Evangelização
A evangelização é a missão suprema da Igreja. Jesus mandou: ide por todo o mundo e pregai o evangelho a toda criatura. O evangelho é poder de Deus para a salvação de todo aquele que crê.
A Grande Comissão
Ide, fazei discípulos de todas as nações. Jesus confiou a seus seguidores a missão de levar a boa notícia ao mundo inteiro.
Yegl pre ene ede uglo koglo koglo pidre, yugobuno pere pere meglmara i pi ye na kana duglo boraiglmedi beke teo dugwa. Beke tedre, ye na Nina God ya na ye Wam moglka i ya Mudu Murubuglo kagno mina ye nigl bugl teo dugwa. Nigl bugl tedre, ka mudu ene duglo boraiglmedi beke teiga i, ye ama duglo boraiglmedi beke teo. Te, ene prio. Na ene bogl aimadi akie moramga. Ege erme munga i dudinan, okuo na ene bogl aimadi mogl pai moramniwe di, Jisas yegl dugwa.
Te, Jisas ama ere mogl, ye di te, yegl dugwa, Ene ede uglo koglo koglo pi na kana wakai yogwa i, yoba mudu di teo dugwa.
Yegl paugwa ba ene prio! dugwa. God Murubuglo i ene meglmara udre, yobuglo tenan, ene na kana i pi yoba di tenaiglkwa. Ene yoba Jerusalem meglkwa i ya distrik Judia mudu suna meglkwa i di tedre, te yoba distrik Samaria we dimara meglkwa i ya te, yoba bage bage uglo koglo koglo meglkwa i, di tenaiglmiwe di, Jisas yegl dugwa.
Ene erme makandigle meglkwa i, ene abuglage mere yegl meglkwa. Taun ta muglo meglbi mina ibo ta yenan, taun i teke yeikran, yoba taun i kanaiglkwa keme paugwa.
Jisas duglo beglkwa yoba i, mudi ya abuglage mere yegl meglme dugwa
Jisas yegl didre, ama yegl dugwa, Ene erme makandigle meglkwa i, ene mudi mere yegl meglkwa. Ba mudi kuglomo ta dudinan, ene siragl mere kuglomo ere ikne edinaiglme? Mudi yegl mere kogonmo okuo ta paikrabuka ba yoba pia si makan mina edidre, egre kwagl paraiglmiwe dugwa.
Te, yoba lam ere gaglsre, degigl gagl mina atne edekrikwa ba lam beyemo mina padigl, nogugl yeigo, yoba mudu yugugl meglkwa i, abuglagemo kanigwa. Kuno yegl mere ene mabuno wakai bogl, abuglage mere yegl meglbi, yoba pere kandre, ene Neno heven ibo moglkwa i, kagie kade tenaiglmiwe dugwa.
Jisas ye yagl 4-pela na duglo boraiglmedi agle dugwa
Ana igne i Jisas mabuno bogl yoba ka mabuno di tedre, yegl dugwa, God yoba kingno mogl, ye suglno morabuka egemo i, ede magigl u kodugwa. Yegl pre ene nomano yake teo! dugwa.
O poder do evangelho
O evangelho é poder de Deus para a salvação. A fé vem pelo ouvir, e o ouvir pela Palavra de Cristo.
Jisas kamo wakai i mina God yoba ere yugwa
Na Krais kamo wakai yoba di tenaglka i, agai ta goglkraglka. I siragl pre ka i God yobuglomo podo atne paugo, yoba iramna pre medraiglkwa i, mudu ere inabuka. Ka i komono kana Juda yoba pidre, okuo Jentail yoba enabuka.
Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
I siragl pre komono kana na nomana mina yegl mere kinana gudu prika, na ene meglmara ebo, ene bogl akie mun, na ka ene beke tenaglka i, ka kane kane ta beke tenagledi prikrika. Na ene ka beke tenagledi prika i, Jisas Krais ede prak mina kogon erukwa ka i swara keme beke tenagledi prika pre ene meglmara wiga.
Jisas adigl u kor ogwa pre dugwa
Na agrama abarama wagle, okna na Jisas kamo wakai yu ene di teigo, prikwa i, ene kor di tebo, poglo di praiglmedi prika. Na ka i yu ene di teigo, ene na kaima dumedi pre, ka i pre mediglkwa. Te, ene erme ama Jisas kamo swara i pre medigl pai meglkwa. Ka i ene ake gi di pai meglbi, ka i ene ake ple di tenabuka. Ba ka i kaima ta paikran, i ama ene ake ple di tekrabuka.
