፥ ያሻ አያና እምቤና።

7 አያዉ ጎፐ፥ ጾሳይ ኑዉ ዎልቃ፥ ሲቁዋነ ኑ ሁጲያ ናግያዋ እምያ ጌሻ አያና እሜዳፐ አትን፥ ያሻ አያና እምቤና።

19 አያዉ ጎፐ፥ ታን ህንተንቱ ዎሳንነ የሱስ ክርስቶሳ አያናፐ ይያ ማዱዋን አታናዋ ኤራይ።

23 ኑ ጎዳ የሱስ ክርስቶሳ አ ኬካተይ ህንተናና ግዶ።

23 ታ ሴራኮ ስሞፐ፤ ታን ታ ኤራ ህንተ ቦላ ጉሳና፤ ታ ቃላካ ህንተና ታማርሳና።

2 አሳይ ኦያ ኦሱዋ ኡባይ አዉ ልከ ማላቴ፤ ሽን መና ጎዳይ ኮይሮ ደንዱዋ ቆፋ ይግ ጼሌ።

18 ኦቶሩዋ ጌዱዋ ባሻይ ካሌ፤ አዩዋ ጌዱዋካ ኩንደይ ካሌ።

19 አይያዋንቱና ዙፐቲደ፥ ኦሞዱዋ ሻክ አካናፐ አሽከ ግዲደ፥ ህዬሲደ ደእያዌ ኬካ።

32 ዎልቃማ አሳ ግድያዋፐ፥ ሀንቀታናዉ ኤሌለና አሳ ግድያዌ ሎአ፤ ዳሮ ካታማቱዋ ኦሊደ ኦይቂያዋፐ፥ አሳይ ባረ ሁጲያ ሞድያዌ አ።

27 አሳ አያናይ መና ጎዳዉ ጾምፕያ፤ ሄዋ ድራዉ፥ እ ኑ ግዶ አሳተ ኡባ ፕልግ ጼሌ።

6 ቃይካ እ፥ "ዛሩባቤላዉ መና ጎዳይ ኦዴዳ ቃላይ ሀዋ፤ ‘ታ አያናናፐ አትና፥ ዎልቃን ዎይ ምኖተን ግደና። ታን ኡባፐ ዎልቃማ መና ጎዳይ ሀዋ ኦዳይ።✝

1 ኡባ ሞድያ መና ጎዳ አያናይ ታ ቦላን ደኤ፤✝✝ አያዉ ጎፐ፥ ቆሄቴዳዋንቶ ሎኦ ምሽራቹዋ ኦዳና ማላ፥ ጾሳይ ታና ኦኬዳ። እ ታና ዎዛናይ መኤዳዋንቶ ኮለትያዋነ ኦሞደቴዳዋንቶ ኦሞዱዋፐ ከስያዋ አዋያና ማላነ ቃሸቴዳዋንቶ ብለ አዋያና ማላ ኪቴዳ።

19 ታንካ ኡንቱንቶ እት ዎዛና እማና፤ ቃይ ኦራ አያናካ ኡንቱንቱ ግዶን ዎና። ኡንቱንቱፐ ሹቻ ዎዛና ድጋደ፥ አሹዋ ዎዛና ኡንቱንቶ እማና።✝ 20 ሄ ዎድያን ኡንቱንቱ ታ ህግያ ካላና፤ ታ አዛዙዋካ ናጋና። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና።

