1 Ana Yawe ere mogl, Moses yegl di togwa, Ene hama ya sisel wagle kobuglo paglkane suo kor sukode idre, ere wakai eratniwa. Kobuglo suo ene okna si suko dinga i yebrere yegl mere sukode idre, ere wakai ere yun, na ka okna kobuglo suo i mina boglka aglke kor boraluwa. 2 Yegl pre ene kobuglo ere wakai ersre, tagna kana ede u muglo meglbi Sainai, na muglo ibo moglmara unatniwa. 3 Yoba swara ta ene bogl ukrabrika. Te, yoba ama muglo meglbi bage swara ta ede mitna ukre, atne mogl pai moraiglkwa. Te, sipsip ya meme ya kau we, ye muglo meglbi mabunomugl ama kugl doko nekre, eglke moraiglmiwe di, yegl dugwa.