1 Mekɛ mɔɔ Nana Nyamenle vale yɛ ziale rale Gyɛlusalɛm la, ɔyɛle yɛ kɛ ɛlalɛ mɔɔ yɛka la! 2 Ɛzelekɛ yile yɛ nloa tɛkɛɛ, na yɛ tafinlima dole fɛlɛko edwɛne! Akee maanle maanle mɔɔ ɛha la hanle kɛ, "Bɛnlea nwanwane ninyɛne mgbole mgbole mɔɔ Nana Nyamenle ɛyɛ ɛmaa bɛ a!"

3 Nɔhalɛ nu, Nyamenle ɛyɛ nyɛleɛ mgbole ɛmaa yɛ. Nea kɛ yɛ nye die bie a! 4 O Nana Nyamenle, fa yɛ sia kɔ yɛ azɛlɛ ne azo, kɛmɔ ezule ne fa nzule sia ba fiemgbole reserese ne mɔ azo la.

5 Bɛdabɛ mɔɔ bɛdua monle nu bɛdua ma la balua anyelielɛ nu abu aleɛ ne! 6 Bɛdabɛ mɔɔ bɛfa ɛzunlɛ bɛkɔ, wɔ melɛ mɔɔ bɛzo ma ne mɔ mɔɔ bɛkalua la, bazia ara wɔ fɛlɛkolilɛ nu, wɔ mekɛ mɔɔ bɛzozo bɛ aleɛ ne mɔ bɛlɛba sua nu la.