Família
A família é a primeira instituição criada por Deus. Ele a projetou para ser escola de amor, fé e formação de caráter. A Bíblia honra a família e nos ensina a cuidar dela.
Eu e minha casa
Eu e minha casa serviremos ao Senhor. A família que serve a Deus juntos permanece unida e fortalecida em todas as circunstâncias.
Kane yugu sugl moglkwa yagl i yegl di, kira pogl pruko, Pol ya Sailas ye di te, yegl dibrika, Ene Yagl Kade Jisas pre medigln, God ene ere inabiwe di, yegl dibrika. No dubuglka i, ene ya ene yobanma mudu ta moraiglkwa i, mudu pre medraiglkwa pre dubuluwe dibrika.
Criar os filhos
Instrui a criança no caminho em que deve andar. O lar é a primeira escola de fé e obediência.
Ana ene gak nenoma meglkwa i, ene gagroma deno kubraiglmedi erekrio. Yegl erekre, ene gagroma ye nono Yaglno Kade kamo praiglmedi beke tedre, mabunono ake kun ere tedre, ye wakai ere bakagl i wan, i kade edio.
Ana ene gak nenoma meglkwa i, ene gagroma deno kubraiglmedi erekrio. Yegl erekre, ene gagroma ye nono Yaglno Kade kamo praiglmedi beke tedre, mabunono ake kun ere tedre, ye wakai ere bakagl i wan, i kade edio.
Gak ye neno mano bogl siragl mere mogl pai eraiglmere
Ana ene gak meglkwa i, Yagl Kade ene eraiglmedi prukwa i, ene neno mano kano prisre, duglo boraiglmedi prukwa. Yegl pre ene yegl eraiglkwa swara i kuno erabuka. God lomo ta okna dugwa i, yegl dugwa, Ene neno mano moraiglmara mogl atne edidre, kano prio! dugwa. God lomo paimara i, lo swara i pamara God komono kana ka kaima ta ama akie di te paduglkwa.
Honrar e amar
Honra teu pai e tua mãe. A família funciona com perdão, paciência e amor incondicional entre todos os seus membros.
Te, ene neno mano moraiglmara mogl atne edidre, kano prio! Ene yegl eribi, tabre goglkre, na dumo makan ta tenaglmara i ege oglto moraiglmiwa.
Te, ene neno mano moraiglmara mogl atne edidre, kano prio! Ene yegl eribi, tabre goglkre, na dumo makan ta tenaglmara i ege oglto moraiglmiwa.
Ene nen man pre i mitna edidre, kano pro. Te, ene enene wakai kanere yegl, yoba ta magigl akie kipanaiglkwa i, ama yegl mere wakai kano di, yegl dumiwe dugwa.
Yagl abu si biglke digwa pre dugwa
Ana Jisas ka yegl di kodidre, ye distrik Galili kide kodo, ede pi distrik Judia, nigl Jordan koglo ibo kra ogwa. Ye dumo i ogo, yoba tau mere ye mokomugl sika si eigo, Jisas ye kide sigwa i, mudu ere wakai ere togwa.
Ana igne i Farisi yoba tau Jisas moglmara udre, ye ka aglau ere dinabo mo di, kira yegl pogl prikwa, Yagl ta mabuno kane kane mina ebie sedinabuka i, mane ta pamo mo paikrume? digwa. Yegl digo, Jisas di ikne edidre, Ene God kamo kere kankrimo? Okna ibo God dumo makan beke yedre, ye yagl ya abu beke yogwa. Te, mabuno i pre yagl ye nem mam kide kodidre, ye ebie bogl si dakagl morabrika. Miur, ye ogono nagino swara kaima mere yegl paugwa. Yegl paugwa pre ye suo moglkre, yoba swara mere yegl miurka. Yegl pre God taragl ta ere i swara edenabuka i, yoba ta ere i pere pere edekraiglmiwe dugwa.
Ana Jisas yegl dugo, Farisi yoba di ikne ede yegl digwa, Yegl panan, siragl eruko, Moses ye yagl abu si biglke dinaiglkwa i, pepa mina bogl, si biglke dinaiglkwa kuno erume dume? di, yegl digwa. Yegl digo, Jisas di ikne ede, Ene God kamo prakirikwa yoba meglkwa pre Moses ene yagl abu si bugl dinaiglkwa i, pra we dugwa ba okna ibo mabuno yegl ta paikrukwa. Na ene di teiga, Yagl ta ebie yagl ta bogl kunogl nekrabrika ba ye ebie yoko sedidre, abu kor ta inan, ye abu kor i bogl kunogl nebrika mere yegl pamiwe dugwa.
Dugo, ye duglo beglkwa yagl di ikne ede, yegl digwa, Yagl abu bogl igwa mabuno yegl panan, ta bogl ikramniwe digwa. Yegl digo, Jisas aglke kor yegl dugwa, Yagl ta abu ikrabuka i, wakai paugwa ba yagl mudu abu ikraiglkwa i, kuno ta erekrukwa. God yene abu ikraiglmedi eran, kuno erabuka. Siragl pre yagl tau mano kiglkwa ege i, nagino kide erukwa pre ye abu ibi, kuno erekrabuka. Te, yagl tau yoba yobaglku nagino ere kide erikwa pre abu ikraiglkwa. Te, yagl tau God yoba kingno morabuka i, ede eglke enabedi prisre, mawagl mogl, abu ikrikwa. Yoba yegl ta erabuka i kuno erabedi pran, ye erabuka keme pamiwe di, Jisas yegl dugwa.
