Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
Tuhounaw lungkhu lang na ccaw khyh nawlan oh sawsangte ngaw oh; thinlung nynh tuh a ry ccaccing, thuasalama pynsaw tuh a thawzya," a cipya.
Thinlung zakawsangsakuh hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.
Pawccecize pynsaw rynaw tuh Muisaw rynaw te rawsekuh zah Muisaw rynaw mah pynsaw rynaw te arawsekuh; hynh-e hae tuh ccangkheit te ccangkheit arawsekuh hae; tukeiccuze na cyi ry oh paw kha na cyih khyh oh.
Kae hopya oh paw tuh, Muisaw te hiin oh lah, pynsaw rynaw kyakhe nae lungryachih nan sah.
Muisaw thae tuh sungsakunaw, lungpawnaw, daenaw, lungsaenaw, ngaethyaumsakunaw, hoynaw, lungzinaw, lungnenaw te sungku khonaw nynh thua. Hynhcihawpaw te a rawsekuhpaw kawbya um khyh.
Aening tuh Muisaw liate ah hiin oh athua ze, Muisaw cciakhaenaw thyhte cceih oh sih.
Pynsaw te asekuhpaw tuanaw tuh chinaw nynh thua, thuasalama Muisaw te asekuhpaw tuanaw tuh hiinnaw te daenaw nynh thua.
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
Nae pyn tuh Pachia kyate na mue oh paw, nae lungkhu a umpaw Thyaa Muisaw beikinn nynh thua cipaw te nanning tuh naemaw kya-e na thua khyh oh cipaw kha na nyh khyh oh tou? Pawccecize nanning tuh amee te repaw nynh na thua oh; tukeiccuze Pachia phu-esah nawlan nae pyn kha mang oh.
Thuasalama Bawipaw te a kyngkuhpaw tuh amaw te muisaw ccangkheit nynh athua hae.
Pawccecize ccungccaw uccaw hae kha ccungccaw lungkhu umpaw ccungccaw muisaw laelan hum nynh mou a nyh? Tuhawte Pachia uccaw hae kha Pachia Muisaw laelan hum nynh san nyh khyh.
Tuhteze pawte ka cyih cih? Kae tuh muisaw te saw ka sang cih zah thinlung te mah saw ka sang cih; muisaw te hlaw ka sah cih zah thinlung te mah hlaw ka sah cih.
Saw ka sangpaw tuh: a phu-enaw kya-e hoirumnaw thyhte a Muisaw thungnaw liate nae lungkhu lang e ccungccaw thuanaw kha thawzung ae hoisah nawlan oh, te nanning tuh sungsakunaw kya tharui sawte bing na thua oh zah, zynnaw liate Khri tuh nae thinlung kya a um nawlan saw ka sang.
Ah Bawipaw Jesu Khri a Pachia, phu-enaw Paaw nynh amaw ny nawlan hawnaw muisaw te byaphy kha ae pya nawlan oh thuasah,
Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. "Ka Paaw! Ka Paaw!" cite aening nynh ah sia vae oh ze, aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan.
aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan.
Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. "Ka Paaw! Ka Paaw!" cite aening nynh ah sia vae oh ze,
Khri tuh nae kya a um lanze, pyn tuh seinaw keiccu chih salamah muisaw tuh dingnaw keiccu a hiin.
Pawccecize Pachia Muisaw nynh a cciakhae hae paw balyn tuh Pachia ccaaw hae nynh thua hae.
Tuhawte aening ah thawzyanaw kya Muisaw nynh oun bawm; pawccecize aening nynh pawtemou sawsang lan accan cipaw kha ah nyh khyh oh; thuasalama bya te ho kho leipaw hawkhaekunaw khate Muisaw amaw ccaccei nynh aening hanlan oun ngiapya.
Thawzung thuanaw kya thawnaw leite thinlung ccaccingte Bawipaw rya kha lah oh.
Nanning tuh Thyaa Muisaw thungnaw liate ngaehoinaw te phe na bia nawlan oh, ngaehoinaw Pachia nynh zynnaw kyate yn thuapaw lungtuanaw te daenaw phuinccing khate ae la biasah vae oh sah.
