Salmos 127

Edwɛndolɛ mɔɔ Abusua fa sɛlɛ ɔ nwo Banebɔlɛ la

1 Kyesɛ Nana Nyamenle si sua ne, yemɔ gyimayɛvoma ne mɔ mɔɔ ɛlɛsi sua ne la fɛ gyɛne; kyesɛ Awulae sinza suakpole ne, yemɔ bɛdabɛ mɔɔ bɛsinza la, wɔ ɛkɛ ne gyɛne. 2 Nvasoɛ biala ɛnle zo, kɛ ɛkɛdwazo aleɛbahye ɛkɛyɛ gyima ɛsesebɛ ɔlua aleɛlilɛ ko ye ala ati, na ɛkɛhɔ nla nu aledwolɛ nu. Ɔluakɛ Awulae maa bɛdabɛ mɔɔ bɛkulo ye la aleɛ, bɔbɔ wɔ mekɛ mɔɔ bɛwɔ nla nu la.

3 Nea, mralɛ le agyapandeɛ mɔɔ vi Nyamenle ɛkɛ a; ma mɔɔ vi ɛkolɛ nu la le nyilalɛ bɔkɔɔ. 4 Mralɛ mrenyia mɔɔ sonla nrenyia nyia bɛ wɔ ye mgbavolɛ nu la le kɛ ɛda mbaka mɔɔ wɔ sogyanli asa anu la. 5 Ahomeka sonla a le ahenle ne mɔɔ ɛda mbaka ɛyi ye boa ne tɛkɛɛ la. Saa ɔ nee ye kpɔvolɛma yia nu wɔ ndɛnebualɛ ɛleka ne a, ɔ nyunlu nyiane ɛnrɛgua aze ɛlɛ.