Ye okna ibo ka yegl mere di padiglsre, okuo no Jisas kamo wakai ene di tomnara i mina ene ede suna unaiglmedi agle dugwa. Ye ene agle dugwa i, ene Yaglno Kade Jisas Krais abuglagemo sumara moglsre, wakai kaima moraiglmedi pre agle dugo, ene ede suna wigwa.
Testemunhar e proclamar
Estai sempre preparados para responder com mansidão a todo aquele que pedir razão da vossa esperança.
Ene nomano mina Krais no Yaglno Kade moglmedi prisre, ye pre i mitna edio. Te, yoba ta ene kira pogl prisre, Ene siragl pre taragl wakai inamnedi sugl meglme? dibi, ene ka ta di ikne edenaiglkwa panabere yegl, kuno ere di ikne edinamnedi ege ege ake kun ere molo.
Ene yegl eribi, yoba mudu ene kandre, ene na duglo beglkwa yoba meglmedi kanaiglmiwe di, Jisas yegl dugwa.
Te, ene mogo mere keglkwa igne, na duglo beglkwa yoba kaima meglkwa. Ene erimara i mina na Nina kagie kade yumiwe dugwa.
Yoba yugobuno pere pere God kamo di tenabuglka i, kuno erume dibrika. I siragl pre God ye kamo mina no yegl di norume dibrika,
Na ene abuglage si, yoba meda, yugobuno pere meglmara i tenatnedi dedidre, Na yoba ere inaglka ka i, ene i pi yoba mudu uglo koglo koglo di tenatnedi dediwe
di, God ka dugwa i, no ama pre dumiwe di, Pol ya Barnabas yegl dibrika.
Yubun podo yegl inaglka mere di narukwa ba yoba na si kane sidre, na si goraiglkwa i, na pre mitna edekrie dugwa. Pre mitna edekrika ba Yagl Kade Jisas na kogon eratnedi narukwa i swara ere kodinagledi pre mitna edie dugwa. Na prika i, God ye yoko kaima yoba ere yugwa ka wakai i, yoba di te kodinagledi prika pre diwe di, Pol yegl dugwa.
Kere te yegl dugwa, Yagl Kade Murubuglomo we, na moglmara mogl narumiwa. I siragl pre yoba ka wakai di tenatnedi God na kere i pere edidre, goduglme yoba meglkwa i ka wakai di to dumiwa. Te, yoba kane paigwa i, ene i meda ede, yoba gumuglno kin yeigwa i, kanaiglmiwe di to. Te, yoba tau yubun kane kane teigo, atne meglkwa i, na ye i eglke edibo, wakai moraiglme didre,
Yegl dugo, ye yegl di togwa, Na ene kaima di teiga. Yoba swara ta na duglo boglsre, na kana wakai yoba di tenagledi ye yugumo toglmo kide kodinabuka mo agiglema abaugloma mo nem mam mo nagiglma kide kodinabo mo ye makanmo kide kodinabuka i, ye ege erme magigl i taragl mere kide kaima ikne edenabiwe dugwa. Ye yugu togl ya agiglema abaugloma ya mano ya gagiglma ya kaya togl mere kide kaima 100 mere yegl inabuka pre diwe dugwa. Ege erme taragl yegl mere idre, yubun tau ama inabuka ba ege okuo ta yenabuka igne, ye aimadi kamin kor morabuka.
I siragl pre yoba ta na pre gorabuka i pra we didre, te, na kana yoba di tenabuka pre gorabuka i pra we dinan, ye kor kaima morabuka. Ba yoba erme keme kor mogl, wakai moragledi pran, ye u kide enabuka.
Fazer conhecer
Dai graças ao Senhor, invocai o seu nome, fazei conhecidas as suas obras entre os povos.
I nogugl edidre, ene yugobuno pere pere meglkwa i, ka wakai kaima i, no pre ama pamedi praiglkwa pre i nogugl edugwa. Ka wakai yene ta okna teke paugwa ba erme ede nogugl ugwa i, yegl paugwa, Krais yene ene deno muduno mina suna moglkwa. Krais ene deno muduno mina suna moglkwa pre ene okuo God abuglagemo mina akie moramga i, dudumedi prikwa.
God yobama mabuno siragl mere eraiglmere
Ba ene ka beke tenatnga i, ebrie mabuno tau God kamo pamere bogl u kuno omere i keme eraiglmedi beke tenatnga.