1 Ana Moses ya Israel yoba mudu ere mogl, giglage ta Yawe yegl di teigwa,

Yawe yobuglo podo ere, Isip yoba togwa pre na giglage ta dinariwa.

Ye hos ya soldia hos au sidre eigwa i, mudu pia si mudi nigl atne edumiwa.

2 Yawe yobuglo podo ersre, na ere yugo, ye pre giglage ta diwa.

Ye na Godna moglkwa pre ye debie siwa.

Ye na nina Godmo moglkwa pre na kagie kade tewa.

3 Yawe ye kuda yoba ta moglkwa, ye kagie Yawe we dumniwa.

4 Isip king amimo ya karismo ye mudu pia si mudi nigl atne edugo, king amimo sugl meglkwa yoba mudu nigl Retsi we dimara nigl nedre, geglmiwe digwa.