Família

15 GODAAS goynoy koshshontta miish misati inttes beettiko kase intte aawati shaafappe he pinththan dishe goynnida eeqa xoossata woykko ha7i intte diza Amooreti goynniza xoossata goynnana gidikko intte goynnanayssa hach doorite; taninne ta keeththa asay gidikko GODAAS goynnana» gides.

15 GODAAS goynoy koshshontta miish misati inttes beettiko kase intte aawati shaafappe he pinththan dishe goynnida eeqa xoossata woykko ha7i intte diza Amooreti goynniza xoossata goynnana gidikko intte goynnanayssa hach doorite; taninne ta keeththa asay gidikko GODAAS goynnana» gides.

31 Isttika izas, «Godaa Yesusa ammana; nekka neso asaykka intte wuri attana» gida.

57 GODAA nu Xoossay kase nu aawatara diza mala nunarakka de7o; izi nuna mulekka aggofo woykko yeggofo.

6 Nayi waanidi de7ana bessizaakko

tamaarsa;

histtiko izi cimmidikka

hessafe haakkenna.

6 Nayi waanidi de7ana bessizaakko

tamaarsa;

histtiko izi cimmidikka

hessafe haakkenna.

Yelaga Naytas Imettida Zore

8 Ta naazoo!

Ne aawa zore ezga;

ne aaya tamaarsizayssaka aggofa.

9 Hessi ne hu7es

bonchcho kallachcha;

nees qoodhen aaththiza

alleqo mala gidana.

Laymappe Haako

20 Ta naazoo! Ne aawa azazo pola;

ne aaya tamaarsidayssaka aggofa.

6 Hach ta nena azazida azazota wozinan woththa. 7 Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa.

6 Hach ta nena azazida azazota wozinan woththa. 7 Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa.

4 Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.✝

4 Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.✝

Yelidaytanne Nayta

1 Naytoo! Intte inttena yelidaytas Godaan azazettite; hessi inttes bessees.✝ 2 «Ne aawaanne ne aayo bonchcha» giza azazo giddon diza hidotay koyro azazo.

12 «GODAA ne Xoossay nees immiza biittan ne daro layth daana mala, ne aawaanne ne aayo bonchcha.✝

12 «GODAA ne Xoossay nees immiza biittan ne daro layth daana mala, ne aawaanne ne aayo bonchcha.✝

18,19 Addezi, «Azazoti awaytee?» giidi oychchides. Yesusikka zaaridi, «As wodhoppa; laymatoppa; kaysotoppa; wordo markkattofa; ne aawaanne ne aayo bonchcha; ne shooro ne mala siiqa» gides.✝

Yesusi Eko Gishshassinne Gelo Gishshas Tamaarsides

1 Yesusi yooti wursidaappe guye Galila aggidi Yordaanoose pinththan diza Yuhuda awuraajja bides. 2 Daro derey iza heen kaalliin izikka harganchchata paththides.

3 Farsaaweti iza paaccanaas izakko shiiqidi ay gaasonkka, «Asi ba machcho anjji yeddana bessizee?» gi oychchida.

4 Izikka isttas, «Xoossi koyroppe maccanne adde medhdhidayssa nababibeekketii? gides.✝ 5 Qasseka, ‹Asi ba aawaanne ba aayo aggidi ba machchira issife gidees. Nam7ayka issi asho gideettes› geetettidayssi hayssa gaason gidennee? gides.✝ 6 Nam7ay issi asho attiin sinththafe nam7u gidettenna. Hessa gishshas Xoossi gaththi waaxidayssa asi shaakkofo» gides.

7 Isttika izas, «Histtiin Musey, ‹Asi ba machcho anjji yeddida anjjo waraqata izis immi yeddo› giidi aazas azazidee?» gida.✝

8 Yesusikka isttas, «Musey intte wozina muumeteth be7idi machcheta intte anjjana mala piqaade inttes immides attiin koyroppe hessa mala gidenna.

9 «Ta inttes tumu gays; ba azinappe harara laymatontta dishin ba machcho anjji yeddida hara machcho ekkizaadey wuri laymatees. Anjjettidaarokka ekkizaadey izira laymatees» gides.✝ 10 Yesusa kaallizayti izas, «Machchi wogaynne azina wogay hayssa mala gidikko machcho ekkontta agoy lo7o» gida.

