19 ሄዋ ድራዉ፥ ህንተንቱ ቢደ፥ አሳ ኡባ ታና ካልያዋንታ ኦተ፤ አዉዋ ሱንን፥ ናኣ ሱንንነ ጌሻ አያና ሱንን ኡንቱንታ ጻማቅተ።✝ 20 ታን ህንተንታ አዛዜዳባ ኡባ ኡንቱንቱ ናጋና ማላ፥ ኡንቱንታ ታማርስተ፤ ታን ዎድያ ዉርሰይ ጋካናዉካ ኡባ ዎደ ህንተንቱና ደእያዋ አኬክተ" ያጌዳ።

15 እ ኡንቱንታ ሀዋዳን ያጌዳ፤ "አላምያ ኡባ ቢደ፥ አሳ ኡባዉ ዎንጋላ ምሽራቹዋ ቃላ ኦድተ።

8 ሽን ጌሻ አያናይ ህንተንቱ ቦላ ዎያ ዎደ፥ ዎልቃ ህንተንቱ አካንታ፤ ያቲደ የሩሳላመንነ ይሁዳ ጋድያ ኡባን፥ ሳማርያንነ ጋድያ ጋጻ ኡባ ጋካናዉ ታዉ ማርካትያዋንታ ግዳንታ" ያጌዳ።

14 "ሀ አላመዉ ህንተ ፖኦ፤ ደርያ ሁጲያን ኬጸቴዳ ካታማይ ጌማና ዳንዳየና።

13 "አሳ ኡባዉ ህንተ ማጽነ ማላ፤ ሽን ማጽኒ ማልአና ዮፐ፥ ዛሪደ አ ዎት ማልኤኔ? ካረ ኦልና፥ አሳይ አ የ ሀመታናፐ አትን፥ ስንዉ አይነ ማደና።

15 ጾምፕያ ጾምፒደ፥ ሶይን ደእያ አሳ ኡባዉ ፖአና ማላ፥ ቂያ ሳን ዎፐ አትን፥ ካምያ ሚሻ ግዶን ቁምእ ዎያ አሳይ ኦንነ ባዋ። 16 ሄዋዳንካ፥ አሳይ ህንተ ኦያ ሎኦ ኦሱዋ በኢደ፥ ሳሉዋን ደእያ ህንተ አዉዋ ቦንቻና ማላ፥ ህንተ ፖኡ አሳ ስንን ፖኦ።

17 ሄ ዎድያፐ ዶሚደ የሱስ፥

"ህንተ ናጋራ ፓጽተ፤ አያዉ ጎፐ፥

ሳሉዋ ካዉተይ ማታቴዳ ድራሳ"

ጊደ ቃላ ኦዱዋ ዶሜዳ።

16 ምሽራቹዋ ቃላይ ታና ዬላየና፤ እ አማንያ ኡባ፥ ካሰቲደ አይሁዳ አሳ ቃይ አይሁዳ ግደና አሳ አሻናዉ ጾሳፐ ይያ ዎልቃ።

17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።

2 አያዉ ጎፐ፥ ታን ህንተንቱና ደኣደ፥ የሱስ ክርስቶሳፐነ ቃይ ማስቃልያ ቦላ ምስማርያን ሸቲደ እ ካቀቴዳዋፐ አትን፥ ሀራባ ኤረናዳን፥ ታ ቆፋ ቃቻድ።

1 ታናዳን አማንያዋንቶ፥ ታን ህንተንቶ ኦዴዳ ምሽራቹዋ ቃላ ህንተ አኬዳዋነ ቃይ ህንተ አማኑ አን ኤቄዳዋ ህንተንታ ቆፈይ። 2 ህንተንቱ አማኑ መላ ግዳና ዮፐ፥ ቃይ ታን ህንተንቶ ኦዴዳ ቃላ ሎይ ኦይቆፐ፥ ህንተ ሄ ምሽራቹዋ ቃላን አቴድታ።

14 ጾሳይ ህንተንታ ኑን ህንተንቶ ኦዴዳ ኑ ምሽራቹዋ ቃላ ባጋና ጼሴዳዌ፥ ህንተንቱ ኑ ጎዳ የሱስ ክርስቶሳና እትፐ ቦንቼታናሳ።

15 ሽን ክርስቶሳ ህንተ ዎዛናን ቦንችተነ አ ህንተ ጎዳ ኦተ። ጾሳይ ህንተንቶ ህዶቴዳ ደኦ ጋሱዋ ኦችያ ኦስነ ዛሩዋ እማናዉ ኡባ ዎደ ጊግ ኡትተ፤

