Estudar a Bíblia

11 Mas abli ang huna-huna sa mga tawo didto sa Berea kaysa mga tawo didto sa Tesalonica. Gusto gayod nilang maminaw sa mga gipangtudlo nila ni Pablo. Ug kada adlaw ilang gisusi ang Kasulatan aron mapamatud-an kon tinuod ba gayod ang gipanulti nila ni Pablo.

15 Buhata ang kutob sa imong mahimo aron malipay ang Dios kanimo, sama sa nangalagad nga walay angay ikaulaw sa iyang mga gibuhat. Itudlo sa husto nga pamaagi ang pulong sa Dios nga mao ang kamatuoran.

15 Sukad sa imong pagkabata nasayran mo na nga ang Balaan nga Kasulatan maoy makahatag kanimo ug kaalam aron maangkon ang kaluwasan pinaagi sa pagtuo kang Cristo Jesus. 16 Ang tibuok nga Kasulatan gisulat pinaagi sa gahom sa Dios, ug mapuslanon kini sa pagtudlo sa kamatuoran, sa pagbadlong, sa pagtul-id sa sayop, ug sa pagtudlo sa matarong nga pagkinabuhi, 17 aron nga ang tawo nga nag-alagad sa Dios maandam sa pagbuhat sa tanang maayong buhat.

13 Samtang wala pa ako diha, gamita ang imong panahon sa pagbasa sa Kasulatan ngadto sa mga panagtigom sa katawhan, sa pagwali, ug sa pagpanudlo.

39 Gitun-an ninyo pag-ayo ang Kasulatan kay naghuna-huna kamo nga sa ingon niini nga pamaagi maangkon ninyo ang kinabuhi nga walay kataposan. Ang Kasulatan mao ang nagpamatuod mahitungod kanako.

8 Ayaw gayod kalimti pagbasa ang Libro sa Kasugoan. Pamalandongi kini adlaw ug gabii aron mahibaloan mo kon unsaon pagtuman ang tanan nga nasulat niini. Ug sa ingon niini nga paagi, magmauswagon ka ug magmalampuson.

105 Ang imong pulong sama sa suga nga naghatag

ug kahayag sa akong agianan.

97 Gihigugma ko gayod ang imong kasugoan!

Gipamalandongan ko gayod kini kanunay.

98 Ug tungod kay ania kanako kanunay ang imong mga sugo,

nahimo akong mas maalam kaysa akong mga kaaway.

99 Mas daghan pa ang akong nahibaloan kaysa akong mga magtutudlo,

kay ang imong mga pagtulon-an mao ang akong gipamalandongan.

9 Unsay buhaton sa usa ka batan-on

aron mahimong putli ang iyang kinabuhi?

Ang iyang himuon mao ang pagsunod sa imong pulong.

10 Modangop ako kanimo sa tibuok kong kasing-kasing,

busa ayaw itugot nga talikdan ko ang imong mga sugo.

11 Tipigan ko ang imong mga pulong sulod sa akong kasing-kasing

aron dili ako makasala kanimo.

12 Dalaygon ikaw, Ginoo!

Tudloi ako sa imong mga tulomanon.

13 Balik-balikon ko paglitok ang tanang mga sugo nga imong gihatag.

14 Kalipay ko ang pagsunod sa imong mga sugo,

labaw pa kaysa pag-angkon ug bahandi.

15 Namalandong ako sa imong mga tulomanon

ug tun-an ko pag-ayo ang imong mga katudloanan.

16 Nalipay ako sa imong mga tulomanon

ug dili ko kalimtan ang imong pulong.

ג Gimel

7 Dayegon ka nako sa putli kong kasing-kasing

samtang nagtuon ako

sa imong matarong nga mga sugo.

8,9 Mibiya si Ezra sa Babilonia sa unang adlaw sa unang bulan. Ug sa tabang sa Dios, nakaabot siya sa Jerusalem sa unang adlaw sa ikalimang bulan, niadtong ikapitong tuig sa paghari ni Artaxerxes. 10 Gitabangan siya sa Dios tungod kay hugot gayod ang iyang tinguha sa pagtuon ug sa pagtuman sa Kasugoan sa Ginoo, ug sa pagtudlo sa mga tulomanon ug mga lagda niini sa mga Israelinhon.

5 Higugmaa ang Ginoo nga inyong Dios sa tibuok ninyong kasing-kasing, sa tibuok ninyong kalag, ug sa tibuok ninyong kusog. 6 Ayaw gayod ninyo kalimti kining mga sugo nga gihatag ko kaninyo karong adlawa. 7 Itudlo kini kanunay sa inyong mga kabataan. Hisgoti ninyo kini kon anaa kamo sa inyong mga balay ug kon naglakaw kamo o kon naghigda kamo o kon mobangon kamo. 8 Ihigot kini sa inyong mga bukton ug ibutang sa inyong mga agtang aron sa pagpahinumdom kaninyo. 9 Isulat ninyo kini sa kilid sa mga pultahan sa inyong mga balay ug sa mga ganghaan sa inyong lungsod.

