1 O Yizilayɛ, ka anwubɛnyunlu, ɔ nee ateetee mɔɔ wɔ kpɔvolɛma vale hilele wɔ sumunli wɔ mgbavolɛ nu la kile ye. 2 "Nɔhalɛ nu, sumunli me mgbavolɛ nu, me kpɔvolɛma ɛmaa menwu me nyunlu, na bɛteetee me atisesebɛ nu ala, noko akee bɛtɛkolale bɛtɛdile me nwo zo konim.

3 "Bɛ empele ne mɔ ɛpepɛ me nzi kuma nu relerele, kɛ ɛya mɔɔ bɛzo bɛgua ye aze la. 4 Noko akee Nana Nyamenle mɔɔ le tenlenenli la, ɛpepɛ ɛlie me ɛvi akɛlɛyɛlɛ bo."

5 Bɛmaa bɛdabɛ mɔɔ bɛkyi Zayɔn la, anyunlu nyiane ɛgua aze, na bɛhakyi bɛ nzi bɛhɔ. 6 Maa bɛ muala bɛyɛ kɛ ndile mɔɔ fifi sua ti zo, mɔɔ ɔnnyi bɔbɔ na yeanwoso; 7 na buvolɛ ne ɛnzɛkye ɔ sa wɔ nwolɛ la, anzɛɛ mɔɔ kuohua ɔ nloa kyekye la ɛnnyia bie ɛngɔ la. 8 Mmamaa bɛdabɛ mɔɔ bɛpɛ nu wɔ ɛkɛ ne la bɛ nuhua biala se kɛ, "Awulae Nyilalɛ ne ɛha wɔ!" Yɛyila wɔ wɔ Awulae duma ne anu!