5 ኡባ ሞድያ መና ጎዳይ ሀ መቀቶ ሀዋዳን ያጌ፤ "ታን ሸምፑዋ ህንተ ግዶ ገልሳና፤ ያቶፐ ህንተ ፓጻ ደአና።

10 አቤት ጾሳዉ፥ ጌሻ ዎዛና ታ ግዶን መ፤

ምንስያ አያና ታ ግዶን ኦራ።

11 ታና ነ ስንፐ ኦሎፓ፤

ነ ጌሻ አያና ታፐ አኮፓ።

12 ነ አቶተ ናሸቻ ታዉ ዛራደ እማ፤

ታን ነዉ ኤኖ ጋደ አዛዘታናዳን፥

ታና ዘምፕሳ።

17 ጾሳዉ ያርሽያ ያርሹ

አሽከ አያና፤ አቤት ጾሳዉ፥

"ናጋራ ኦናን አጋርክታሻ" ግያ፥

መኤዳ ዎዛና ኔን ካካ።

18 መና ጎዳይ ዎዛናይ መኤዳዋንቶ ማታና፤

ቃይ ባረንቱ ህዶታ ቃንጼዳዋንታ አሼ።

3 አሳይ አሻናዉ ዳንዳየና ድራዉ፥

አሳ ካፓቱዋን አማነቶፕተ።

4 ኡንቱንቱ ሸምፑ ከስያ ዎደ፥

ኡንቱንቱ ቢታዉ ስሚኖ፤

ኡንቱንቱ ሀልቹ ኡባይ

ሄ ጋላስካ አት አጌ።

12 አያዉ ጎፐ፥ ጾሳ ቃላይ መናዉ ደእያዋኔ ኦያዋ፤ ላኡ ባጋና ሌፈቴዳ ማሻፐካ አደ ኩሴ። ሄ ቃላይ ሸምፑነ አያናይ፥ ኩሪነ ኮልዚ እትፐ ጋከትያሳ ሻካና ጋካናዉ ጫዴ። ቃይ አሳ ዎዛናን ደእያ ኮሻነ ቆፋ እ ሻኬ።

26 አያዉ ጎፐ፥ ሸምፑ ሻከቴዳ ቦላይ ሀይቄዳዋ ግድያዋዳን፥ ሄዋዳንካ ቃይ ኦሱ ሻከቴዳ አማኑ ሀይቄዳዋ።

1 ታ ሲቆቶ፥ ጾሳ አያናይ ታናን ደኤ ግያ ኡባ አማኖፕተ፤ ሽን ኡንቱንቱን ደእያ አያናይ ጾሳፔየ ዎይ ግደነንቶ ፓጭተ። አያዉ ጎፐ፥ ጮራ ዎርዶ ናባቱ ኡባሳ ቤድኖ።

13 ጾሳይ ባረ አያና ኑዉ እሜዳ ድራዉ፥ ኑን ጾሳ ግዶን ደእያዋነ እካ ኑ ግዶን ደእያዋ ኤሬቶ።

13 ህንተንቱ ኢታ ግድ ደኢደ ህንተንቱ ናናዉ ሎኦባ እምያዋ ኤሮፐ፥ ያትና ሳሉዋን ደእያ ህንተንቱ አዉ ባረና ዎስያዋንቶ አያና ጌሻ ዎት ዳርሲደ እማንዴሻ?" ያጌዳ።

3 ቃይ ታማ ላጩዋዳን ፖዱግያዌ ኡንቱንቶ ቤቲደ፥ ሻከት ሻከት፥ ኡንቱንቱ ኡባ ቦላ ዎዳ። 4 ኡንቱንቱ ኡባን ጌሻ አያናይ ኩሚደ፥ ዱማ ዱማ ቃላን ሃሳያና ማላ፥ ኡንቱንታ ዳንዳይስና፥ ሃሳያ ዶሜድኖ።

1 ጾሳይ ሳሎቱዋነ ሳኣ ኮይሮ መዳ። 2 ሄ ዎደ ሳአይ ጊግቤናነ አያይነ ባይና መላ፤ ጪሙዋ ቦላን ማይ ደኤ፤ ጾሳ አያናይ* ሃፐ ቦላና ማይ ኡቴዳ።

8 ሽን አሳኮ ዪደ፥ አዳ ኤራተ አሳዉ እምያዌ ኡባ ዳንዳይያ ጾሳ አያና።

6 ብራ ቃጭናይ ዱጸናን፥ ዎርቃ ከሪካ መኤናን፥ ሃ ኦቱካ ፑልቱዋ ላንቂያን መኤናን፥ ሃ ፑደ ጎችያ ዎዶሩካ ዱጸናን ደእሺና፥ 7 ቢታይ ካሰ ባረ አከቴዳ ቢታኮ ስመናን፥ ሸምፑካ ባረና እሜዳ ጾሳኮ ስሚደ ቤና ደእሺና፥ ኔና መዳዋ ቆፓ።

2 "ኡባፐ ቂያ ጾሳይ ታዉ ኦዳ ማላልስያነ ኦራባ ታን ህንተንቶ ኦዳናዉ ኮያይ።

3 "አ ማላታይ ዎት ግቴ!

እ ኦያ ኦራባይ ዎት ምኔ!

አ ካዉተይ መና ካዉተ፤

አ ማታይካ የለታፐ የለታ ጋካናሳ።