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
Pachia tuh Muisaw thua zah a beik hae paw nynh muisaw te byaccing te a beik cih hae," a ci.
Thuasalama Pachia a beik ccaccing hae paw nynh Paaw kha muisaw te thuasah, byaccing te thuasah oun beik hae ccyh yn thua cih, tuh-e ccyh tuh atumaw yn thua vae. Pawccecize Paaw nynh khahcihawpaw ccungccaw hae kha amaw a beiktu lang a ccung hae. Pachia tuh Muisaw thua zah a beik hae paw nynh muisaw te byaccing te a beik cih hae," a ci.
Aening balyn tuh ah mae bongku leite muinsado kya lang hawte Bawipaw phu-enaw kha ah langsah oh, aening tuh phu-enaw ccangkheit kyate ccangkheit kalan lethungte amaw muinsan alo lante rulae ah thua oh; pawccecize tuh-e rulaenaw tuh Muisaw athuapaw Bawipaw kyate yn thuapaw nynh thua.
Sungsah hae, hynh-e byakinpyakupaw hae hynh ah hoi oh keiccuze pynsaw te muisaw nungsikunaw miakaw kyate ahmaw te ahmaw hynh ccikankuh oh sih lah, Pachia rawri te thyaanaw kha ccingsah oh sih.
Pawccecize Pachia nynh rawthyanaw muisaw kha aening oun pya khyh, thuasalama thungnaw, sungsakunaw, te mawtemaw yhku khonaw muisaw kha nynh oun pya.
Pawccecize Pachia nynh rawthyanaw muisaw kha aening oun pya khyh, thuasalama thungnaw, sungsakunaw, te mawtemaw yhku khonaw muisaw kha nynh oun pya.
Pawccecize nanning sawsangnaw liate thuasah, Jesu Khri Muisaw bawmnaw liate thuasah tuh-e tuh ka lue nawlan yn tang cih cipaw ka ny.
Bawipaw Jesu Khri kya-e thawccinaw tuh nae balyn kya la um sah. Amen.
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
Ka thuiheinaw bya hynh ngae oh;
ka tuanaw kha kae pya cih oh;
ka bya kha kae nysah cih oh.
Ccungccaw nynh tuh
a cyipaw balyn kha
ahoy cite a muih,
thuasalama Bawipaw nynh tuh
thinlung kha a do.
Lysakunaw tuh
ronaw laeze laan a mawty,
hangsahkunaw tuh
ccawbungnaw laeze laan a mawty.
Ryachi hae laku kya
zakawsangsakute umpaw tuh
a lysakuh hae paw ryte
mungkute luadepaw uccaw
neekupaw laeze ahoyhua.
A lungsaepaw tuh
a thawsaepaw laeze ahoyhua,
thindynnaw a synkuh khopaw tuh
khuapi a taetupaw laeze ahoyhua.
Ccungccaw thinlung tuh
pyn lungkhu umpaw balyn kha
akaw-aleih a ccungpaw
Bawipaw maeekhua nynh thua.
Vaawpaw nynh kae kha, "E hynh Zerubbabel kalan yn thuapaw Bawipaw bya nynh thua: Thungnaw liate thua khyh, huhan liate mah thua khyh, ka muisaw liate nynh thua, cite vaaw Bawipaw nynh a ci.
Bawipaw PACHIA Muisaw tuh
ka tungvaw a um,
pawccecize Bawipaw nynh
kae kha chitui yn thuh vae;
tuaasahkunaw a teing hae paw kalan
thehoypaw thuakhaepya khylan
kae hynh yn saw vae,
thinlung akoi hae paw vaemaw kha
dansah khylan, a kyng hae paw kya
luenaw kong hopya khylan te
thongccah hae paw kha
luesah khylan thuasah,
Minmin kha thinlung ccangkheit hoinaw kha ka pya cih hae zah, mih lungkhu kya tuanaw thawpaw kha ka sang cih hae; mih pyn kyate lung thinlung kha ka vuapah cih hae zah, ngesaw thinlung kha ka pya cih hae, tuhteze nynh ka phungbya hae kha a zui cih hae zah ka phungzae hae kha kyngkute a zui cih hae. Tetuh minmin tuh ka ccungccaw hae athua cih hae zah, kae tuh mih Pachia ka thua cih.
