Família
A família é a primeira instituição criada por Deus. Ele a projetou para ser escola de amor, fé e formação de caráter. A Bíblia honra a família e nos ensina a cuidar dela.
Eu e minha casa
Eu e minha casa serviremos ao Senhor. A família que serve a Deus juntos permanece unida e fortalecida em todas as circunstâncias.
Ba fɛ̀ ni wu, <<Shan atsak ne aTisa aYeso, i da sɛ isheshek, ngɔn nɛ kasa ngɔn kusum.>>
Criar os filhos
Instrui a criança no caminho em que deve andar. O lar é a primeira escola de fé e obediência.
Bada, i bi sas yin nnon yin kafa kawe awo; akuce anɔng, ka ba ta yin ni itees, ni itabak aTisa.
Bada, i bi sas yin nnon yin kafa kawe awo; akuce anɔng, ka ba ta yin ni itees, ni itabak aTisa.
Nnon nɛ bada bá
Nnon, foos yin ifɛ̀ bada ni binggɔ yin na Adakunom, nek anɔng e se gyat. Ti i di se ni ijɛk fok, <<Nɔk ada ni nggɔ ngɔn iratek.>> Nek ide yet agbat ifɛ̀ fɛ́ ba moon ni kushi.
Honrar e amar
Honra teu pai e tua mãe. A família funciona com perdão, paciência e amor incondicional entre todos os seus membros.
nɔɔk ada ngɔn, ni nggɔ ngɔn iratek; shim afidang isot ngɔn ti ice ngɔn.>>
Itees fɛ́ aYeso nye naton ikam kuweneng
Ama fɛ́ aYeso mi gang itees e, a won mben aGalili, a tseng sak ni mben aJudiya, fi in se ni inyi kukyɛk aJodan. Kudyɛng banet dot ku kuus mo, a ka ba tes kyang azɔng.
BaFarasi bakak tsɛ ba shim ba ku mara, ba ku rip, yɛ, <<Ntsi yit fɛ̀ ey, anet na arɔ abining wu nek kaakyi ikyɛng fi ite yɛ?>>
AYeso fɛ̀ ni iba, <<Iyin ki mang fa yin ikyɛng fɛ́ ba jɛk ni kufumung ifɛ̀ Adakunom awɛ? Ba jɛk yɛ, ni imɛsɛng e, <Adakunom ka ba nye, amatek nɛ abining.> A fɛ̀, <Nek anɔng, anet da won ada wu ni nggɔ wu, na di basak na abining wu, nɛ bafaa me sot kurɔm kuzining.> Nkum atuk e yɔng da ba tɛ ba yet bafaa awo, tit kurɔm kuzining. Nek anɔng, ngma ikyɛng fɛ́ Adakunom mi mon, da anet akak na a kam ide awo.>>
Ba fɛ̀ ni iwu, <<Wat akyɛ sak fɛ́ aMusa fɛ̀ ni ijɛk wu, fok anet da kyem a nɔɔk abining wu kufumung ikam iweneng, na te abining e ni irèn ɛ?>>
Wat aYeso fɛ̀ ni iba, <<AMusa kin ka ba won nɛ ba kam nweneng, nek ákashalang ayɛ fi iyin bɛ̀ yin. Awɛt ikyɛng e kin se anɔng ni imɛsɛng e awo. Awɛt imi fɛ̀ ni yin, ngma anet fɛ́ a kam kuweneng nɛ abining wu, tit nek kujang, a tɛ a di bɔ akak, a se ni ira kujang.>>
Bafi imɛɛs wu fɛ̀ ni iwu, <<Ki ikyɛng fi i se nate amatek nɛ abining yɔng, kaduk anet na a sot anɔng dang kuweneng.>>
Wat aYeso ka ba bun ni ifɛ̀ yɛ, <<Ayet kaakyɛ anet fɛ́ a da kyem a shan itees yeng awo, tit bayɔng fɛ́ Adakunom mi ka ba nɔɔk irēn ye kyɛk. Bakak yet amaring neme ni ites ba. Wat bakak yet amaring, nek banet ka ba te ba sot anɔng. Wat bakak raba dang ra kuweneng nek iyɛ ngash igwɔm Azanɛn. Ayɔng fɛ́ a da kyem a shan itees yeng, na shan iye.>>
AYeso tes nnon nabaane awɛng
Ama anɔng, banet tses ni nnon sak na aYeso, nɔng a bin di saas mbɔk wu naton na, na te a di ras awon ni na. Awɛt bafi imɛɛs wu kpa ka ba kɔn.
AYeso fɛ̀ ni iba, <<Won yin nnon naban e na na bɛs ni imi! I bi ka ba ro yin awo, nek igwɔm Azanɛn yet ifɛ́ banet tɛ ba bang.>>
Ama fɛ́ a mi di saas kubɔk azaton na, a ya kashon ni kutseet wu.
