Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
Reramatagafi ufreta traka hanagi, kva huneta nunamu hiho. Avamu timimo’a ave’nesianagi, amega tamavufgamo’a avenosie.
Zamufama anterami’za avamupima manisaza vahe’mo’za, Anumzamofo asomura erigahaze. Na’ankure mona kumara zamagri kumare.
Na’ankure avufgamofo avesizamo’a, Avamumofo avesizanena ha’rentegeno, Avamumofo avesi’zamo’a avufgamofo avesi’zana ha’renenteankino, amu’nozanifina ha' orente arente’za me’neankita, nazano hunaku’ma hanaza zana osugahaze.
Avamumofo hanavefi mani’zamofo naneke
Hianagi anage hu’na neramasamue, Avamu’ene kama vanoma hanazana, tamavufgamofo avesi’zana amagera ontegahaze.
Hianagi Avamumofo avu’ava zana avesinte’zane muse’zane, rimpa fru’zane, akoheno mani’zane, vahe so’e hunte avu’ava zane, knare avu’ava hu’zane, ke amage’anteno avariri fatgohu avu’avazane, akoheno fru avu’ava hu’zane, agra’a avesiza kegava huzamofona mago kasegemo’a hara reontegahie.
Tagrama Ruotge Avamu’enema mani’nesuta, atrenunkeno maka kama vano huzantifina Ruotge Avamu’mo kana taveri huno vanie.
Hu’negu ko’ma kumima nehuna tavutava zanku’ma antahizamo’a fri kante tavreno nevie. Hianagi Avamumofo atregeno antahintahi kegava nehimo’a asimu erino rimpa frune nemanie.
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
Tamavufamo’a Ruotage Avamumofo mono no me’negeno, Ruotge Avamuma Anumzamo’ma tamagri’ma tami’nea avamumo’ma anampinkama mani’neana tamagra ontahi’nazo? E’ina hu’negu tamagra’a su’ana omani’naze. Na’ankure tamagrira Anumzamo’a ko tusi’a mizanteti miza seramante’ne. E’ina hu’negu tamavufgareti Anumzamofo Agi’a erisaga hugahaze.
Hianagi mago’moma Ramo’ene hagerafino manisimo’a, avamupina zanagra magoke Agranena huke manigaha’e.
Na’ankure, iza vahepintira mago vahe’mofo antahi’zampima me’nesia antahi’zana keno antahino hugahie? Agri’a avamu’moke agu’afi me’nesia antahi’zana keno antahino hugahie. Anahukna kante Anumzamofona oku’a agu’agesa mago’mo’e huno antahino keno osugahianki, Anumzamofo Avamu’moke antahino keno hugahie.
Hu’negu nagra na’a hugahue? Antahintahini’areti nunamuna nehu’na, Avamuni’areti ene nunamuna hugahue. Avamuni’areti zagamera nehu’na, antahintahini’areti enena zagamera hugahue.
Nagra nunamu nehue, Agra’a marerisa knare’za huhampri tamanteno hanave’afi tamazeri hampo’na hanigu, Agra’a Avamu’a vahe’mofo agu’afinka ante’ne. E’ina hanageno, tamentinti nehazagu Kraisi’a tamagu’afi mani’nesigetma, tamagra mopafi zafamo rafu’na reno oti hanave tiankna huta Anumzane, tamararuhe’i kizmia tamagu’areti huta zamavesi zmantegahaze.
Anumzamo’a so’e hihamu’ane masamofo Nafa’amo Ranti Jisas Kraisi Anumzamo’a knare antahi’zane, tamagu tamagesane, tamage ke’a huama hu antahi’zamofo avamura tamisnigeta Agrira antahita keta nehuta, avamupina ra hanazegu nehue.
Ana hu’negu tamazeri kazokzo eri’za vahe tamanteno tamazeri korohu Avamura tamagra e’ori’naze. Hianagi tamagra Anumzamofo mofavre tamazerisegeta Avamu erineta Anumzamofonkura Aba, Nerafa’e nehune! Ruotge Avamumo tagri avamura taza higeta huama huta, tagra Anumzamofo mofavre mani’none nehune.
Ruotge Avamumo tagri avamura taza higeta huama huta, tagra Anumzamofo mofavre mani’none nehune.
Ana hu’negu tamazeri kazokzo eri’za vahe tamanteno tamazeri korohu Avamura tamagra e’ori’naze. Hianagi tamagra Anumzamofo mofavre tamazerisegeta Avamu erineta Anumzamofonkura Aba, Nerafa’e nehune!
Kumimo amega tamavufga tamahe frigahianagi, Kraisima tamagu’afima mani’nesnigeta tamasimu erita fatgo vahe manigahaze. Na’ankure Anumzamo tamavrene.
Na’ankure maka veamo’za Anumzamofo Avamu’ma atrazageno, vanaza kama zamazeri fatgoma nehimo’za, Anumzamofo mofavre mani’naze.