Jisas gak kebra na moglmara unaiglmedi kanige erio dugwa
Ana igne i, yoba gak kebra Jisas akidre, kamage ere tenabedi auro yuigwa ba Jisas duglo beglkwa yagl i kandre, ka teigwa. Mane digwa ba Jisas ye yegl di togwa, Gak kebra na moglmara unaiglkwa i, ene mane dikre, kanige erio. I siragl pre yoba ta gak meglmere yegl ta moraiglkwa i, God ye yoba kingno mogl, suglno morabara yoba i pre yenabiwe dugwa. Jisas yegl didre, ye ogo i pi gak kebra akidre, dumo i kide kodo, ede bage ta ogwa.
Yagl ta mige moni mere kan nogwa i, Jisas bogl ka dibrika
Ana yagl swara ta Jisas moglmara udre, yegl dugwa, Tisa yo, na mabuno wakai siragl mere ersre, aimadi kamin kor moraiglkwa ikra kaima inagle? dugwa. Yegl dugo, Jisas ye yegl di prukwa, Ene siragl pre mabuno wakai pre na di pitne? Yoba swara keme wakai moglkwa. Ba ene aimadi kamin kor moraiglkwa i, inagledi pitn, ene God lomo duglo boglo dugwa. Jisas yegl dugo, yagl i aglke kor yegl dugwa, Siragl lo duglo boraglka pre dine? dugwa. Dugo, Jisas di ikne ede, yegl dugwa, God lomo bage tau yegl dugwa, Ene yoba ta si goglkre, yagl abu ta bogl kunogl nekre, taragl ta kunogl nekre, kot mina kibi dikre, Ene nen man pre i mitna edidre, kano pro. Te, ene enene wakai kanere yegl, yoba ta magigl akie kipanaiglkwa i, ama yegl mere wakai kano di, yegl dumiwe dugwa.
Ana Jisas ka yegl dugo, yagl kulu i yegl dugwa, Na God lomo mudu i, duglo boglka ba na taragl ta eraglka pai moran, di naratniwe dugwa. Yegl dugo, Jisas di ikne ede, yegl dugwa, Ene u wakai kaima enagledi pitn, ene taraglnen mudu i pi topo boglsre, mige i pi goduglme yoba to. Ene yegl etn, ene heven ibo taragl wakai wakai inatnga. Te, ene yegl ersre, u na duglo boglo di, Jisas yegl dugwa. Jisas yegl dugo, yagl kulu i prisre, kide pre, ede ogwa. I siragl pre ye taragl tau mere kan nogwa yagl ta moglkwa.
Ana yagl i ede ogo, Jisas ye duglo beglkwa yagl yegl di togwa, Na ene kaima di teiga, Yoba taragl podo ere neigwa i, God yoba kingno morabara ede suna enaiglkwa i, waragne paugwa. Te, na ama ene yegl di tenaglka, Bugla kamel ta kar nil kwie yomara ede suna enabuka i, yuaglke paugwa ba yoba ta taragl podo kan neigwa i, God yoba kingno moglmara ede suna enaiglkwa i, waragne kaima pamiwe dugwa. Jisas yegl dugo, ye duglo beglkwa yagl prisre, nagino podo koglsre, yegl digwa, Yegl panan, God yoba ira ere inan, kuno erabe? digwa. Yegl digo, Jisas ye toro kandre, ye yegl di togwa, Yoba ta ye yene ere inaiglkwa i, kuno ta erekrabuka ba God taragl mudu erabuka keme paugwa pre ye ere inabuka i, waragne ta paikrumiwe dugwa.
Ana Jisas yegl dugo, Pita ye yegl di prukwa, Kano. No taraglno mudu kide kodidre, ene duglo bunga pre no siragl taragl inamne? dugwa. Yegl dugo, Jisas di ikne ede yegl dugwa, Na ene ka kaima di teiga, taragl mudu u kor enan, na Yoba Wam moglka i, abuglagena mina moglsre, sia king mina ame di moglbo, ene na duglo beglkwa yoba sia king 12-pela mina ame didre, Israel yoba yugobunono 12-pela i, suglno moraiglkwa. Te, yoba swara ta na kagna mina ye yugumo toglmo kide kodinabo mo ye agiglema abaugloma mo nem mam mo nagiglema kide kodinabo mo ye makanmo kide kodinabuka i, ye taragl tau kide kodumara i, ye 100 mere i tebe edenabuka. Te, ye aimadi kamin kor morabara i, wakai kaima morabuka. Ba yoba tau mere erme mogl mitna edigwa i, okuo kagno paikran, atne kaima moraiglkwa. Te, yoba tau erme atne kaima meglkwa i, okuo mogl mitna kaima edenaiglmiwe dugwa.
