Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Lɔ ɔ he je ɔ, e sɛ nɛ waa ye gbeye kaa nyɔguɛhi, se mohu waa pee wa he kaa Mawu bimɛ nɛ a he kɛ wo e weku ɔ mi nɛ a hii lɛ tsɛe "Tsaatsɛ, Tsaatsɛ!" ɔ. Ejakaa e Mumi Klɔuklɔu ɔ deɔ wɔ ngɛ wa tsui mi ke Mawu bimɛ ji wɔ. Akɛnɛ wa ji e bimɛ he je ɔ, wa nine maa su e weto ni ɔmɛ a nɔ, nɛ nihi nɛ e kɛ ha e Bi Yesu ɔ, piɔ nɛ ɔ, a peeɔ wɔ hu wa níhi. Se ke wa nine maa su e anunyami ɔ nɔ ɔ, lɛɛ e nɔ nami ɔ hu maa sa wa he.
Se benɛ be nɛ Mawu to ɔ su ɔ, e tsɔ lɛ nitsɛ e Bi ɔ kɛ ba, nɛ yo fɔ lɛ kɛ je Yuda bi ɔmɛ a mi, konɛ e ba kpɔ wɔ nihi nɛ wa ngɛ mlaa nyɔguɛ yemi sisi ɔ, nɛ e ngɔ wɔ kɛ pee lɛ nitsɛ e bimɛ. Nɛ akɛnɛ e bimɛ ji wɔ he je ɔ, Mawu tsɔ e Bi ɔ Mumi ɔ kɛ ba wa tsui mi, nɛ lɔ ɔ he je ɔ, wa ma nyɛ tsɛ Mawu jehanɛ ke wa Suɔlɔ Tsɛ.
Enɛ ɔ he je ɔ, tsa pi nyɔguɛhi ji wɔ hu, se mohu Mawu nitsɛ e bimɛ ji wɔ. Nɛ ke e bimɛ ji wɔ ɔ, lɛɛ nɔ́ tsuaa nɔ nɛ e ngɛ ɔ, e peeɔ wa nɔ́ ngɛ Mawu nitsɛ e blɔ nya tomi ɔ nya.
Ejakaa, amlɔ nɛ ɔ, Mawu bimɛ ji wɔ tsuo kɛ gu Yesu Kristo nɔ hemi kɛ yemi nɔ; nɛ wɔ nihi tsuo nɛ a baptisi wɔ ngɔ wo Kristo nɛ waa kɛ lɛ pee kake ɔ mi ɔ, e ha wa nɔ. Enɛ ɔ he je ɔ, Yuda no ko be, Hela no ko hu be, nyɔguɛ ko be, nɛ odehe ko be hu, nyumu be nɛ yo hu be, ejakaa nɔ kake ji wɔ tsuo ngɛ Kristo Yesu mi.
E yi mi tomi nɛ tsakee we ji kaa e ma ha nɛ Kristo nɛ e ba gbo ngɛ wa he konɛ e ngɔ wɔ kɛ piɛɛ lɛ nitsɛ e weku ɔ he. Nɛ e ha e yi mi tomi nɛ ɔ ba mi.
Jehanɛ ɔ, nyɛ ha nɛ wa je Mawu yi ngɛ nyakpɛ suɔmi nɛ e kɛ suɔ wɔ, kɛ dloomi nɛ e dloo wɔ ngɛ e suɔmi Bi ɔ níhi nɛ wa ji ɔ he.
Ke i susu e nile kɛ e blɔ nya tomi ɔ he ɔ, i kplaa si nɛ i sɔleɔ kɛ haa Mawu we bihi, ni nɛmɛ nɛ ngɛ hiɔwe momo ɔ, kɛ ni nɛmɛ nɛ ngɛ zugba a nɔ tsuo a Tsɛ ɔ,
Nihi bɔɔ nɛ nya e he, nɛ a he e nɔ ye ɔ, e pee mɛ Mawu bimɛ. Nɛ a fɔ nihi nɛ he e nɔ ye ɔ ekohu, pi ngɛ he lo nya, se mohu ngɛ Mawu suɔmi nya.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Wa hɛ nɛ hi nɔ, nɛ waa ba sɔlemi kpe ɔmɛ; se wa ko pee kaa bɔ nɛ ni komɛ pɔɔ peemi ɔ. Waa wo wa si bi he wami nɛ wa kai mɛ, ejakaa e kpalemi kɛ bami ligbi ɔ ngɛ sue.
Nyɛ ha nɛ Mawu nɛ tsɔse nyɛ, ejakaa e ngɛ nyɛ tsɔsee kaa bɔ nɛ tsɛ fɛɛ tsɛ nɛ suɔ e bimɛ peeɔ ɔ. Mɛnɔ na bi nɛ e tsɛ tui lɛ munyu hyɛ? Ke ji Mawu gblɛ nyɛ tue ngɛ be nɛ sa mi ɔ, kaa bɔ nɛ tsɛmɛ peeɔ a bi ɔmɛ ɔ, lɛɛ e tsɔɔ kaa tsa pi Mawu bimɛ ji nyɛ niinɛ, nɛ nyɛ piɛ we e weku ɔ he. Enɛ ɔ se hu ɔ, wa buu wa zugba nɛ ɔ nɔ tsɛmɛ a tsɔsemi tue, tse be ɔ, a gblaa wa tue. Mɛni he je mɔ nɛ e sɛ nɛ wa woɔ wa he kɛ haa Mawu kɛ bua jɔmi nɛ e tsɔse wɔ bɔ nɛ pee nɛ waa hi si pɛpɛɛpɛ?