E’ina hukna kante Ruotge Avamumo hanavetima omane’nea vahe’mota taza nehie. Nazanku nunamuna hugahune, e’i ontahi nonanagi, Ruotge Avamumo Agra’a tagri taza huno nunamu hunerante.
Tamavesra osutma hanavetitma eri’zana erinkeno, Avamumo’a tamazeri otina Ramofo eri’zana eriho.
Fore’ma hanigu’ma amuha’ma nehu’na zamofo Anumzamo, miko musezane rimpa fruzana tamentintifina antevi’netena, Ruotge Avamumofo hankavefi fore’ma hanigura amuhara hugahaze.
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
Na’ankure Anumzana Agra Avamure, hu’negu mono’ma hunteku hanamo’za, zamagra zamagu’areti avamuzmifi tamage monora huntegahaze.
Hianagi mago kna ne-ea knamo’a hago menina ama fore hu’ne. Nenfama tamage mono hunteku hanamo’za, avamupi tamage avu’avateti monora huntegahaze. E’inahu hu’za mono’ma huntesaza vaheku Nenfa’a nehakre. Na’ankure Anumzana Agra Avamure, hu’negu mono’ma hunteku hanamo’za, zamagra zamagu’areti avamuzmifi tamage monora huntegahaze.
Hianagi miko tavugosa refiote vahe’mota, Ramofo masazama’amo’a tagrite remasa nehigeta, kapomo hiankna huta remsa huta Agrikna hunkeno, Ramo’a Avamukino, agri masazamo’a mago’ane tagripina remsa nehie.
Na’ankure tagrira Anumzamo’a huvempa hurante’negu, navesima neramantoa ronenimota, tagra’a tazeri avusese hanune. Ama tavufgafine avamupima miko kefozamo’ma tazeri haviza hania zampintira, mani ruotage nehuta Anumzamofo koro huntesune.
Na’ankure Anumzamo’a kore huno fraki Avamura ontami’ne. Hianagi hanave’ane, avesi’ene, avufga antermino kentahi avamu tami’ne.
Na’ankure Anumzamo’a kore huno fraki Avamura ontami’ne. Hianagi hanave’ane, avesi’ene, avufga antermino kentahi avamu tami’ne.
Na’ankure nagra antahi’noe, kina nompi mani’nogetma, nunamu nehaza zamo’ene, Jisas Kraisi Avamu’mo naza huno nazeri atregahie.
Ranti Jisas Kraisi asunku’zamo magoke magokemotma tamagrane mesnie.
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
Nagrama i’oma hugantoa kema amage’ma antesanke’na, nagu’a neramina, knare antahi’zani’a rempi huramigahue.
Tagrama mika zama hu’nazamo’a knare hune huta tagesa antahigahunanagi, nanknahu tagutagesareti ana mika’zana nehune Ra Anumzamoke refako hugahie.
Kavufga ra huzamo’a, kazeri haviza hugahie. Kagra kavufga husgama hu’zamo’a, kazeri tanafa kofa hugahie. Akoheno anteramino amunte omane vahe’enema mani’zamo’a, avufga ra hu vahemo ha’pinti feno eri’neaza refko hu’zana agatere’ne.
Ame huno arimpa’gnama osu vahe’mo’a himamu vahera agateregeno, iza’o rimpa he’zama azerirava nehimo’a, tusi’a kuma’ma ha’ma huno eri’nemofona agatenere.
Ra Anumzamofo lampe tavi’mo’a, vahe’mofo kantu agu’afi ufreno mika kefo agu’agesama me’neana hakeno eri ama nehie.
Anage hugeno amanage huno nasmi’ne, Ra Anumzamo’a amanage huno Zerubabelinkura hu’ne, ama ana zana hankaveka’areti’ene hihamuka’aretira eri forera osugahananki, Nagri Avamumofo hankavereti ana zana hugahane, huno Monafi sondia vahe’mofo hankavenentake Ra Anumzamo’a hu’ne.
Ra Anumzamo vahe’ma zamaza hania knama esania zamofo naneke
Ra Anumzamofo Avamumo’a nagrite emani’ne. Na’ankure Ra Anumzamo nagrira nanunte masave tagino frenenanteno, knama zamiza zamazeri havizama nehaza vahera knare musenke ome huama hunka zamasamio huno hunantege’na e’noe. Ana nehuno rama’a knazampima mani’naza vahera zamarimpa fru nezaminka, hapinti’ma zamazeri’za kinama huzmante’naza vahera zamazeri netrenka, kinama hu’naza vahera kinafintira atreta fruhuta viho hunka zamasamio huno hunante’ne.
