1 Bɛye Nana Nyamenle ayɛlɛ! O me ɛkɛla, ye Awulae ayɛlɛ! 2 Mebaye Nana Nyamenle ayɛlɛ wɔ melɛ ala mɔɔ mede ngoane nu la. Mebado ayɛlɛyelɛ edwɛne meamaa me Nyamenle wɔ me ngoane mekɛ muala anu.

3 Bɛmmafa bɛ rɛle bɛwula arelemgbunli tumivolɛma anu; ɔluakɛ dasanli biala ɛnrɛhola ɛnrɛlie bɛ ngoane. 4 Saa bɛ sunsum fi bɛ nu a, bɛsia bɛkɔ bɛ ɛva nu; na kenle ko demua zɔhane bɛ ngyehyɛleɛ muala ba awieleɛ. 5 Ahomekanli a le sonla ne mɔɔ ye boavolɛ a le Gyekɔbo ye Nyamenle ne, na ye anyelazo muala wɔ Nana Nyamenle ye Nyamenle ne anu, 6 yemɔ mɔɔ ɔbɔle anwuma nee aze, nyevile ɔ nee ninyɛne mɔɔ wɔ nuhua la amuala la. Ɔdi ye ɛwɔkɛ ne mɔ azo dahuu. 7 Ɔbua ndɛnekpa ɔkɔ bɛdabɛ mɔɔ menli sisi bɛ la afoa na ɔmaa bɛdabɛ mɔɔ ɛhɔne ku bɛ la aleɛ. Nana Nyamenle maa efiadedavolɛma nyia bɛ fanwodi 8 na ɔmaa anyezinliravolɛma nwu debie. Nana Nyamenle kpogya bɛdabɛ mɔɔ bɛde bɛgua aze la zo anwuma; ɔlɛ ye menli tenlenema anwo ɛhulolɛ. 9 Nana Nyamenle sinza nyɛvolɛ mɔɔ de yɛ azɛlɛ ne azo la; ɔboa ahunlavolɛ ɔ nee nrisa mralɛ; na emomu ɔbɔ amumuyɛvoma bɛ ngyehyɛleɛ ɔgua; bɛ bo zo minli bɔkɔɔ.

10 Nana Nyamenle le belemgbunli wɔ mekɛ mɔɔ ɔnlɛ awieleɛ. O Zayɔn, wɔ Nyamenle ne bali belemgbunli wɔ mekɛ muala. Bɛye Awulae Ayɛlɛ!