35 ህንተንቱ እቱ እቱዋና ሲቀቶፐ፥ ታና ካልያዋንታ ግድያዋ አሳይ ኡባይ ኤራና" ያጌዳ።

8 ህንተንቱ ዳሮ አይፍያ አይፎፐነ ቃይ ታና ካልያዋንታ ግዶፐ፥ ሄዋን ታ አቡ ቦንቼታናዋ።

47 አያዉ ጎፐ፥ ጎዳይ ኑና፥✝

" ‘አሳይ ኡባይ ህንተ ባጋና አታና ማላ፥

ህንተንታ ታን፥

አይሁዳ ግደናዋንቶ ፖኡዋ ኦድ’ ያግ አዛዜዳ"

ያጌድኖ።

24 ሽን ታ ዎ ፖላናዉነ ጎዳ የሱስ ክርስቶሳፐ ታን አኬዳ ኦሱዋ ጾሳ አ ኬካተ ዎንጋላ ምሽራቹዋ ማርካትያዋ ፖላናዉ፥ ታ ሸምፑዋ ማደናዋዳን ፓይዳይ።

17-19 ናብያ ኢስያሳ ን ጻፈቲደ ጻጸቴዳ ማጻፋ አዉ እሜድኖ። ሄ ማጻፋ ብሊደ:

"ታን ህየሳቶ ምሽራቹዋ ኦዳናዉ

ኦከቴዳ ድራዉ ጎዳ አያናይ ታ ቦላን ደኤ።

ቃሸቴዳዋንቶ ብለ፥

ቆቃቶ ጼላና ማላ ኦዳናዉ፥

ቃይካ ናቀቴዳዋንታ ናቁዋፐ

ከሳና ማላ ዶሰቴዳ ጎዳ ላይ

ኦዳና ማላ፥ ታና ኪቴዳ"

ጌተት ጻፈቴዳሳ ደሜዳ።✝

29 የሱስ፥ "ታን ህንተንቶ ቱሙዋ ጋይ፤ ታ ድራዉነ ዎንጋላ ምሽራቹዋ ድራዉ፥ ጎልያ ዎይ እሻቱዋ ዎይ ምቻቱዋ፥ ዎይ አዉዋ ዎይ አቶ ዎይ ማቻቶ፥ ዎይ ናና ዎይ ጋድያ አጌዳ አሳይ ኦንነ፥ 30 ሀእ ሀ ዎድያን ጼቱ ዳኩዋፐ ዳርያ ጎለቱዋ፥ እሻቱዋ፥ ምቻቱዋ፥ አቶ፥ ናና፥ ጋድያ፥ ቃይ መቱዋካ አካናዋ። ስንፐ ያና ዎድያንካ መና ደኡዋ አካናዋ።

35 አያዉ ጎፐ፥ ባረ ሸምፑዋ* አሻና ኮይያ ኡራይ ባይዛናዋ፤ ሽን ታ ድራዉነ ዎንጋላ ምሽራቹዋ ድራዉ ባረ ሸምፑዋ ባይዝያ ኡራይ አሻናዋ።

1 መና ጎዳ ጋላትተ፤ አ ሱን ጼስተ።

እ ኦዳዋ ካዉተቱዋ ግዱዋን ኤርስተ።

4 ሄ ጋላስ ቃይ ህንተ ሀዋዳን ያጋና፦

"መና ጎዳ ጋላትተ!

አ ሱንካ ጼስተ።

አ ኦሶቱዋ ካዉተቱዋ ኡባ ግዶን ኤርስተ።

አ ሱንይ ቁ ቁ ጌዳዋ አዋይተ።

27 ጾሳይ አይሁዳ ግደና አሳዉ ዎዳ ሀ አሳዉ ቆንጭቤና ቦንቹዋነ ዱረ የዉ አየንቶ ጌሻቱዋ ኤርሳናዉ ኮዬዳ፤ ሀ አሳዉ ሀእ ቆንጬዳዌ አዬ ጎፐ፥ ክርስቶስ ህንተንቱን ደእያዋ፤ ሄዋ ግያዌ ጾሳ ቦንቹዋ አናና ህንተንቱ አካናዋ።

1 ሽን ኔን ደኡዋ ደማናዉ ጊግያ ትምርትያ ታማርሳናዉ በሴ።

23 ሄዋዳን ኦደ፥ ታን ታ ግታተነ ታ ጌሻተ በሳና። ቃይ ዳሮ ካዉተቱዋ ታን ታናተ ኤርሳና። ታን መና ጎዳ ግድያዋ ኡንቱንቱ ሄዋን ኤራና" ያጌ ያጋ።