Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
मट्ठू परमेशरेरी महिमारू प्रकाशे, ते तैन हर किसमे सेइं परमेशरेरू ज़ेरूए, तैन्ने सैरी चीज़न अपने शेक्तरे वचनेरे ज़िरिये सेइं सम्भालते, तैन्ने लोकन पापन करां शुद्ध केरतां सुर्गे मां परमेशरेरे महिमाई मां देइने पासे बिश्शू। एन केरने सेइं परमेशरे मट्ठू, स्वर्गदूतन करां महान कियूं, ते ज़ैन नवं तैस दित्तू जेवं तैन स्वर्गदूतन करां महाने।
तैन वचन मैन्हु बेनतां किछ वक्ते असन सेइं साथी रावं, ते (इस दुनियाई मां) डेरो कियो। तैनी असन पुड़ बड़ो अनुग्रह कियो ते परमेशरेरे बारे मां सारी सच़्च़ाई हिराई। (ज़ताली तै इड़ी थियो, तैखन) असेईं तैसेरी महिमा लाही। (ज़ेन्च़रां की) तै अपने बाजी परमेशरे करां अव, त तैसेरी ज़ेरि महिमा कोन्ची मां नईं थी।
परमेशर केन्चे कधी भी नईं लावरो, पन तैसेरू अक्के मट्ठू (यीशु) ज़ैन बाजी परमेशरेरे कुम्मे मां आहे, तैन्ने असन परमेशर हिराव।"
एस पुड़ यीशुए तैन सेइं ज़ोवं, "मेरो बाजी यानी परमेशर हमेशा कम केरते, मीं भी कम कियोरू लोड़े।" एस वजाई सेइं यहूदी लीडर मनां जादे तैस मारनेरी कोशिश केरने लगे, किजोकि तै न सिर्फ आरामेरे दिहाड़ेरो हुक्म ट्लोड़तो थियो बल्के परमेशरे अपनो बाजी ज़ोतो थियो ते अपनो आप परमेशरेरे बराबर बनातो थियो।
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
ज़ैखन यीशु कैसरिया फिलिप्पी इलाके मां अव, त तैनी अपने चेलन पुछ़ू: "मैन्हेरू मट्ठू कौने, लोक एस बारे मां कुन ज़ोतन?" चेलेईं ज़ोवं, "किछ ज़ोतन यूहन्ना बपतिस्मो देनेबालोए, किछ ज़ोतन एलिय्याह, ते किछ ज़ोतन यिर्मयाह नबी ते किछ ज़ोतन नेबन मरां कोई अक आए।" यीशुए तैन पुछ़ू, "पन तुस मेरे बारे मां कुन सोचतथ कि अवं कौन आईं?" शमौन पतरसे जुवाब दित्तो, "तू ज़ींते परमेशरेरू मट्ठू मसीह आस।"
ते यीशु ज़ैखन बपतिस्मो नेइतां पैनी मरां बेइर अव, त तैस मौके हेरा अम्बर खुल्ली जेवं। ते तैनी पवित्र आत्मा कबूतरेरी शक्ली मां एप्पू पुड़ एइती लाई। ते तैखन हेरा अम्बरे मरां ऐह आवाज़ आई (त यीशुएरे बारे मां ज़ोवं) "एन मेरू ट्लारू मट्ठू, अवं एस पुड़ बड़ो खुश आईं।"
ज़ै इन मन्ते, कि यीशु परमेशरेरू मट्ठूए, परमेशर तैस मां बनोरो रहते, ते तै परमेशरे मांए।
ज़ै प्यार परमेशर असन सेइं केरते, तै इस सेइं बांदो भोव, कि परमेशरे अपनु अकैल्लू मट्ठू दुनियाई मां भेज़ू, कि तैस पुड़ विश्वास केरने सेइं असन हमेशारी ज़िन्दगी मैल्हे। प्यार इस सेइं नईं कि असेईं परमेशरे सेइं प्यार कियो, पन इस मांए, कि तैने असन सेइं प्यार केरो, ते इश्शे पापां केरे छुटकारेरे लेई अपनु मट्ठू भेज़ू।
ज़ै कोई लगातार पाप केरते, तै शैतानेरे तरफांए, किजोकि शैतान शुरुआती करां पाप केरतो एवरोए, परमेशरेरू मट्ठू एल्हेरेलेइ अव, कि शैतानेरे कम्मन खतम केरे।
