Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
परमेस्वर तुम्हिला आपरो आतमा को गुलाम नही बनावा सेत। यो काजी तुम्हीला परमेस्वर को सन्तान बननो मा भेव लगअ सेत। तरी आतमा तुम्हिला परमेस्वर को लेकरा बनावा सेत। अना वोनअ च आतमा को ताकत को कारन तुम्ही परमेस्वर ला दआजी कव्हा सेव। ता परमेस्वर को आतमा स्वता आमरो आतमा को संग मिलके कव्हा सेत। का अमी परमेस्वर को लेकरा सेजन। अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।
पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो, जोन लक उ मोसे को नियम लक कब्जा मा रव्हनवालो ला सुड़ाय सकेह अना आमी परमेस्वर की गोद लिया सँतान बन जावबिन।
तुमी लोक सँतान ही सेव। एको पुरुप यो से की परमेस्वर ना आमरो मन मा आपरो टूरा को आतमा ला धाड़िस। जोन पुकार के यो कव्हसे, "बाबूजी, अजी।" एकोलाय अब तुमी दास नही, सँतान सेव अना संतान होवन को नातो लक तुमी परमेस्वर की दया लक वारिस भी सेव।
काहे की तुमी सप्पा को सप्पा यीसु मसीह मा भरोसा करन को काजी परमेस्वर की संतान सेव। काहेकि जितरो लोकगीन न मसीह को बप्तिस्मा ले लेइसेत, उनना मसिहा ला धारन कर लेइसेत। अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव।
आमरो पुढ़ा ओको जो पिरेम से ओकोच काजी ओना यीसु मसीह को कन लक आमीला आपरो लेकरा को रूप मा आपनायो जान को लाई ठहरायीसेस। योच ओको मरजी होती अना योच ओको मकसद भी होतो। ओना असो एकोलाई करीस की उ आपरी महिमा वालो किरपा को काजी खुदच ला खुस करे। ओना आमीला जोन ओको चहेतो लेकरा मा से, छुट्टो भाव लक देयीसेस।
इफिसि लोकगीन को लाई मसीह को माया
मि योच लाई ओना मोठोबाबूजी को पुड़ा टोंगरा टेकसेऊ। ओकोच लक सरगमा अना धरती पर, हर एक घराना को नाव राखियो जावसे,
पर जितरो ना वोला आपनाय लेइन, उनला वोना परमेस्वर को टूरा-टूरी होवन को हक देइस। मनजे जोन लोकगीन वोको नाव पर भरोसा राखासे। की जसो रकत लक मानूस जलम होवासे, ओनो पिरकार लक वय जलम नही लेईन तरी उनको अजी स्वता परमेस्वर से।
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
अना एक दुसरो संग जमा होवनो नोको छोड़ो। जसो कितरो लोकगीन को असोच रित सेत। अना एक दुसरो ला बढ़ावा देवत रव्हो, जसो-जसो विपदा को दिवस जवर आवता चोवो असोच करो।
मुस्किल ला अनुसासन को रूपमा सहन करो। परमेस्वर तुम्हारो संग आपरो टूरा को जसो बरताव करासेत। असो कोनतो टूरा सेत जोनला आपरो अजी लक सजा नही दियो गयो सेत? यदि तुम्हिला वसोच सजा नही दियो गयो सेत जसो सबला सजा दियो जावासेत। तो तुम्ही आपरो अजी लक जलम लियो टूरा नही सव अना आपरो बाप को सच्चो संतान नहीं सेऊ। अना मंग यो भी का इन सब ला वय अजी भी जोनना आमरो देहला जलम दियो सेत। अमीला सजा देवासेत। अना एकोलाय अमी उनला मान देवासेत। मंग अमी अपरो आत्माहुन को अजी को अनुसासन को कितरो जादा अधिन रव्हतो हुयो जीवनो पाहिजे आमरो अजीगिन ना जरा सो बेरालाय जसो उनला साजरो लगयो, अमीला सजा दियो, पर परमेस्वर अमीला आमरो भलाई को लाय सजा देइसेस। जोनलक अमी वोको पवितरपन को हिस्सादार बनबीन।
वसोच अमी भी लगत सेजन। मंग मसीह मा एक देह सेजन। अना देह को आंग होवन को कारन एक दुसरो लक जुड़यो सेजन।
एकोलाय अदी एक अँगठी मा दुख लगासेत तो दुजोला झार लगासेत। अना एक को बड़ाई होवासेत तो सारो देह खुस भई जासे।
अब एको कन लक ना ता तुम्ही अनजान रहयो अना ना च परायो रहयो पर अब त तुमी संत मानूस हुन को संगा परमेस्वर को देस का संगी साथी भय गया सेव। तुमी एक असा घर सेव जोन पेरीतहुन अना भविस्यवक्ता हुन को नीव पर उभो से, अना खुदच मसीह यीसु जेनको लगत महत्तम को कोनटा को गोटा से। जोको लक सप्पा बनयो हुयो काम एक सँगा मिलके पिरभु मा एक पवीतर मंदिर बनतो जावसे, जोन मा तुम आतमा लक परमेस्वर को रव्हन वालो जघा होवन साठी एक सँग बनाया जावोसो।
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
ओना जवाब साँगीस का "कोन मोरो माय अना भाऊ सेत" ओना नजर इता-उता घुमायके कव्हयो "दिसो, यो आय मोरो माय अना भाऊ। काहेकि जोन कोनी परमेस्वर को मरजी पर चलासे, वोच मोरो भाऊ अना बहिन अना माय आय।"
कोनी दास हमेसा घर मा नही रव्ह सका, पर टूरा हमेसा संग रव्होसे।
यीसु ना उन लक कहीस "अदी परमेस्वर तुमरो अजी होतो ता तुमी मोरो लक माया राखतत। काहे की मि परमेस्वर कन लक हिटके आईसेऊ, अना अबा यहान सेऊ। मि खुद नही आईसेऊ, पर ओना मोला धाडीसेस।
दुसरो को लाय करतब
कोनी बुजुरुग ला नोको डाटजोस, पर वोला अजी समझ के आदर समेत समझाजोस, वसोच जुवान गीनला भाऊ समझके समझाजोस। सयानो आई-माई की माय समझके अना जुवान आई-माई गीन ला पवितर नजर लक बहिन समझके समझाय देवो।
आमी परमेस्वर को सन्तान सेत
बिचार करबीन दिसबिन का मोठयो परमेस्वर बाबूजी ना आमी पर केतरो मोठो माया दिसायीसेस। जेकोलक आमी ओको टूरा-टूरी कहलाबिन अना बाकई मा वय आमिच सेत एकोलाय संसार आमला नोको ओरखबिन काहेका उ मसीह ला नही चिन्हासेत। ओ चहेतो हुन, अब आमी परमेस्वर को औलाद सेजन पर भबिस्य मा आमी काजक होवबिन, अबा तक ऐको मालुम नही करायो गयो से। जोन भी होय, आमी यो जानबिन का मसीह को मंग दिसावन पर आमी ओकोच जसो होय जावबिन काहेकि उ जसो सेत, आमी ओला बेस वसोच चोयबिन।
एकोलाय जबा तकन आमी ला डाव मिलसे, आमी सबको भला करसेजन। मुख रूप लक उन लोकगीन की जोन भरोसा को कारन आमरो परिवार का सेत।