E ru hae kha Bawipaw PACHIA nynh hynhte a hopya hae: Nae lungkhu lang hy kha ka teesah cih zah na hiin cih oh.
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
Pou Pachia, ka lungkhu kya
athyaapaw thinlung kha raetua,
athawpaw te akyhpaw tuanaw kha
ka lungkhu kya yn sangtua.
Na umnaw kyate yn dee nan lah,
na thyaa muisaw kha
ka kyate yn lawpah nan.
Na khumnaw kyate yn thuapaw
lungtuanaw kha bua yn pya lah,
kawngaenaw thinlung kha yn hoisah.
Pachia nynh a rypaw silawnaw tuh
akoipaw thinlung nynh thua;
Pou Pachia, akoipaw te angaesikuhpaw
thinlung kha na vua he khyh.
Bawipaw tuh thinlung
a koipaw kalan naekuh zah,
ngaehoinaw a hoi lei hae paw kha
a khum hae.
Bawi hae te ccungccaw hae kha
doliakuh nan oh,
minmin kya bawmnaw um khyh.
Mih hy he athang te,
laephi kalan a ki hae;
tuh-e nin ccaccei khe
mih paccynkunaw tuh aroh.
Pawccecize Pachia Bya tuh ahiinpaw, athungpaw te kyn ning te ahepaw thaloi laeze ahe huapaw thua zah, hiinnaw te muisaw, kintui te ru atungkunaw hae phianaw cia heize a thuing khopaw nynh thua; thinlung kya-e tuanaw te paccynkunaw kha mah aphiathyapaw nynh thua.
Pawccecize muisaw um leipaw pyn tuh a chih, tuhawte cyisahnaw um leipaw zynnaw mah achihpaw nynh thua.
Ka sungsah hae, muisaw miakaw kha la zyn nan oh; muisaw hae kha Pachia kyate yn thuapaw tou, yn thua leipaw tou cipaw kha la syntawtua oh; pawccecize lingthya profeh hae patae tuh laephi vawlan oun langkuh vae hae.
Pachia nynh a Muisaw kha aening oun pya vae keiccuze aening tuh Pachia kya ah um oh zah Pachia tuh aening kya a um cipaw ah ny oh.
Ccungccaw hoy leipaw mang na thua oh pite nae ccaaw hae kha lasung hoypaw pya lan na ny oh ze, vaawlang umpaw nae Paaw nynh amaw kalan a ngiakuh hae paw kha Thyaa Muisaw tuh houh a pya cih hae!" cite a hopya hae.
Te maeesoi a lopaw lae hae tuh minmin kya oun langkuh zah milu raveih tungvaw kya accah. Minmin balyn tuh Thyaa Muisaw te beih hae zah Muisaw nynh ho khonaw a pya hae thyhte minmin nynh ccangpaw bya te a ho hae.
Athotakaw kya Pachia nynh vaaw te lae kha a rae, laephi tuh muinsan a hoi leipaw accakaepaw nynh thua, akhupaw rilipi kha mohnaw nynh phang a bong, te Pachia muisaw tuh tui luki khe a pae.
Thuasalama ccungccaw kya
muisaw um zah,
Athunghuapaw hy nynh
nythyanaw kha a pya.
ngun rui tuh apae cih zah, sui pakekhupaw tuh akoi cih, tuidy kya tuipung akoi cih, tuisung kya-e thenawpaw arui apae cih, laenoi tuh yn thuanaw laephi kalan a ki cih zah, hy tuh a pyatu Pachia kalan a ki cih.
Ahang Huaccepaw Pachia nynh rya yn lawpyapaw muihsahnaw hae te ngaeang lan umpaw balyn kha hothui ka ry.
Pachia nynh a raepaw muihsahnaw hae tuh pawcih baban mou lesae zah,
ngaeangnaw a raepaw tuh pawcih baban mou huhan a hoi!
A peenaw tuh zungzae tynpaw peenaw thua zah,
a kya-e kawhoinaw tuh she takyh kya atyn, a ci.