ज़ेसेरो रिश्तो मट्ठे सेइं आहे तैस कां ज़िन्दगीए, ते ज़ेसेरो रिश्तो परमेशरेरे मट्ठे सेइं नईं, तैस कां हमेशारी ज़िन्दगी भी नईं।
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
"किजोकि परमेशरे दुनियारे लोकन सेइं एत्रो प्यार कियो कि तैनी अपनु एकलौतू मट्ठू दित्तू, ताके ज़ै कोई तैस पुड़ विश्वास केरे, तै नाश न भोए, बल्के हमेशारी ज़िन्दगी हासिल केरे।
किजोकि ज़ेन्च़रे बाजी मुड़दन ज़ींतो केरते, तेन्च़रे मट्ठू भी ज़ैस चाते तैस ज़ींतो केरते। बाजी केन्चेरो न्याय न केरे, पन तैने न्याय केरनेरू सारू कम मट्ठे दित्तेरूए। कि सब लोक ज़ेन्च़रे बाजेरी आदर केरतन तेन्च़रे मट्ठेरी भी आदर केरन, ज़ै मट्ठेरी आदर न केरे, तै बाजी केरि ज़ैने तैन भेज़ोरूए तैसेरी आदर न केरे।
"अवं तुसन सेइं सच़-सच़ ज़ोताईं, कि तै वक्त एजनेबालोए, बल्के हुन्नाए ज़ैस मां मुड़दे परमेशरेरे मट्ठेरी यानी मेरी आवाज़ शुनेले, ते ज़ैना शुनेले तैना हमेशा ज़ीएले। किजोकि ज़ेन्च़रे बाजी अपने आपे मां ज़िन्दगी रखते तेन्च़रे तैने मट्ठे भी ऐह अधिकार दित्तोरोए, कि अपने आपे मां ज़िन्दगी रख्खे एल्हेरेलेइ तैन मैन्हेरू मट्ठूए।
पन ज़ेत्रे लोकेईं तै कबूल कियो, तैनी तैन्न परमेशरेरे बच्चे भोनेरू हक दित्तू; यानी सारे लोकन ज़ैना तैसेरे नंव्वे पुड़ विश्वास केरतन। तैना न हाज-बव्वे सेइं, न मैन्हु केरे मेर्ज़ी सेइं, न तैस मैन्हेरे मेर्ज़ी सेइं ज़ै बच्चे पैदा केरनेरी इच्छा रखते, बल्के परमेशरेरे मेर्ज़ी सेइं पैदा भोरेन!
अवं मसीह सेइं साथी क्रूसे पुड़ च़ढ़ोरोईं, ते हुनी ज़ींतो न राव, पन मसीह मीं मां ज़ींतोए, ते अवं जिसमे मां हुनी ज़ींतोईं, त सिर्फ तैस विश्वासे सेइं ज़ींतोईं, ज़ै परमेशरेरे मट्ठे पुड़े, ज़ैने मीं सेइं प्यार कियो, ते मेरे लेई अपनि जान दित्ती।
पन ज़ैखन ठीक वक्त अव, त परमेशरे अपनु मट्ठू दुनियाई मां भेज़ू, ज़ैस एक्की कुआन्शां ज़र्म दित्तू, तैन यहूदन मां ज़र्मू ते तैनी कानून मन्नो। ताके तैन छुटाए ज़ैना मूसेरे कानूनेरे अधीन थिये, ते असन तैसेरे बच्चे भोनेरो अधिकार मैल्हे। ते तुस ज़ैना बच्चेथ, एल्हेरेलेइ परमेशरेरे मट्ठेरी आत्मा इश्शे दिले मां भेज़ोरीए, ज़ै आत्मा, "हे बैपू, हे बाजी," ज़ोती।
किजोकि ज़ैखन अस परमेशरेरे दुश्मन थिये त तैसेरे मट्ठेरे मौती सेइं इश्शो मेल तैस सेइं भोव, ते फिरी मेल मलाप भोवरोए त तैसेरे ज़िन्दगी सेइं असन पक्की मुक्ति मैल्हेली।
किजोकि इश्शे लेई अक मट्ठू पैदा भोल्हु, असन अक मट्ठू दित्तू गालू; ते राज़ तैसेरे कंधे पुड़ भोल्हु, ते तैसेरू नवं अद्भुत सलाहकार, सामर्थी परमेशर, हमेशारो बाजी, ते शैन्तरो राजकुमार रख्खू गालू।