Estudar a Bíblia

11 Салониқалықтарға қарағанда мұндағылардың пейілдері кеңірек екен. Олар елшілердің хабарын бар ынталарымен қабылдап, шындығына көз жеткізу үшін күн сайын Киелі жазбаларды зерттеді.

15 Сен кінәратсыз жұмысшы* — Құдайдың шынайы сөзін дұрыс үйретуші ретінде Оған ұнамды болуға жан сала ұмтыл!

15 Сонымен бірге балалық шағыңнан-ақ Киелі жазбалармен таныссың. Олар сені парасатты етіп, Мәсіх Исаға деген сенімің арқылы құтқарылуға бастап әкеледі. 16 Киелі жазбалардың бәрі Құдай Рухының жетелеуімен* жазылған. Олар тәлім беру, әшкерелеу, түзету әрі әділдікке тәрбиелеу үшін тиімді. 17 Осылай Құдайдың адамы* барша игі іске дайындалып, толықтай даяр болмақ.

13 Мен барғанша Киелі жазбаларды оқып беріп, насихаттап сенімдерін нығайтып, тәлім берумен айналыса бер.

39 Рас, сендер Киелі жазбаларды зерттеп, солар арқылы мәңгілік өмірге ие боламыз деп ойлайсыңдар. Ал олар Мен туралы куәлік етеді ғой!

8 Осы Таурат заңы кітабында жазылғандардың бәрін сақтап, орындай алуың үшін оларды аузыңнан тастамай, күні-түні оқып, солар туралы ойланатын бол! Сонда ғана өркендеп табысты боласың.

7 Татулықты сүйетін жанмын мен,

Ал олар таласпақшы, бұл жайлы сөйлесем.

9 Ол Бабыл елінен бірінші айдың бірінші күні жолға шыққан болатын. Өзі сиынатын Құдай құдіретті қолын созып, шапағатты мейірімімен жарылқағандықтан, Езра оралмандар көшін бастап бесінші айдың бірінші күні аман-есен Иерусалимге жетті.*

10 Езра өзін Жаратқан Иенің Таурат заңын оқып-зерттеуге, орындауға және оның ережелері мен шешімдерін Исраил елінде үйретуге шын жүректен бағыштаған болатын.

5 Құдай Иеңді шын жүректен, бүкіл жан дүниеңмен, бар күш-қуатыңмен сүй!*

6 Бүгін Мен өздеріңе тапсырып отырған осы сөздер жүректеріңнен тұрақты орын алсын! 7 Балаларыңа да бұл сөздерді мұқият үйретіңдер: үйде отырған не жол жүрген, төсекте жатқан не тұрып жатқан кездеріңде де солар туралы айтатын болыңдар! 8 Бұл сөздер қолдарыңа байланған белгі, көз алдарыңдағы ескертпе жазба іспетті болсын. 9 Оларды үйлеріңнің есік жақтауларына әрі қақпаларыңа да жазып қойыңдар.*

18 Патшалығының тағына отырғанда, ол леуілік діни қызметкерлердің қолындағы осы Таурат заңы кітабының көшірмесін шиыршық кітапқа* жаздырып алуға міндетті. 19 Кітап үнемі оның қасында болуға тиіс. Патша Құдай Иесін құрметтеуді үйреніп, сол кітапта жазылған заң мен ережелердің барлығын мұқият орындауы үшін бұл кітапты өмір бойы оқитын болсын. 20 Осылайша патша көкірегін көтеріп, өзін ұлттастарынан асқақтатпасын, әрі Жаратқан Иенің өсиеттерінен не оңға, не солға бұрылмасын! Сонда оның өзі де, артындағы ұрпақтары да Исраилге ұзақ уақыт билік жүргізетін болады.

Жазбаның мақсаты — даналыққа үйрету

1 Бұл жазбада Исраилдің патшасы Дәуіт ұлы Сүлейменнің нақыл сөздері берілген.

2 Нақыл сөздердің мақсаты мынау:

Даналық пен тағылымды білдіріп,

Парасатты сөздерді ұғындыру,

3 Әділдік, дұрыс іс, ақ ниетке бағыттап,

Тәрбиелі, саналы өмірді иеленту,

4 Ақылы толмағанға ақыл беріп,

Жастарға білім, саналылық сыйлау.

5 Саналы жан тыңдап, ақыл-кеңес табады,

Дана жан біліміне білім қосады,

6 Осылай нақыл да астарлы сөздерді,

Данышпан адамдар айтып кеткендерді

Һәм олардың жұмбақтарын түсінеді.

Тәлім алып, Тәңір Иеге мойынсұнудың зор пайдасы

1 Балам, берген нұсқауларымды еш ұмытпа,

Өсиеттерімді менің жүректе сақта!

2 Өйткені олар ғұмырыңды ұзартар,

Амандық пен тыныштық молынан дарытар.

13 Тәлімімнен мықтап ұстан, айырылып қалма,

Шын өмірге жеткізеді, соны есіңде сақта.

23 Өсиет пен тәлім шам-шырақ секілді,*

Түзеткіш тәрбие өмір жолын сілтейді.

6 Осылай Менің халқым Өзімді шынайы білмегендіктен құриды.* Сендер осы білімді қажетсіз деп санағандықтан, Мен де енді сендерді діни қызметкерлерім* болуға қажетсіз деп санаймын. Өздерің Құдайларыңның Таурат заңын естеріңнен шығарғандарың үшін Мен де енді сендердің балаларыңды жарылқауды есімнен шығарамын.

20 Қайта, Жаратқан Иенің білдірген тәлімдері мен ескертулеріне* көңіл бөліп, соларға сүйеніңдер!» — Егер халық осы хабарларыма сай сөйлемесе, онда оларға атар таң жоқ.*

24 Иса оларға былай деп жауап қайырды:

— Киелі жазбаларды және Құдайдың құдіретін ұқпағандықтан жаңылып жүрсіңдер, солай емес пе?

4 Киелі жазбалардағы осындай сөздердің бәрі бізге тәлім болсын деп ежелде жазылып қалдырылды.* Керемет болашағымыздан үміт үзбеуіміз үшін Киелі жазбалар арқылы табандылық пен жігерлілікке үйренеміз.

17 Алайда сендер, сүйікті бауырластарым, бұны алдын ала біліп, сақ болыңдар: ұяты жоқ, тура жолдан адасқан адамдарға ілесіп, берік негіздеріңнен айырылып қалып жүрмеңдер! 18 Қайта, Иеміз әрі Құтқарушымыз Иса Мәсіхтің рақымына кенеліп, Оны жақынырақ танып білуде өсе беріңдер!

Оның ұлылығы қазір де, мәңгілікте де даңқтала берсін!* Аумин.

10 Құдайдың сендерге беретін рақымы туралы алдын ала айтқан пайғамбарлар кезінде осы құтқарылу жайында мұқият ізденіп, зерттейтін. 11 Оларға дарыған Мәсіхтің Киелі Рухы Оның төзуге тиісті азаптары және бұған жалғасатын салтанатты ұлылығы жөнінде алдын ала хабарлағанда, пайғамбарлар бұл оқиғалардың қалай және қай уақытта болатынын білуге тырысты.*