Evangelização

19 Ntucenu fye lo fye kwu aza zhni amwutuyi n anyì vnyanya, fyee zhni ɓa batizima dna ń Dada əye n Nugwnui n Zafnu Gyigyiyii, 20 jesnu fyee wunya nge ɓa vyi aɓo vnyanya n mi ɓə tu fye əgbe nyi. Ɓəhnihni mi kwnusnu lo n fyei ciici, nya anyìzo sa."

15 Wa gna ɓa, "Fye lofyi n anyì vnyanya, fyee zhni waazi nabagyi manai nya ga aza vnyanya.

8 Ama fye ɓə gwo kalá she Zafnu Gyigyiyi ɓə ɓe kpe n fye; jesnu fye ɓə kwu zè əmi Aɓəgbmiyi fyi n Urishelima, jesnu fyi n Yahudiya vnyanya n Samariyai, jesnu kwoi nya anyìcezhiba."

14 "Əfye nu zhni bwuznagna anyì nya. Əzhi n kwo mi kpe ń əpe, a taa myi a so kwo m.

Snakpegye n bwuznagnai

13 "Əfye nu zhni snakpegye anyì nya. Ama ń snakpegye kwo lá əkwo apmanya kwnuya, kwo ɓa je əkwo dada ɓwa ń wunanu a? Kwo to ye n apmai lo ntu nyahonyahoi ɓo m, akpəge a zè kwo ya zhi jesnu a dna kwo n apitai.

15 A ta wna pyitila əná aa kwo kwnu papa m. N əkwoɓwi, a tukwo n əkwo kwnuyi nu jesnu kwa ga zahozahoyi bwuznagna dna n pwuwa. 16 Nlonu cè, fa əfye bwuznagna kwa fnu n aza vnyanya aba, nabai ɓa gye əfye atnutnu amanai ɓa la əfye Dada tu n wo dna ń əshemi nyi.

17 Ənya n kwo laka n əsa yii, Yeisu wa ya waazizhni, "Fye yeabwi, ntuge əshebemi kwo la wo vyivyiwyi."

16 Nabagyi manai vnyinkwo ta wo mi lo m, ntuge əkwo nu zhni Shekwoyi kalá n kwo ɓe n gnyignyii n zahozahoyi aba n wo ga gaiciya: kpmisnui n Yahudiyi aba, nlonu lo da Abyedo.

17 Ntulonu, gaiciyaganunui ɓe n waazi wowoi nu, jesnu a wo waazi dna n ɓədagbma nu ntu Kirisiti ɓo.

2 Ntuge mi ɓə la kwo dna n əmi ədu nge əsa n mi ɓə kwnusnu n fyei nyi, mi to ɓə ncei pma ma kpe ɓəho əye m, akpəge Yeisu Kirisiti jesnu əwo znuznudui.

Kirisiti kalala n əfyi

1 Nsaiye, əmi azaje azanugbai n anyikwozai, mi ncei pmalo ma ce fye ɓəpá nabagyi manai nya n mi ɓə zhni fye əkwo waazi nyi, ədo n fye ɓə gwo jesnu ədo n fye gnyiagnyi kpe n kwo nyi. 2 N nabagyi manai yei nu n fye kwu gnyignyi ɓwa, ń fya kwu ɓədagbma shiɓwa kamkam, n mi ɓə zhni fye kwo waazi nyi. Ntolonu m, əfye gaiciyaga kwo la zè gbəloi.

14 Wo ɓə yi fye ɓe ncei dna n əyi nabagyi manai ye nu, nabai n fye ɓa myi fya kwnu latu əyi Dagayi Yeisu Kirisiti nya gwo.

15 Ama fyi n əfye abwugba, fye ga Kirisiti mwamwa ngye Dagayi. Fye kwu zhi ciici n fyehnii yeyeyi, fya dna zahozahoyi ɓəgbe n wo nya əfye ɓətukwo əfye awyetu nya. Ama fye zhni dəye pəceye n mwamwagai,

35 N dəyei nu n zahozahoyi ɓa kpe nge fye zhni əmi amwutuyi nu, n fya yé n ajei."

8 Dəye nu ɓe əmi Dada n latui, nge fye ga gyigyi lo n mwa, fyei wu nge fye zhni əmi amwutuyi nu.

47 Ntuge ɓəgbetu nyi n Shekwoyi wo la ga yi:

" ‘Mi kwu fye zhni bwuznagna ntu Abyedo ɓo,

nabai n fye ɓa lo n gnyignyii n anyiceshiba.’ "

24 Dudulonu, mi too gye əmi wyewyeyi n apma hoi n əmi aba m; əmi ɓəmwi gbmanyi əkwo nu ge, mii pwo əmi anyìgyi ɓo, jesnu mii kwu tnutnu zozhni n Dagayi Yeisu wo la ga mi nyi; tnutnu nabagyi manai ɓəgbmi Shekwoyi shebmyashi nya.

18 "Dagayi Zafnu kpəlo n mi, ntuge wo la mi knyi ma da anabagyi manai ga asnayi.

Wo ɓə tnu n mii ma dnawyi loloya nya ga aza n ɓa fyilo n zhalu, jesnu wyebagye ga wyebwayi, ma kwnu aza ya n snuwna,

29 Yeisu wa dnaɓəgbe, "Ɓəhnihni, əmi nu gna fye, əzaho to lo n wo la əwo pwuwa fa, kwo əwo azaje kwo amapwii, kwo əya, kwo əda kwo aɓyi kwo afwa ntu əmi ɓo n nabagyi manaii, 30 n wo to ɓə gwo gyiba aɓwa tagyi dna n anyì ye: (apwuwa, azaje, amapwii, àya, aɓyi ɓədo n afwai; jesnu n kwnusnu n wyenashei) dna n anyì dəyi n ɓa ɓə ɓe nyi, wyewyeyi nyalonyalo nya m.

35 Ntuge əza n wo ncei pmalo wa gnyi əwohni wyewyeyi, wo ɓə ɓwu kwo nuwna, ama əza n wa ɓwu əwo wyewyeyi nuwna ntu əmi ɓo ɓədo n nabagyi manayii, wo ɓə gnyi kwo.

27 Shekwoyi wo la knyi wa wu dna n Abyedo atasni nyaɓwa lalatu asigyi ye nya, n əkwo nu nyi nge Kirisiti dna n ho, ho n awyetu latu nyai lo.

Əɓo manai zhni ntu nabagyi manai ɓo

1 Ama əho, ɓəshishi nu ha wunya n kwo dna n gaiciyanyawu kpokəloi ofye.