Família

19 maa ɛ nye ɛzɔ ɛ ze nee ɛ nli, na kulo ɛ gɔnwo kɛ ɛdawɔ ɛ nwo la!"

1 Mɔɔ Gyisɛse wiele edwɛkɛ ɛhye mɔ ka la, ɔvile Galeli na ɔpɛle Azule Dwɔdan ne na ɔziale ɔ nzi ɔhɔle Dwudiya. 2 Menli dɔɔnwo ne ala doale ye, na ɔyɛle nuhua ne mɔ mɔɔ bɛnde kpɔkɛ la ayile.

Bɛbɔ mɔdenle kɛ bɛkye ye

3 Falasiima bie mɔ rabizebizale ye edwɛkɛ zɔle ye nleanle. Bɛbizale ye kɛ: "Anzɛɛ ɔfa mɛla adenle nu kɛ awie kɛbɔ ɔ ye ewuole ɔ?"

4 Ɔbuale bɛ ɔzele kɛ, "Bɛngenga Nyamedwɛkɛ ne ɔ? Bɛhɛle ye wɔ nu kɛ, alumua ne, Nana Nyamenle bɔle nrenyia nee raalɛ, 5,6 ɔti ɔwɔ kɛ nrenyia gyakyi ɔ ze nee ɔ nli, na ɔ nee ɔ ye bɛyɛ ko bɛkɔ awieleɛ. Menli nwiɔ ne bayɛ nwonane ko, mɔɔ bɛnle nwiɔ bieko a, na emomu ko! Ɔti mɔɔ Nana Nyamenle ɛha ɛbɔ nu la, mmamaa sonla dasanli biala kpakye nu."

7 Akee bɛbizale ye kɛ, "Duzu ati a akee Mosisi se saa nrenyia bɔ ɔ ye ewuole a ɔwɔ kɛ ɔkɛlɛ ewuolebɔlɛ kɛlata ala ɔkɔmaa ye a?"

8 Gyisɛse buale bɛ kɛ, "Bɛ ahonle ɛsesebɛ ne mɔ ati yɛɛ Mosisi maanle adenle kɛ bɛbɔ bɛ mraalɛ ewuole a, na emomu, alumua ne ɛnee ɔnle zɔ. 9 Na meka meahile bɛ kɛ awie biala mɔɔ kɛbɔ ɔ ye ewuole, wɔ mekɛ mɔɔ ɔtɛbɔle huhunli ɛbɛla biala na ɔkɛgya raalɛ fofolɛ la, ɔto agyalɛ ɛzɛkyelɛ mɛla ne."

10 Gyisɛse ɛdoavolɛma ne mɔ akee zele ye kɛ, "Saa ewuolebɔlɛ ɛnle agyalɛ nu ɛdeɛ a, ɛnee noko ɔnle kpalɛ kɛ awie kɛgya raalɛ!"

11 Gyisɛse zele kɛ, "Tɛ menli ne amuala a kɛhola kɛli zɛhae edwɛkɛ ɛhye azo a." Eza ɔvale ɔzɔle zo kɛ, "Kyesɛ bɛdabɛ mɔɔ Nana Nyamenle ɔdaye ɔboa bɛ la ala. 12 Bie mɔ wɔ ɛkɛ a bɛanva raalɛ ɛgyalɛ nwo anwosesebɛ bɛanwo bɛ, yɛɛ bie mɔ noko le awuliravolɛ dɛba vi ɛkolɛ ne anu, yɛɛ ɔlua Anwuma belemgbunli maanle ne ati bie mɔ noko ɛkpo kɛ bɛkɛgya mraalɛ. Bɛmaa awie biala mɔɔ kɛhola la, ɛlie zɛhae edwɛkɛ ɛhye ɛdo nu."

13 Bɛvale ngakula bie bɛrɛlɛle Gyisɛse kɛ ɔva ɔ sa ɔ gua bɛ ti zo na ɔzɛlɛ ɔmaa bɛ. Na ɛdoavolɛma ne mɔ deanle menli mɔɔ vale ngakula ne mɔ rale la, na bɛzele kɛ, "Bɛmmagyegye ye."