11 Gido attiin Yesusi isttas, «Issi issi dumma imotay diza asatappe attiin hayssa timirteza oonikka ekkanaas dandayenna. 12 Gaasoykka issi issi asay ba aayi uloppe yelettishe shuufa gidi yelettees; issi issi asay asa kushen qaaratettidi gundulees; issi issi asay Salo Kawoteththas giidi bana barkka gundula ooththiza asikka dees. Hayssa ekkanaas dandayzaadey ekko» gides.

Yesusi Guuththa Nayta Anjjides

13 He wode Yesusi istta bolla ba kushe woththidi woossana mala guuththa nayta izakko ekki ehida; gido attiin iza kaallizayti nayta ehida asata bolla hanqettida. 14 Yesusi, «Nayti haa taakko yetto; diggofte; Salo Kawoteththi haytantta malassa!» gides.

15 Ba kushe nayta bolla woththidi anjjidaappe guye heeppe dendi bides.

Dure Gidida Naateththa Addeza Oysha

16 Hessafe guye issaadey Yesusaakko shiiqidi, «Astamaaree! Mernaa de7o demmanaas tani lo7o ooso ay ooththoo?» gi oychchides. 17 Yesusikka, «Tana aazas lo7o gishshas oychchay? Lo7oy issi Xoossaa xalla; de7oy dizaso ne gelana koykko azazota naaga» gides.

18,19 Addezi, «Azazoti awaytee?» giidi oychchides. Yesusikka zaaridi, «As wodhoppa; laymatoppa; kaysotoppa; wordo markkattofa; ne aawaanne ne aayo bonchcha; ne shooro ne mala siiqa» gides.✝ 20 Naateththazi zaaridi, «Hayssa wursa ta naagadis; haray aazi taas paccidee?» gides.

21 Yesusikka zaaridi, «Ne mule xillana koykko baada ne haaridaaz ubbaa bayzada miishshaa wursa manqotas imma; neni salon miish demmandasa; hessafe guye simma yaada tana kaalla» gides.

22 Addezi hessa siyidi izas daro miishshi diza gishshas keehippe mishettishe bides. 23 Yesusi bana kaallizayta, «Ta inttes tumu gays; dureti Salo Kawoteth gelanayssi daro meto. 24 Qasseka tani inttes gizay durey Salo Kawoteth gelanayssafe gaamellay* narpe lukora aadheththi kawuyana» gides.

25 Hessa siyidi iza kaallizayti daro qoppidi, «Histtiin ooni attanaas dandayzee?» giidi Yesusa oychchida.

26 Yesusikka istta xeellidi, «Hayssi asa achchan dandayettenna; Xoossa achchan gidikko wurikka dandayettees» gides.

27 Phexroosi izas zaaridi, «Nu ubbaaka aggidi nena kaallidos; histtiin ha7i nu ay demmanee?» gides.

28 Yesusikka isttas, «Ta inttes tumu gays; Asa Nay buro yaana ooraththa alamen ba bonchcho araata bolla uttiza wode intte tana kaallidayti tammanne nam7u araatata bolla uttidi tammanne nam7u Isra7eele nayta bolla pirdana.✝ 29 Ta sunththaa gishshas giidi ba keeththe, ba ishata, ba michcheta, ba aawa, ba aayonne ba nayta, woykko ba biitta aggiza asi wuri xeetu kushe dakko ekkana; mernaa de7okka laattana. 30 Gido attiin daro sinththe gidida asati guye gidana; daro guyen diza asati sinththatana.✝

32 Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.✝

33 Gidikkoka inttefe issi issaadey ba machcho bana siiqiza mala siiqo; machchaka ba azinaa bonchchu.

20 Oonikka Xoos siiqays gishe ba ishaa ixxiko hessaadey wordanchcha; ba ayfera be7iza ba ishaa siiqontta asi ba ayfen be7ontta Xoossaa siiqanaas dandayenna.

8 Issi asi ba dabbota harappeka baso asaa maaddonttayssa gidikko izi ammano kaddidaadenne ammanontta asappeka aadhdhi iita asa.

8 Issi asi ba dabbota harappeka baso asaa maaddonttayssa gidikko izi ammano kaddidaadenne ammanontta asappeka aadhdhi iita asa.

4 Issi am7eys nay woykko naa nay dizaa gidikko he nayti baso asata maaddanaassinne bana yelidaytas kase istti ooththidayssa kushe zaaron harappe kasetidi ba ammano ooson bessanaassinne tamaaranaas bessees; hessika Xoos ufayssizayssa.

Woosa Keeththan Medhettida Shaaketeth

10 Ta ishatoo! Intte garsan shaaketeththi dontta mala inttes issi wozinaynne issi qofay daana malanne intte intte garsan issino gidana mala Godaa Yesus Kirstoosa sunththan ta inttena woossays.

