Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Shemeɗi fǝrowun ndǝ Farta, ɗǝf wa wunchǝ kǝ chok wun kǝ mafechawa, kǝ chok wun paɗ tǝ lekǝtawa. Auwa, Shemeɗan ɗǝftǝ wunchi kǝ chokwun kǝ wanchi Farta, tǝmɗi alkǝti Shemeɗan paɗ thlǝ mbahǝn chamǝn ˈyatawa Farta, "Chinech kǝ Papa." Shemeɗan tǝ indiyan nat tǝ shemetˈyamǝn, sǝnamǝn chǝndǝs tǝ ndat wa, ngǝmǝn wanchi Farta. Nakan chok mǝn kǝ wanchi Farta, kǝthl sǝnmǝnsǝwa namǝn mbǝs ǝn kǝ har thla naa Farta fǝrandǝ wanchi yan. Nggamǝn tǝ Kǝristi Yesu namǝn mbǝs ǝn kǝ har tǝɗiya. Ma ɓahmǝn ha tǝ anchi namǝn mbǝs shishingnda paɗ tǝ anchi.
Paɗaa kǝ ndiiɗ kǝ wanminchaˈan ha, thlǝn kǝ Farta Waˈyan, thla nggǝttǝ nunefa, nggǝttǝ fee paɗ ǝ fǝl kusiˈ. Kǝthlǝm kǝ hǝraˈan tǝ fee nech kan kusiˈ, kǝ nggǝraminchǝ fee kaɗ kǝ wanchi Farta. Kǝthlǝm kun wanchiyan, thlǝn kǝ Farta shemeti Waˈyan kǝ hur wanɗǝkaɗech ˈyamǝn, nakan ˈyat wa, "Abba, Papa" Kǝthlǝm ndaˈan, nakanya ngga mafat nako paɗ wa, chǝ waˈyan. Nakanya chǝ Waˈyan, Farta nggǝruchǝ kaɗ kǝ thlǝ sǝm kǝrsǝ mǝrtaˈan.
Kǝthlǝm nat wun nechowun kǝ wanchi Farta tǝmɗi fǝr kit kǝ Yesu. Nat wun kun tǝɗi chowundǝ fee baptisma ǝ hur Kǝristi, ǝ tǝr wun ǝna chǝti Kǝristi. Peˈwu ndatsǝ wa thlǝ Yahudawata, ndu pong nafcha, ndu waa, ndu mafata, ndu hishnefa ndu nunefa wa. Kǝthlǝm nat wun nechowun artǝ hur Kǝristi Yesu.
tapi tahsan Fartǝ ha kǝ chok mǝn kǝ wanchiyan tǝmɗi Yesu Kǝrǝsti, tǝmɗi kaɗatˈyan yi kafata. Chichan kǝɗu kǝthlǝm kǝ maanamǝn kafatˈyan yi maandiyan thla fǝramǝn ndǝn herchaˈ tǝmɗi Waˈyan thla yahtǝn.
Shiti Bulus kǝthlǝm fǝ fǝr kitchiɗi ǝ Afisa
Kǝthlǝm ndaˈan, chaminchi kuruminchǝ ha ǝ pangngǝn Chinda Farta, thla fǝranchǝ chǝka yen wira thlǝma, ǝ hulafǝrta tǝ hur heshi.
Nat fee thlich anchi, paɗ fǝrndǝ kit kǝ thlǝman, fǝrandech alkǝta kǝ chok ndǝ kǝ wanchi Farta. Tǝ nggǝr fee nggǝt tanda, ngga wa kǝɗ thla thlǝ nggǝttǝ nunefa wa, ndu tǝmɗi yahti wanpong nafcha, ndu tǝ yahti hish nefa wa. Kǝɗu nggǝtchǝ fee tanda tǝmɗi Farta.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Kǝɗu paɗ natǝn tǝ mǝnchi, chika mǝ nakamǝn terchan, chok mǝn kǝ fat arta hur Kǝristi, nechamǝn terchan wumamǝnchi fee ha kafi fat arta, chikayen tangathlata tangathlati sheɗan nakan.
Kǝthlǝm kǝt ndaˈan, maa yowun tanggathlat si mbǝschi mǝrya, nat nda sǝk kandǝ hataˈan ɓukwa, maa kwal fee faa yowun tanggathlat arta hur nanda, nat nda mbǝn kandǝ fat ɓukwa.
Kǝthlǝm ndaˈan, nakanya kun tǝɗi nawakchǝ kǝ Yahudawecha ngga ramchǝ nakowun paɗ wa. Paɗaa wanchǝ haha ɓukwa tǝ nafchi Farta. Wanchǝ wurchǝyan, kǝɗ ǝnɗi naa takǝɗ nafchi wirˈyan. Tǝnowunchǝ fee nat ɗar chǝma tǝnɗi ɗǝf tǝ taatǝ kǝmsicha tǝ fǝ shenuˈchǝ tǝ yahti Farta. Kǝrǝsti Yesu tǝ indiyan mǝthlan nech kǝ ɗakwanɗi kǝschǝ tǝnan har. Tǝmɗiyan naa tǝnan nat kǝ wumnan, ɗǝf kǝ fee ndǝsi kǝ maana kǝ Wiri Farta tǝmɗi Chinda Yesu Kǝristi. Ə hwirˈyan paɗ tǝnowun ndǝ fee tǝ takichaˈan, kǝthlǝm kǝ chokwun kǝ wira mǝɗi thlǝ choktǝ Farta tǝmɗi Shemetˈyan.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Nggǝrangkan tandǝs wa, "Wun nech kǝ yaa, paɗ micha nech kǝ wanmanchina?" Tǝɓǝr kǝ Yesu ha, ɗǝpang kan nafchiɗi nech thlǝmaɗan, ndakana, "Ə yaa ya, tǝ wanmanchin ya. Kǝthlǝm nat thla nech thlǝnandǝ ǝnɗi yah tǝ Farta, mǝthlan nech kǝ wanmana, kǝ hǝsnefa, tǝ nunefa, tǝ yaa."
Chok wu mafata kǝ wan wira kǝ kwekǝɗan wa, wan wuran ndak thlǝ chokcha kǝ pori.
Ndankǝ Yesu tanda wa, "Mamwa Farta nech kǝ Chinwun mǝ yah wun nenchi. Kǝthlǝm ɓechi mǝɗi Farta, Ɓawi tǝ alkǝt indinchi wa, Fartǝ thlǝnchi nenchi.
Wanchi Farta
Ɗǝpaman weˈtǝ yahtǝɗi pǝnamǝn ndǝ Farta, thlǝ ˈya fee mǝnchi wa wanchi Farta, paɗ nechamǝn kǝɗuyu. Ənɗi chicha sǝnwaktǝ nafchi heshi mǝnchi, kǝhtlǝm sǝnwandǝ ndǝ wa. Wanmanchina fee yahti, nakanya nggǝmǝn wanchi Farta. Paɗ weˈtǝ nafchiɗi natmǝn chokta ǝ pangnga pǝnwu fee kwaɗǝn wa. Paɗ sǝnmǝn wa maa pǝn Kristi fatˈyan, nechamǝn nat kǝɗ mǝthlan, kǝthlǝm namǝn naa ndi kǝɗ ǝnɗi natǝn.
Kǝthlǝm ndaˈan, maa mbandǝsi, kǝmchan si kǝ kǝsamǝn nafchǝs nat. Kapaɗan fenchǝmǝn fee fǝrchǝ kit kǝ Kǝristi.