1 Bɛdabɛ mɔɔ bɛfa bɛ rɛle bɛwula Nana Nyamenle anu la, le kɛ Boka Zayɔn, mɔɔ ɛkpusu ye a ɔmkpusu, ɛtu ɔ bo a ɔndu, na ɔwɔ ɛkɛ ne dahuu la.

2 Kɛmɔ awoka ne mɔ ɛbɔ Gyɛlusalɛm anwo ɛyia la, zɔhane ala noko yɛɛ Nana Nyamenle ɛbɔ ye menli ne mɔ anwo bane ɛyia a, ɔvi ɛnɛ kɔkpula mekɛ mɔɔ ɔnlɛ awieleɛ. 3 Ɔluakɛ amumuyɛ kpɔma biala ɛnrɛgyinla wɔ azɛlɛ ne mɔɔ bɛpɛ bɛmaa tenlenema la azo ɛlɛ; ammaa tenlenema anva bɛ sa anga ɛtane. 4 O Nana Nyamenle, yɛ kpalɛ maa bɛdabɛ mɔɔ bɛyɛ kpalɛ la; fa pɛpɛlilɛ maa bɛdabɛ mɔɔ bɛdi nɔhalɛ wɔ bɛ ahonle nu la. 5 Na emomu, bɛdabɛ mɔɔ bɛkakyi bɛ nwo bɛkɔ ɛtane adenle zo la ɛdeɛ, Nana Nyamenle bava bɛ aboka ɛtanevolɛma anwo ahɔ. Anzondwolɛ ɛha Yizilayɛ!