1 Koasea se ɔ nwo kɛ, "Nyamenle biala ɛnle ɛkɛ." Anyebolo ngome ɛhu bɛ kuu, ninyɛndane ala a bɛyɛ a; nuhua kokye bɔbɔ ɛnle ɛkɛ mɔɔ yemɔ ɔdi boɛ a.

2 Awulae wɔ anwuma maanle nu lɔ ɔ nye wɔ aleɛabo amra anwo zo; ɔlɛnea kɛ ɔkɛnwu kɛ nrɛlɛbɛvolɛ bie wɔ bɛ nu, mɔɔ ɔbayɛ Nana Nyamenle ye ɛhulolɛdeɛ a. 3 Noko akee bɛ muala bɛvo adenle ne, bɛ muala bɛkpɔlɔ bitaa zɛhae ala. Nuhua kokye bɔbɔ ɛnle ɛkɛ mɔɔ yemɔ ɔdi boɛ a. Kyɛkyɛ, kokye bɔbɔ ɛnle ɛkɛ. 4 Asoo amumuyɛvoma kpokpoti, mɔɔ di me nwonane kɛ asɛɛ bɛdi aleɛ, na bɛnzu bɛnvɛlɛ Nana Nyamenle la ɛnze deɛ ɔ?

5 Ɛzulolɛ kpole bamundu bɛ; ɔluakɛ Nana Nyamenle wɔ tenlenema afoa. 6 Ɛbahola wɔazɛkye ehyiavolɛma nee bɛlɛvoma ngyehyɛleɛ biala; noko akee Nana Nyamenle a le bɛ nriandifeabelɛ a. 7 O kɛkala angome a, anrɛɛ kpɔnevolɛ Awulae Nyamenle vi Zayɔn azo ɛra, kɛ ɔba yearalie Yizilayɛ! Saa Awulae sia fa ye menli agyapandeɛ maa bɛ a, Gyekɔbo bali fɛlɛko, Yizilayɛ anye balie.