Acam akak fɛ́ a bɛ̀ kurúm
Atukak, anet akak tsɛ na aYeso, a ku rip yɛ, <<Anet itees atek, akyi ikyɛng itek fi in da ra, in di sɛ kutset vit igang ɛ?>>
Wat aYeso fɛ̀ ni iwu, <<Akyɛ sak fi ngɔn di risim naton ikyɛng fi iyet itek ɛ? Anet azining wu kyɛk fɛ́ a yet atek. Ki i shim i sɛ kutset, ni berese ntsi Adakunom nang.>>
Anet e tɛ rip aYeso, <<Ntsi in ngan me yɛ?>>
AYeso fɛ̀ ni iwu, <<I bi fɛt akak awo; i bi ra kujang awo; i bi nye itsang awo; i bi bɔ mbɔɔs naton akak awo; nɔɔk ada ngɔn, ni nggɔ ngɔn iratek; shim afidang isot ngɔn ti ice ngɔn.>>
Acam e fɛ̀ ni iwu, <<Imi mang bereng ntsi nang ngma, akyɛ fi i di kyɛk mo yɛ?>>
AYeso ku bun ni ifɛ̀ yɛ, <<Ki ngɔn shim i da sot gyat, tse da tsi irɛp ngma ikyɛng fi ngɔn bɛ̀, nɔng i da bin kaba bakan e, i da ma sɛ kurúm azanɛn. Ama anɔng, ni bi ni di kuus mo.>>
Ni izen fɛ́ acam e fok anɔng, a yit irèn ni ibeseng iyɛ, nek a bɛ̀ kurúm makiyi.
Wat aYeso fɛ̀ na bafi imɛɛs wu, <<Won in ki tak yin atsak, i bi se ni mgbang fɛ́ arum da sɛ kunɔ ayɛt igwɔm Azanɛn! Won in bang ki tak yin, i bi se kaduk itsaap-igung ni i nɔ ni iyisi kufet, aza fɛ́ arum da nɔ ayɛt igwɔm azanɛn.>>
Ni izen fɛ́ bafi imɛɛs wu me fok anɔng, ikyɛng e ka ba te yɔɔt makiyi, ba kpa kana risim, <<Wat ki ikyɛng e se anɔng, angan wu fɛ́ a bi kyem a sɛ isheshek e yɛ?>>
AYeso ka ba yɛrɛk, a ma fɛ̀, <<Ikyɛng fi i gaat anet awe, kaakyi ikyɛng se begelek na Adakunom.>>
ABitrus ku bun ni ifɛ̀ ye, <<Di, iyit yɔng in mi won yit kaakyi ikyɛng in da kuus yit mo! Akyɛ fi iyit da sɛ yit ɛ?>>
AYeso fɛ̀ ni iba, <<Won in ki tak yin atsak, na kazatse kafas fɛ́ ka bi ne, ni izen fɛ́ Arim Anet bi sonong ni ízɔk kuta igwɔm wu. Iyin fi i di kuus yin, iyin bi sosok yin na ata igwɔm kusɔk abe afaa, ni ras yin icén kusɔk abe afaa ifi aIsrela ishɔt. Wɛt ngma ayɔng fɛ́ a mi wosong nasa, ke barunyining, ke banganyining, ke ada, ki nggɔ, ki nnon, ke akɔ ayi, nek imi, a da sɛ ikyɛng fi iwat idɔng hwyɛt, ama anɔng, a bi sɛ kutset vit igang. Awɛt banet dot fɛ́ ba se ashon yɔkɔnɔng, bi bun bafɛ́ ama, nɛ bakak dot fɛ́ ba se ama yɔkɔnɔng, bi bun bafɛ́ ashon.
Sot yin kyang ni foos yin angmishish bafidang, fuut bafidang anɛn bá, kpaf tɛ fɛ́ Adakunom ki fuut yin ne ayɛt Anet-Isheshek.
Ngma na anɔng, won kaakyɛ azining yin na a shim abining wu tɛ a da shim ice wu, na abining e nesek amatek wu iratek.
Ngma ayɔng fɛ́ a fɛ̀, <<Imi shim Adakunom,>> awɛt na rawu arunyining, a yet anet mbɔɔs. Nek ngma ayɔng fɛ́ a rawu dang shim arunyining, ayɔng fi iwu tsin yɛrɛ, a da kyem a shim Adakunom fi iwu kin man di awo.
Cuidar da família
Quem não cuida dos seus negou a fé. A família é responsabilidade sagrada — prover, proteger e abençoar é mandamento divino.
Ngma anet fɛ́ da a kyɛm a nesek bafi izit wu awo, amak e bafɛ́ ari wu, a mi tone ni inɔɔk atsak wu, ibeseng wu wat ifi nhwyi.
Ngma anet fɛ́ da a kyɛm a nesek bafi izit wu awo, amak e bafɛ́ ari wu, a mi tone ni inɔɔk atsak wu, ibeseng wu wat ifi nhwyi.
Awɛt ke akuma bi nnon ke babon wu ayi, won na ba kpa mara nggɔn ikuus bà ni igbingding kari bà, na anɔng wu fɛ́ ba di ki tarang báték nɛ badakop bà, nek anɔng e terek Adakunom iyɛ.
Ikaba nate bafi ikuus
Ábaruneng, in tsin ra won ni yin ayɛt iyerek aTisa yit aYeso Kristi fok, won ngma yin ni sot yin bazining, kɔng ikaba bi se nate yin, nɔng i da sot yin ayɛt imoon ice gyatgyat, ni foos yin ni yiring yin ikyɛng izining.
Unidade familiar
A coroa dos velhos são os filhos dos filhos. O casamento, os filhos e a comunhão familiar são bênçãos de Deus.
Casamento e família
O homem deixará pai e mãe e se unirá à sua mulher. A família começa no casamento — aliança sagrada diante de Deus.
Bafidang in, yɔkɔnɔng in yet yit nnon Adakunom, ikyɛng fi in bi sot yit sak ashon, ba mi rēn ide ninyɛn awo. Awɛt ikyɛng fi in rēn yit yet fok, ni izen fɛ́ ba bi rēn ide, in bi sot yit ti iwu, nek in bi ku di yit tɛ fɛ́ a di se. Ngma ayɔng fɛ́ a bɛ̀ kuri ite iyɛ yeng ni wu, a sosok cɛ́l, kyɔn ti iwu di se cɛ́l.