8 לא־ימוש ספר התורה הזה מפיך והגית בו יומם ולילה למען תשמר לעשות ככל־הכתוב בו כי־אז תצליח את־דרכך ואז תשכיל ׃

105 נר־לרגלי דברך ואור לנתיבתי ׃

97 מה־אהבתי תורתך כל־היום היא שיחתי ׃98 מאיבי תחכמני מצותך כי לעולם היא־לי ׃99 מכל־מלמדי השכלתי כי עדותיך שיחה לי ׃

9 במה יזכה־נער את־ארחו לשמר כדברך ׃10 בכל־לבי דרשתיך אל־תשגני ממצותיך ׃11 בלבי צפנתי אמרתך למען לא אחטא־לך ׃12 ברוך אתה יהוה למדני חקיך ׃13 בשפתי ספרתי כל משפטי־פיך ׃14 בדרך עדותיך ששתי כעל כל־הון ׃15 בפקדיך אשיחה ואביטה ארחתיך ׃16 בחקתיך אשתעשע לא אשכח דברך ׃

7 אודך בישר לבב בלמדי משפטי צדקך ׃

9 כי באחד לחדש הראשון הוא יסד המעלה מבבל ובאחד לחדש החמישי בא אל־ירושלם כיד־אלהיו הטובה עליו ׃10 כי עזרא הכין לבבו לדרוש את־תורת יהוה ולעשת וללמד בישראל חק ומשפט ׃ ס

5 ואהבת את יהוה אלהיך בכל־לבבך ובכל־נפשך ובכל־מאדך ׃6 והיו הדברים האלה אשר אנכי מצוך היום על־לבבך ׃7 ושננתם לבניך ודברת בם בשבתך בביתך ובלכתך בדרך ובשכבך ובקומך ׃8 וקשרתם לאות על־ידך והיו לטטפת בין עיניך ׃9 וכתבתם על־מזוזת ביתך ובשעריך ׃ ס

18 והיה כשבתו על כסא ממלכתו וכתב לו את־משנה התורה הזאת על־ספר מלפני הכהנים הלוים ׃19 והיתה עמו וקרא בו כל־ימי חייו למען ילמד ליראה את־יהוה אלהיו לשמר את־כל־דברי התורה הזאת ואת־החקים האלה לעשתם ׃20 לבלתי רום־לבבו מאחיו ולבלתי סור מן־המצוה ימין ושמאול למען יאריך ימים על־ממלכתו הוא ובניו בקרב ישראל ׃ ס

1 משלי שלמה בן־דוד מלך ישראל ׃2 לדעת חכמה ומוסר להבין אמרי בינה ׃3 לקחת מוסר השכל צדק ומשפט ומישרים ׃4 לתת לפתאים ערמה לנער דעת ומזמה ׃5 ישמע חכם ויוסף לקח ונבון תחבלות יקנה ׃6 להבין משל ומליצה דברי חכמים וחידתם ׃

1 בני תורתי אל־תשכח ומצותי יצר לבך ׃2 כי ארך ימים ושנות חיים ושלום יוסיפו לך ׃

13 החזק במוסר אל־תרף נצרה כי־היא חייך ׃

23 כי נר מצוה ותורה אור ודרך חיים תוכחות מוסר ׃

6 נדמו עמי מבלי הדעת כי־אתה הדעת מאסת ואמאסאך מכהן לי ותשכח תורת אלהיך אשכח בניך גם־אני ׃

20 לתורה ולתעודה אם־לא יאמרו כדבר הזה אשר אין־לו שחר ׃