14 Gyisɛse zele bɛ kɛ, "Bɛmaa ngakula ngyikyi ne mɔ ɛbikye me, na bɛmmasi bɛ adenle. Ɔluakɛ kɛ Anwuma belemgbunli maanle ne de la ɛne." 15 Na ɔvale ɔ sa ɔguale bɛ ti zo na ɔyilale bɛ kolaa na akee yeavi ɛkɛ ne yeahɔ.

Nrenyia sukoavolɛ ne ziale ɔ nzi

16 Kenle ko awie bie rale Gyisɛse anwo ɛkɛ rabizale ye kpuyia kɛ, "Kilehilevolɛ kpalɛ, duzu a meyɛ a menwɔnyia ngoane mɔɔ ɔnlɛ awieleɛ a?"

17 Gyisɛse buale ye kɛ, "Duzu ati yɛɛ ɛfɛlɛ me Kilehilevolɛ a? Awie ko ala a le kpalɛ a, na yemɔ a le Nyamenle. Saa ɛkpondɛ kɛ ɛnyia ngoane mɔɔ ɔnlɛ awieleɛ la a, ɛnee di mɛla ne mɔ azo."

18 Nrenyia ne bizale ye kɛ, "Mɛla ne mɔ anu boni ɔ?" Gyisɛse buale ye kɛ, "Mmaku sonla, mmasɛkye agyalɛ, mmawua, mmadi daselɛ adalɛ, 19 maa ɛ nye ɛzɔ ɛ ze nee ɛ nli, na kulo ɛ gɔnwo kɛ ɛdawɔ ɛ nwo la!"

20 Kpavolɛ ne buale ye kɛ, "Medi zɛhae mɛla ne mɔ ko biala azo dahuu. Na duzu debie bieko a ɛha mɔɔ ɔwɔ kɛ meyɛ a?"

21 Gyisɛse zele ye kɛ, "Saa ɛkulo kɛ ɛdi munli bɔkɔɔ a, kɔ na kɔdɔne wɔ debie biala mɔɔ ɛlɛ ye la, na fa ezukoa ne maa ehyiavolɛma, na ɛ sa baha agyapadeɛ wɔ Anwuma belemgbunli maanle ne anu; na akee bɛla na bayɛ me ɛdoavolɛ." 22 Mɔɔ kpavolɛ ne dele ɛhye la, ɔlile nyane totohyia wɔ ye ahonle nu na ɔhɔle, ɔluakɛ ɔle sukoavolɛ.

23 Akee Gyisɛse zele ye ɛdoavolɛma ne mɔ kɛ, "Nɔhalɛ nu, nɔhalɛ nu, mese bɛ kɛ, ɔyɛ se ɔmaa sukoavolɛ kɛ ɔkɛhɔ Anwuma belemgbunli maanle ne anu. 24 Mesi zo bieko kɛ, ‘Ɔnyɛ se ɔmmaa afunlumu kɛ ɔkɛwole aguyia tokule nu, tɛla kɛ sukoavolɛ kɛhɔ Anwuma belemgbunli maanle ne anu a!’ "

25 Edwɛkɛ ɛhye zinle ɛdoavolɛma ne mɔ anwo; yemɔti bɛbizale ye kɛ, "Ɛnee akee nwane yɛɛ bɛbahola bɛalie ye ngoane a?"

26 Gyisɛse nleanle bɛ koonwu na ɔzele bɛ kɛ, "Ɛhye yɛse kpalɛ kpalɛ maa sonla dasanli; noko akee wɔ Nana Nyamenle anye zo debie biala: ɛnza Ye yɛ."

