1 Mevi me anwubɛnyunlu kuma ne anu yɛɛ mesu mefɛlɛ wɔ a, O Nana Nyamenle. 2 Tie me ɛzunlɛ, O Awulae; yɛ ɛnzolɛ maa me ɛvɛlɛlɛ, na baboa me!

3 Saa wɔmɔ Awulae, ɛse ɛkɛbu yɛ ɛtane nwo mgbonda a, anrɛɛ nwane a kɛhola kɛgyinla wɔ ndɛnebualɛ ne anyunlu a? 4 Noko akee wɔmɔ ɛfa yɛ ɛtane ɛkyɛ yɛ, amaa yɛahola yɛagyinla wɔ ɛyavalɛ ne anloa. 5 Mekendɛ Nana Nyamenle, me ɛkɛla kendɛ Awulae; na wɔ ye edwɛkɛ ne anu, yɛɛ me anyelazo wɔ a. 6 Me ɛkɛla kendɛ Awulae anyebololɛ nu ala, tɛla sinzavolɛma mɔɔ anye la alehyenlɛ zo tɛla sinzavolɛma mɔɔ kendɛ alehyenlɛ la.

7 O Yizilayɛ, nyia anyelazo wɔ Nana Nyamenle anu, ɔluakɛ ye ɛhulolɛ ne le kpundii, na yemɔ ɔ sa nu yɛɛ ngoanelielɛ wɔ a. 8 Ɔbaye ye menli Yizilayɛ yeavi bɛ ɛtane muala anu.