1 Nwu me anwunvɔne, O Nana Nyamenle, nwu me anwunvɔne; ɔluakɛ wɔmɔ yɛɛ ɛle me ɛkɛla ne ye nriandifeabelɛ a. Ɛ ndɛba abo yɛɛ menriandi mefea kɔkpula mekɛ mɔɔ ahumu totohyia ne kɛdu kɛpɛ nu la a. 2 Mesu mefɛlɛ Nyamenle Bedevinli ne mɔɔ wɔ anwuma la, Nyamenle ne mɔɔ maa me sa ka me ngyianlɛndeɛ muala la. 3 Ɔbazoa yeavi anwuma maanle ne anu yeamaa bɛaralie me; ɔbamaa me kpɔvolɛma mɔɔ tietia me nwo zo la anyunlu nyiane agua aze. Nana Nyamenle bamaa meanwu ye ɛhulolɛ kpundii ne nee ye nɔhalɛ ne. 4 Mela awenadema avinli, menli mɔɔ di menli, mɔɔ bɛ gye yɛ nla kɛ atwe nee ɛda mbaka la; bɛ tafinlima yɛ nla kɛ wowole. 5 Nana Nyamenle, kɛha ɛ nwo wɔ wɔ anwuma maanle ne anu! Maa wɔ anyunlunyia ɛheda azɛlɛ ye azo! 6 Me kpɔvolɛma ɛzua me ɛhane; alɔbɔlɛ ɛmundu me nwo zo. Bɛpɛle kuma kulongulo wɔ me adenle nu, na bɛdabɛ mumua ne bɛde bɛgua nuhua gɔɔ.

7 Melɛ diedi kpundii, O Nana Nyamenle, melɛ diedi kpundii wɔ Nana Nyamenle nu! Mebado edwɛne meaye wɔ ayɛlɛ. 8 Me ɛkɛla, dwazo! Dwazo na fa sanwunle nee edwɛnedolɛ ye Awulae ayɛlɛ! Dwazo aleɛbahye! 9 Mebava moyɛlɛ meamaa Awulae wɔ menli kpokpoti anu; mebado ayɛlɛyelɛ edwɛne meamaa wɔ, wɔ maanle maanle kpokpoti anyunlu. 10 Ɔluakɛ wɔ ɛhulolɛ kpundii ne dwu maanɔne, yɛɛ wɔ nɔhalɛlilɛ ne noko pɛ nu wɔ anwomanyunlu ɛleka biala.

11 Kɛha ɛ nwo wɔ wɔ anwuma maanle ne anu, O Nana Nyamenle! Maa wɔ anyunlunyia ne ɛheda azɛlɛ ye azo!