27 Akee Pita zele ye kɛ, "Awulae, yɛgyakyi debie biala na yɛradoa wɔ. Na duzu nvasoɛ a yɛbanyia ye wɔ zo a?"

28 Gyisɛse buale bɛ kɛ, "Nɔhalɛ nu mese bɛ kɛ, ‘Wɔ Egya belemgbunli maanle fofolɛ ne anu, mɔɔ Mame, Ngoanedievolɛ ne mebadɛnla me anyunlunyia belemgbunli ebia ne azo wɔ Belemgbunli maanle ne anu la, bɛdabɛ noko, me ɛdoavolɛma ne mɔ bɛbadɛnlɛdɛnla arelemgbunli mbia bulu nee nwiɔ azo na bɛabua Yizilayɛ abusua eku eku bulu nee nwiɔ ne ndɛne. 29 Na awie biala mɔɔ kɛkpo ye aako, ɔ mediema mrenyia, ɔ mediema mraalɛ, ɔ ze, nee ɔ nli, ɔ ye, ɔ mra, anzɛɛ ye agyapadeɛ, na ɔkɛdoa me la ɔbanyia nwole nvasoɛ ɛya mɔnwo mɔnwo, na eza yeanyia damenlangoate ngoane mɔɔ ɔnle awieleɛ a. 30 Na alumuama bali amozi; yɛɛ amozi amra noko balumua.’ "

3 Nea, mralɛ le agyapandeɛ mɔɔ vi Nyamenle ɛkɛ a; ma mɔɔ vi ɛkolɛ nu la le nyilalɛ bɔkɔɔ. 4 Mralɛ mrenyia mɔɔ sonla nrenyia nyia bɛ wɔ ye mgbavolɛ nu la le kɛ ɛda mbaka mɔɔ wɔ sogyanli asa anu la. 5 Ahomeka sonla a le ahenle ne mɔɔ ɛda mbaka ɛyi ye boa ne tɛkɛɛ la. Saa ɔ nee ye kpɔvolɛma yia nu wɔ ndɛnebualɛ ɛleka ne a, ɔ nyunlu nyiane ɛnrɛgua aze ɛlɛ.

17 Na emomu Nana Nyamenle ɛhulolɛ kpundii ne, wɔ ɛkɛ mekɛ mɔɔ ɔnlɛ awieleɛ maa bɛdabɛ mɔɔ bɛwula ye anyunlunyia la; na ye tenleneyɛlɛ ne tenrɛ kɔdwu bɛ mra nee bɛ mra anwo zo, 18 wɔ bɛdabɛ mɔɔ bɛdi ye ɛwɔkɛ ne azo na bɛkakye kɛ bɛkɛli ye mɛla ne mɔ azo la.

17 Na emomu Nana Nyamenle ɛhulolɛ kpundii ne, wɔ ɛkɛ mekɛ mɔɔ ɔnlɛ awieleɛ maa bɛdabɛ mɔɔ bɛwula ye anyunlunyia la; na ye tenleneyɛlɛ ne tenrɛ kɔdwu bɛ mra nee bɛ mra anwo zo, 18 wɔ bɛdabɛ mɔɔ bɛdi ye ɛwɔkɛ ne azo na bɛkakye kɛ bɛkɛli ye mɛla ne mɔ azo la.

Mediemayɛlɛ ɛdɛnlanlɛ

1 Nea ahomeka bie mɔɔ ɔyɛ, nea nwanwane bie mɔɔ ɔyɛ, kɛ Nana Nyamenle ye menli kɛbɔ nu kɛdɛnla ɛleka ko wɔ koyɛlɛ nu a!

6,7 Na tɛ ɛhye noko a le Nana Nyamenle adenle fɔɔnwo ne a. Ɔluakɛ, mɔlebɛbo ne ala yɛɛ ɔbɔle nrenyia nee raalɛ kɛ ɔwɔ kɛ bɛbɔ nu wɔ agyalɛ mɔɔ ɛngu ɛlɛ la anu a; ɛhye ati a nrenyia gyakyi ɔ ze nee ɔ nli, 8 na ɔ nee ɔ ye bɛbɔ nu mɔɔ ɛnee bɛnle nwiɔ bieko, na bɛle nwonane ko ala la. 9 Yɛɛ dasanli biala noko ɛnlɛ adenle kɛ ɔkɛkpakye mɔɔ Nana Nyamenle ɔdaye yeha yebɔ nu la anu."

13 "Na saa bɛmɛ, ɛtanevolɛma mɔɔ le kɛ bɛdabɛ la, bɛze ahyɛlɛdeɛ kpalɛ mɔɔ bɛfa bɛmaa bɛ mra la a, ɛnee duzu ati a saa bɛbiza Sunsum Nwuanzanwuanza ne bɛfi Egya ne mɔɔ wɔ anwuma maanle ne anu la ɛkɛ ne a, ɔnrɛva ɔnrɛmaa bɛ a?"