Ene mabuno yegl kide kodidre, yoba deno muduno tedre, enene ikne ikne ere wakai erio. Te, God komono kana ere mogl, ye Kere Yugwa Yagl kogon erumara i mina ene tadaglmeno gugl ede tomere kuno yegl mere, yoba ta ene ere kide ere tenabuka i, ene ake moglkre, ere ede teo.
Na diga magigl i, nono Jisas bogl u swara omga pre diga ba na ama yagl abu pre dinaglka, ene prio! Ene yagl meglkwa i, enene wakai kanimere mere yegl, ebinoma ama wakai kanibi, te ene abu meglkwa i, ene winoma moraiglmara mogl atne ede molo.
Ba yoba ere mogl, deno muduno God tomniwe didre, ye agroma deno muduno tekribi, ka kibi digwa. I siragl pre ye agroma abaroma nogugl akie meglkwa tekrikwa panan, God ye ta kankrikwa pre deno muduno tomniwe dibi, kuno erekrabuka.
Cuidar da família
Quem não cuida dos seus negou a fé. A família é responsabilidade sagrada — prover, proteger e abençoar é mandamento divino.
Ba yoba ta ere mogl, yoba ta ye bogl bormai swara meglkwa i sugl moglkran, i kide panabuka. I kide panabuka ba ye nem mo mam mo agigle abauglo kaima ta morabuka i sugl moglkran, i kide kaima panabuka. Pre meduglkwa yoba yegl ta eran, ye mabuno kide kaima erukwa. Yoba pre mediglkrikwa i mabuno kide yegl ta erekriko, ye mabuno kide kaima erukwa pre ye ka pre medunga i kide kodugwa mere yegl erukwa.
Ba yoba ta ere mogl, yoba ta ye bogl bormai swara meglkwa i sugl moglkran, i kide panabuka. I kide panabuka ba ye nem mo mam mo agigle abauglo kaima ta morabuka i sugl moglkran, i kide kaima panabuka. Pre meduglkwa yoba yegl ta eran, ye mabuno kide kaima erukwa. Yoba pre mediglkrikwa i mabuno kide yegl ta erekriko, ye mabuno kide kaima erukwa pre ye ka pre medunga i kide kodugwa mere yegl erukwa.
Ba abu werai ta ye gagiglma mo gawama ta meglbi, ye gagiglma ya gawama i God kamo duglo boglsre, kan ikne ede, mano i ake ple di tenaiglkwa paugwa. I siragl pre yoba ye yene bormai swara meglkwa i ye sugl meglbi, God mabuno i wakai kanabuka.
Pol Korin yoba deno muduno swara yeikrikwa pre dugwa
Agrama abarama wagle, na erme Jisas Krais, nono Yaglno Kade moglkwa i dra idre, ene ka giglede di tenaglka. Ene kigl nonga didre, mogl pere pere edigwa i kide kodo, nomano ya deno muduno swara kaima yeio.
Unidade familiar
A coroa dos velhos são os filhos dos filhos. O casamento, os filhos e a comunhão familiar são bênçãos de Deus.
Casamento e família
O homem deixará pai e mãe e se unirá à sua mulher. A família começa no casamento — aliança sagrada diante de Deus.
Ana mabuno yegl paugwa pre yagl nem mam kide kodidre, ye ebie bogl si dakagl morabrika. Miur, ogono nagino swara kaima mere yegl paugwa.
God yoba beke yedre, ogo kade ake mina ede, di wakai yei togwa, Ene gak mere kide kuglsro! Mere kide kiur, yoba mere meglbi, ene yoba dumo pere pere pi mogl, dumo makan mudu sugl moraiglkwa. Ana buglo bagle ya te, kua ya te, taragl pra pra makan mina wan meglkwa i, na ene yoba ye bitno mere yegl ediga. Ene ye bitno mere mogl, sugl moraiglmiwe di, yegl dugwa.
Ba okna ibo God taragl pra pra ere yogwa igne, ye yagl ya abu beke yogwa. Te, mabuno i pre yagl ye nem mam kide kodidre, ye ebie bogl si dakagl morabrika. Miur, ye pere pere moglkribrika. Ogno nagino swara kaima mere yegl paugwa. Yegl paugwa pre God taragl ta ere i swara edenabuka i, yoba ta ere i pere pere edekraiglmiwe dugwa.
Ene prio, ene yoba kide meglkwa ba ene gagroma taragl wakai te kanimiwa. Yegl pre Neno Kade heven ibo moglkwa i, yoba ta ye di prabuka i, ye ka kaima Mudu Murubuglo yoba i tenabiwe di, yegl dugwa.
Na dena muduna teiga meglkwa i, nono erme God gagiglma mogl kodumga ba okuo siragl mere moramga i, teke paugwa. Teke paugwa ba Jisas u plau dinabuka igne i, ye siragl mere moglkwa i, nono gumuglno mina kanamga pre nono ama ye moglmere moramgrawa we di prumga. Te yoba nomane yegl pre gi digwa i, ye Jisas du moglmere yegl ye du moramnedi erikwa.