Ana hanage’na Nagra magoke zamagu zamagesa nezamina, kasefa avamu zamagu’afina antegahue. Ana nehu’na hankavetino havegna hu’nea zamagu’a eri netrena, kasefa zamagu’a zamigahue. Ana hanuge’za tra keni’ane kasegeni’anena kegava nehu’za avaririgahaze. Ana nehu’za zamagra Nagri vahe mani’nage’na, Nagra zamagri Anumza manigahue.
Ra Anumzana Agra Anumzamo’a ama zaferinaramotagura amanage hie, Nasimura atresugeno tamagu’afina efre’na tamasimura erigahaze.
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
Anumzamoka agru tumo nagu’afina tro hunenantenka, Kagrite’ma mani fatgoma hu’za nagu’afina antenanto. Kavugatira nahenati notrenka, Ruotge Avamuka’a nagu’afintira eri otro. Nagu’ma vazinkenama musema hunoakna musezana ete nenaminka, keka’ama antahino kavariri navesi zana namio.
Hagi kagri’ma kavenesia kresramna vu ofa, e’i avufgama anteramino mani’zane. Avufgama anteramino nemanino agua’retima huno asunku’ma huno agu’ama rukrahema nehia vahera Anumzamoka kamefira hunomine.
Ranknazampima mani’naza vahera Ra Anumzamo’a tva’ozmire nemanino, vahe’mo’zama knazama zami’za zamagu’ama zamazeri havizama nehaza vahera, zamagu’nevazie.
Ama mopafima mani’naza kva vahe’mo’za taza hugahaze huza amuhara osiho. Na’ankure zamagra amne vahetfa mani’nazanki’za, tamaza hu’za tamagura ovazigahaze. Hagi ana vahe’mo’zama frizageno’a zamavufagamo’a mopanese. Anama friza zupa, nazano hugahune hu’za antahintahima retroma hu’naza zamo’a amne zankna nehie.
Na’ankure Anumzamofo kemo’a kasefa huno me’neno, eri’za enerino, tarega kaziga asanenea kazimofo asenezama’a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi’nefine, zaferinamofo asinu’afi ufreno taga nehuno, tavutavazane tagutagesamofo avesizana refko nehie.
Tavufafima tasimu’ma omanesiana frigahune. Hanki anahu’kna huno tamentintige nehuta, tavutavapima eriontesunkeno’a, tamentintimo’a frino amne’zankna hugahie.
Avamutamimofo refko huta kesuna naneke
Ronenimote, vahe’mo’za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na’ankure rama’a havige kasnampa vahera, ama mopafina vuno eno hu’ne.
E’ina’ma hanuta tagra antahita keta huta Anumzamo’ene mani’none hanunkeno, Agra tagrane nemanie. Na’ankure Agra’a Avamura tamigeno tagrane mani’ne.
Hanki tamagra havizama nehzamota, tamagra antahinaze. Knare museza mofavretmia nezamize. Mago’ane monafi mani’nea Neramafa’a, Ruotge Avamuku’ma antahigaza vahera zamigahie!
Tevemofo agefu’nagana huno, tagareno vuno eno huno, magoke magoke’mofonte emani’ne. Maka’mofona Ruotge Avamu’mo zamagu’afi viteno, zamazeri otige’za, Avamu’mo zamasamia kante ante’za, agafa hu’za aru agerupinti kea hu’naze.
Anumzamo maka’za eri fore hu’nea naneke
Ese agafare Anumzamo’a monane mopane trohu’ne. Ama mopama fore osu’nerera, mago zana omnetfa hu’neane. Hankino tusi’a hanimo tina refite’negeno, ana timofo agofetura Anumzamofo Avamumo vono nehiane.
Hianagi Anumzamo’a avamu’a huhu huvazigeno vahepina avamu’a mani’neankino, ana avamumo hige’za ama' antahi’zane vahera mani’naze.
Kasefa vahe’ma mani’nenante Anumzanka’amofona antahimio. Hagi silva nofimo akampru osunenigeno, golireti’ma tro’ma hu’naza kavomo’ma takoma osu’nenire tro’ma hugante’nea Anumzamofona antahimio. Avega ante’negeno tinkavomo’a takora huge, kavore’ma rente’nea nofi’ma avreno tinkerifima uneramia nofimo’a havizana osino. Ana’ma hanigeno’a kugusopamo’a eteno moparega vinkeno, tami’nea netega avamutimo’a Anumzamofontega ete vugahie.
Nagra menima musema nehu’na tamasamisuana, Marerisa Anumzamo’ma kaguvazane avame’zama nagrite’ma eri naveri’ma hu’nea zanku tamasamigahue. Agra Anumzamo’ma tagrite’ma eri taveri’ma nehia kaguva zamo’a, ruzahu huno hankavenentake hu’ne. Ana hu’neankino Agrama kegavama hania kumamo’a vaga ore mevava huno nevanigeno, henkama forehu anante nante’ma hu’zama vanaza vahete’enena kegava huno vugahie.