20 Ana Israel yoba dumo Sukot kide kodidre, ede pi dumo Etam we dimara pidre, sel yugu kipaigwa. Dumo Etam i, dumo wau yomara bina yogwa. 21 Ye eimara Yawe etne ya eduer ede okna ogwa. Etne ye kamun kua olto ta si bodugl pamara mina atne mogl, konbauna obuno di tenagledi ede okna ogwa. Te, eduer we, ye doga drabie oltode ta de adigl pamara mina atne mogl, Israel yoba konbauna kanaiglmedi ede okna ogwa. Ye etne mo eduer wanaiglkwa suo akie kuno erabedi yegl erukwa. 22 Yawe ege ege yegl ere pai moglko, etne kamun kua i, ege ege ede okna ogo, eduer doga i, ege ege ede okna ogo, erukwa.