18 "Kon molingkod na siya sa trono ingon nga hari, kinahanglan nga kopyahon niya kini nga mga kasugoan alang sa iyang kaugalingon atubangan sa mga pari* nga mga kaliwat ni Levi. 19 Kinahanglan nga tipigan niya kini ug basahon kanunay sa tibuok niyang kinabuhi aron makakat-on siya sa pagtahod sa Ginoo nga iyang Dios ug masunod niya pag-ayo ang tanan nga nasulat niini nga mga kasugoan ug mga tulomanon. 20 Pinaagi usab sa pagbasa niini kanunay, makalikay siya sa paghuna-huna nga mas maayo pa siya kay sa iyang isigka-Israelinhon, ug makalikay siya sa paglapas sa mga sugo sa Ginoo. Kon tumanon niya kining tanan, siya ug ang iyang mga kaliwat maghari ug dugay sa Israel.

1 Mao kini ang mga panultihon ni Solomon, nga anak ni David ug hari sa Israel.

2 Pinaagi niining mga panultihon, makat-onan mo ang kaalam*

ug maayong pamatasan, ug ang pagsabot sa mga pulong

nga naghatag ug kaalam.

3 Motul-id kini sa imong pamatasan aron mahimo kang maalamon,

nga nagsubay sa ensakto, matarong, ug makiangayon.

4 Maghatag kini ug kaalam sa mga walay nahibaloan,

ug maayong pagdesisyon ngadto sa mga kabatan-onan.

5 Pinaagi sa pagpamati niini madugangan pa gayod ang kaalam

sa mga maalamon ug magiyahan ang mga adunay kahibalo,

6 aron masabtan ang kahulogan sa mga panultihon,

mga sambingay,

ug mga tigmo sa mga maalamon.

Dugang Kamahinungdanon sa Kaalam

1 Anak, ayaw gayod kalimti ang gitudlo ko kanimo;

tipigi sa imong kasing-kasing ang akong mga sugo,

2 kay makapauswag ug makapataas kini

sa imong kinabuhi.

13 Ayaw gayod kalimti ang gihimo kong pagtul-id

sa imong pamatasan;

tipigi kini sa imong kasing-kasing kay imo kanang ikinabuhi.

23 Kay ang ilang mga sugo

sama sa suga nga mohatag kanimog kahayag.

Ug ang pagbadlong ug pagtul-id nila sa imong pamatasan

makaayo ug makapataas sa imong kinabuhi.

6 Nalaglag ang akong katawhan tungod

kay kulang sila sa kahibalo mahitungod kanako.

"Kay kamo mismo nga mga pari gisalikway ninyo ang kahibalo mahitungod kanako,

busa isalikway ko usab kamo isip akong mga pari.

Gikalimtan ninyo ang akong Kasugoan,

busa kalimtan ko usab ang inyong mga anak.

20 Kinahanglan nga ang balaod ug ang katudloan nga gikan sa Ginoo mao ang inyong pamation. Kon adunay mga tawo nga mosulti ug mga butang nga wala mahisubay sa mga gipanudlo sa Ginoo, wala mahayagi ang huna-huna nianang mga tawhana.

24 Miingon si Jesus kanila, "Sayop gayod kamo, kay wala kamo makasabot sa Kasulatan ug sa gahom sa Dios.

4 Ang tanan nga nasulat sa Kasulatan kaniadto gisulat sa pagtudlo kanato. Kini naghatag kanato ug paglaom ug kadasig samtang kita naghulat nga mapailubon.

17 Apan mga hinigugma, dugay na ninyo kining nasayran. Busa pagbantay kamo aron dili kamo madala sa sayop nga mga pagtulon-an niining mga tawo nga walay mga baroganan. Kay kon mosunod kamo kanila, mawala ang inyong pagkalig-on diha sa Dios. 18 Ang inyo hinuong buhaton, magpadayon kamo sa pagtubo diha sa grasya ug kahibalo sa atong Ginoo ug Manluluwas nga si Jesu-Cristo.

Siya ang angay natong dayegon karon ug sa panahon nga walay kataposan! Amen.

10 Kini nga kaluwasan gisusi pag-ayo sa mga propeta kaniadto. Sila mao ang nagtagna bahin niini nga grasya sa Dios kanato. 11 Gipahibalo na silang daan sa Espiritu ni Cristo nga anaa diha kanila nga mag-antos ang Mesiyas ug pagkahuman niana pasidunggan siya. Busa ang mga propeta kaniadto nagpadayon sa ilang pagsusi kon kanus-a ug sa unsa nga pamaagi kini mahitabo.