Edwɛndolɛ 11

Awulae, yɛ Sinzavolɛ Nɔhavo ne

1 Nana Nyamenle a menriandi mekɔfea ye nu a; kɛ ɔyɛ mɔɔ akee ɛse me kɛ, "Tu kɛ anloma la kɔ awoka ne mɔ azo ɛ?

2 "Ɔle nɔhalɛ, kɛ amumuyɛvoma ɛzua bɛ ɛda mbaka ne mɔ ɛwie, na bɛzi bɛ atwɛ ne mɔ dɛbadɛba. Bɛyɛ anwomoalɛ kɛ bɛbado bɛabɔ tenlenema wɔ awozinli nu. 3 Na saa bɛsɛkye bolɛ ne mɔɔ bɛwula ye aze la a, ɛnee akee duzu bɔbɔ, yɛɛ mɔɔ ahonle nu te la yemɔ ɔkɛyɛ a?"

4 Nana Nyamenle de ye Asɔne Sua Nwuanzanwuanza ne anu; ye belemgbunli ebia ne wɔ anwuma maanle ne anu. Ɔ nye dua mɔɔ kɔ zolɛ wɔ aleɛabo amuala la; ɔpɛ ɔ nye hɛlɛdɛdɛ ɔsɔ dasanli ɔnea. 5 Nana Nyamenle sɔ tenlenema ɔ nee amumuyɛvoma nea, na ye ɛkɛla kyi mɔɔ di ɛtane da la kɔkɔkɔkɔ. 6 Ɔbadɔ ɛsɛlɛmanye yeagua atiakunlutanevolɛma anwo zo; na yeava anwoma mɔɔ senle wɔ nu la yeayela bɛ dwɛɛ zɛhae.

7 Ɔluakɛ Nana Nyamenle le tenlene, ɔti noko ɔkulo tenlene ɛbɛlabɔlɛ; zɔhane ati ɔda ɔ nwo ali ɔkile nɔhalɛdivoma wɔ anwunvɔnezelɛ nee fɛlɛkolilɛ nu ala.