Wa zugba a nɔ tsɛmɛ tsɔseɔ wɔ jehahi bɔɔ, bɔ nɛ a le kɛ bɔ nɛ a susuu kaa e maa hi ha wɔ, se wa Hiɔwetsɛ ɔ tsɔseɔ wɔ ngɛ wɔ nitsɛmɛ wa kpakpa he, bɔ nɛ pee nɛ wɔ hu wa na e klɔuklɔu peemi ɔ eko.
Nɛ kaa bɔ nɛ nɔmlɔ tso kake he níhi hiɛ fuu ɔ, ja a nɔuu nɛ Kristo nɔmlɔ tso ɔ hu ngɛ. E nɔmlɔ tso ɔ he níhi ji wɔ tsuo, nɛ wɔ tsuo wa piɛ he loko e peeɔ mluku, ejakaa wɔ tsuo wa ni tsumi ngɛ slɔɔto. Lɔ ɔ he je ɔ, wa ngɛ kɛ ha wa bi, nɛ nɔ tsuaa nɔ e he nɔ́ hia e nyɛmi.
Ke nɔmlɔ tso ɔ he ni kake ngɛ nɔ́ nae ɔ, he ni ɔmɛ kulaa kɛ lɛ naa nɔ́. Nɛ ke a wo nɔmlɔ tso ɔ he ni ɔmɛ a ti nɔ kake hɛ mi nyami ɔ, nɔmlɔ tso he ni ɔmɛ kulaa bua jɔɔ a he.
Enɛ ɔ he je ɔ, amlɔ nɛ ɔ, tsa pi nibwɔhi ji nyɛ ngɛ Mawu hɛ mi hu, nɛ nyɛ pi ma setsɛmɛ hulɔ ngɛ hiɔwe, se mohu Mawu nitsɛ weku mi bimɛ kɛ e we bi.
Nɛ nyɛ ji nihi nɛ a fia ngɔ ma bɔfo ɔmɛ kɛ gbali ɔmɛ a sisi tomi ɔ nɔ, nɛ nyɛ kɔ̃ nya tɛ ji Kristo Yesu nitsɛ. Wɔ nihi nɛ wa heɔ e nɔ yeɔ tsuo ɔ, a pee wɔ kɛ Kristo kake kaa Mawu Sɔlemi We he afɛu níhi nɛ ngɛ wae. Nɛ nyɛ hu a ngɔ nyɛ kɛ piɛ a he, nɛ Mumi ɔ pee nyɛ kake nɛ nyɛ peeɔ Mawu we ɔ mi bimɛ.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Kɛkɛ nɛ Yesu ha sɛ ɔ heto nɛ e bi ke, "Mɛnɔ ji ye nyɛ aloo ye nyɛminyumu ɔmɛ?" Nɛ benɛ e po he nɛ e hyɛ nimli nɛ pue si kɛ bɔle lɛ ɔ, e de ke, "Ni nɛ ɔmɛ ji ye nyɛ kɛ ye nyɛminyumu ɔmɛ! Ejakaa nɔ tsuaa nɔ nɛ buɔ Mawu tue nɛ e peeɔ Mawu suɔmi nya ni ɔ, jamɛ a nɔ ɔ ji ye nyɛ kɛ ye nyɛminyumu kɛ ye nyɛmiyo."
Nɛ nyɔguɛ be blɔ nya ko, se Bi ɔ lɛɛ he blɔ fɛɛ he blɔ nɛ ngɛ ɔ, e nɔ i.
Yesu de mɛ ke, "A ke Mawu ji nyɛ tse jinɛ nyɛ maa suɔ ye sane, ejakaa Mawu ngɔ i je kɛ ba. I bɛ ngɛ ami nitsɛ ye he wami nya, se mohu lɛ nɛ e tsɔ mi.
Mo ko hyɛ nɔkɔtɔma ko hɛ mi, se mohu o kɛ nɔkɔtɔma nɛ tu munyu ngɛ he si bami mi kaa mo nitsɛ o tsɛ, nɛ o kɛ nihewi nɛ tu munyu kaa nyɛmimɛ nɛ o suɔ mɛ. Moo hɛɛ yi nikɔtɔma amɛ kaa o nyɛmɛ, kɛ yiwi ɔmɛ hu kaa nyɛwenyɛmɛ nɛ o susuu a he ekpakpa.
Nyɛɛ hyɛ bɔ nɛ wa Hiɔwe Tsɛ ɔ suɔ wɔ saminya ha, nɛ e ha he blɔ kaa a tsɛ wɔ Mawu bimɛ, nɛ ja a wa ji. Se akɛnɛ nihi fuu li Mawu he je ɔ, a nui sisi kaa e bimɛ ji wɔ. Anyɛmimɛ nɛ a suɔ, amlɔ nɛ ɔ Mawu bimɛ ji wɔ, se nɔ́ nɛ wa ma ji hwɔɔ se ɔ, a je we kɛ tsɔɔ we wɔ lolo. Se nɔ́ nɛ wa le kɛkɛ ji kaa ke e ba pue ɔ, wa maa hi kaa lɛ, ejakaa wa maa na lɛ kaa bɔ nɛ e ngɛ ɔ.
Enɛ ɔ he je ɔ, be fɛɛ be nɛ wa na he blɔ ɔ, nyɛ ha waa pee nihi tsuo kpakpa, titli ɔ, wa nyɛmimɛ Kristo se nyɛɛli.