3 Nayti GODAAPPE imettiza imotata;

naytikka tumappe iza woyto.

4 Asi naateththan dishe

yeliza attuma nayti

olanchcha kushen diza

yiishsha mala.

5 Iza kohoti he yiishshatan

kumiday anjjettidaade.

Izi katama pengen ba morkketara

marshettiza wode shatumettenna.

17 Gido attiin GODAAS yayyizaytas

iza siiqoy mernaappe

mernaa gakkanaassa;

iza xilloteththayka

yeletappe yeleta gakkanaassa.

18 Hessi hananay

iza caaqo qaala

naagizaytassinne

iza azazo polanaas

minettizaytassa.

17 Gido attiin GODAAS yayyizaytas

iza siiqoy mernaappe

mernaa gakkanaassa;

iza xilloteththayka

yeletappe yeleta gakkanaassa.

18 Hessi hananay

iza caaqo qaala

naagizaytassinne

iza azazo polanaas

minettizaytassa.

Dawiti Pude Kezishe Yexxida Mazamure

1 Ishantti issifeteththan de7izayssi

ay mala lo7onne

ay mala ufayssizaazee!

6 Nayta nayti

cimmida asatas kallachcha;

yelidayti bantta naytas bonchcho.

6 Nayta nayti

cimmida asatas kallachcha;

yelidayti bantta naytas bonchcho.

17 Laggey ay wodekka lagge;

ishaykka meto wodes yelettees.

24 Lagge darssiza asi

baas meto darsees;

gido attiin ishappe aadhdhidi

ammanettiza laggey dees.

10 Ne laggenne ne aawa lagge aggofa;

nena metoy gakkiza wode

ne ishaakko booppa.

Haahon diza ishappe

nees matan diza

shooroy kiya.

15 Ta naazoo!

Ne wozinay aadho

eranchcha gidikko

ta wozinaykka ufayettees.

24 Xillo naa aaway

keehippe ufayettees;

wozinama naa yelida asikka

izan ufayettees.

Solomoone Leemisota

1 Hayti Solomoone leemisota.

Aadho erateththi diza nay

ba aawa ufayssees;

gido attiin eeya nay

ba aayo ceecisees.

27 Kasetada ne karen diza

ooso ooththa;

ne goshsha giigsa;

hessafe guye ne keeth keexxa.

27 Uuze asi baso asa bolla

meto ehees;

gido attiin matta7e ixxiza asi

paxa daana.

29 Soo asaa bolla shiro denththiza

asi go7ay baynda attana;

Eeyatikka aadho eranchchatas

aylle gidana.

24 Hessa gishshas asi ba aawaanne ba aayo aggees; ba machcheyra issife dees; istti nam7ay issi asho.✝

28 Xoossi isttas, «Yelettite; corattite; hayssa biittaa kumitenne haarite; abba mole, salo kafotanne biitta bolla woxxi qaaxxiza, shemppora diza medheteththata ubbaa haarite» gi anjjides.✝

9 Salo gufanththon Xoossi nees immida guuth gidida ne de7o layththata ubbaan ne siiqiza ne machcheyra ufayssan de7a; ays giikko salo gufanththon ne de7oninne ne daaburda daabura ubbaan hayssi nees qaada.

6 Gido attiin koyro Xoossi medhdhishe maccanne adde ooththi medhdhides.✝ 7 Hessa gishshas asi ba aawaanne ba aayo aggidi ba machchira waaxettees. 8 Nam7ay issi asho gideettes; hessa gishshas istti nam7ay issinoppe attiin nam7u deettenna. 9 Hessa gishshas Xoossi gaththi waaxidayta asi shaakkofo» gides.

13 Intte iitata gidishe intte naytas lo7o imota imo erikko salon diza intte Aaway bana woossizaytas Xillo Ayana wostti darssi immennee?» gides.

15 GODAY,

«Aaya ba dhanththiza naa

balanaas dandayazee?

ba yelida naas qadhettekee?

oonee erizay

iza balana dandayawus;

tani gidikko nena balikke.

16 Hekko tani nena

ta kushe qaa7an xaafadis;

ne dirsa gimbetikka ubbatoo

ta sinththan deettes.

2 Ta ishatoo! Nuni ha7i Xoossa nayta; buro nu ay hananaakko ha7i qonccibeenna; Kirstoosi qoncciza wode nu iza beyanayssanne izakka misatanayssa nu eroos. 3 Hayssa izan hidota ooththizay wuri izi geesh gidida mala bana geeshshees.