Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
येशूए परमेश्वरके महिमक प्रतिबिम्ब और परमेश्वरेके स्वभावके वास्तविक प्रतिरूप हुइताँ, और पूरा विश्वहे अपन शक्तिशाली वचनसे सम्हरथाँ। जब ऊ मनैनके पापहे माफी करे सेकजाए कहिके अपन काम ओरवैलाँ। तबजाके ऊ महिमित परमेश्वरके दाहिन पाँजर उच्च आदरके ठाउँमे बैठ्गिलाँ।
तबेकमारे परमेश्वर अपन छावाहे स्वर्गदूतनसे फेन बरवार नाउँ देलाँ, जिहिसे हम्रे जाने सेक्थी कि परमेश्वरके छावा स्वर्गदूतनसे भारी हुइँत।
जिहिहे वचन कहिजाइत, ऊ मनैयक रुपमे अइलाँ और अनुग्रह और सच्चाइसे पूरा होके हमार बिच्चेम वास बैठ्लाँ। हम्रे हुँकार असिन महिमा देख्ली। जोन महिमा बाबक एक्केथो छावक किल रहत।
परमेश्वरहे केऊ फेन कबु देखल नै हो। हुँकार एक्केथो छावा किल हुँकिन्हे देखल बतिन जे परमेश्वरके हस बताँ, और जे परमेश्वरके लग्गे बताँ। परमेश्वरहे वहे छावा प्रकट कर्ले बतिन।
तब् येशू उहिहे कलाँ, "मोरिक परमेश्वर बाबा अभिनसम काम कर्ती बा, और मै फेन काम कर्ती बतुँ।" तबेकमारे यहूदी दलके नेतन येशूहे मुवाइक लग आकुर धेउर कोशिस करे लग्लाँ। काकरेकी ओइन्के अनुसार येशू बिँसैना दिनके नियम किल नै टुरल रहिँत। पर परमेश्वरहे अपन बाबा कहिके फेन अपनहे परमेश्वरके बराबर ठहराइतिहिँत।
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
जब येशू कैसरिया शहरके फिलिप्पी नगरके लग्गे रहिँत। तब ऊ अपन चेलनहे पुँछ्लाँ, "मनै मै, मनैयक छावाहे के हो कहिके कथाँ?" ओइने जवाफ देलाँ, "कौनो मनै यी सोँच्थाँ कि अप्नि यूहन्ना हुइती, जे मनैनहे डुब्कि देहत। कौनो मनै सोँच्थाँ कि अप्नि परमेश्वरके अगमवक्ता एलिया हुइती। और केऊ सोँचत यर्मिया और कौनो मनै सोँच्थाँ कि अप्नि परमेश्वरके दोसुर भविष्यवक्तामेसे कौनो एकथो हुइती।" तब येशू ओइन्हे पुँछ्लाँ, "तुहुरे का कथो, मै के हुइतुँ?" सिमोन पत्रुस जवाफ देहल, "अप्नि ख्रीष्ट हुइती, जित्ती परमेश्वरके छावा।"
तब् येशू डुब्कि लेके जुरतेहेँ पानीमेसे उप्पर निकरलाँ। तब् स्वर्ग उघरगिलस। और ऊ परमेश्वरके आत्माहे परेउना हस अपन उप्पर आइत देख्लाँ। तब् परमेश्वर स्वर्गमेसे येशूहे असिके कलाँ, "तैँ मोरिक दुलार छावा हुइते, तुहिसे मै गजब खुशी बतुँ।"
जे यी स्वीकार करत कि येशू परमेश्वरके छावा हुइँत, कलेसे परमेश्वर ओकर संग एकतामे रथाँ, और ऊ परमेश्वरके संग एकतामे रहत।
जोन प्रेम परमेश्वर हम्रिहिन्हे करथाँ, उ यिहिसे प्रकट हुइल कि परमेश्वर अपन एक्केथो छावाहे संसारमे पठैलाँ, ताकि हम्रे हुँकारमे विश्वास करके सदाकालके जीवन भेटाई। सच्चा प्रेम यी हो: कि हम्रे परमेश्वरहे प्रेम नै कर्ली। पर परमेश्वर हम्रिहिन्हे प्रेम करलाँ कि परमेश्वर हमार पापहे हम्रिहिन्से दूर कराइक लग अपन छावाहे बलिदान हुइक लग पठैलाँ, जिहिसे हमार पाप माफ करगिल बा।
जे पाप कर्तिरहत, उ शैतानके ओहोँरसे हो। काकरेकी शैतान ते सुरुएसे पाप कर्ती आइल बा। शैतानके कामहे नाश पारक लग परमेश्वरके छावा प्रकट हुइलाँ।
और जे परमेश्वरके छावक संग एकतामे बा, ओकर थेन सदाकालके जीवन बा, और जे परमेश्वरके छावक संग एकतामे नै हो, ओकर थेन सदाकालके जीवन फेन नै हो।
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
काकरेकी परमेश्वर संसारके मनैनहे असिन प्रेम करलाँ कि ऊ अपन थेन रलक एक्केथो किल छावाहे दैदेलाँ, ताकि हुँकारमे विश्वास करुइया केऊ फेन नाश ना होए, पर ऊ सदाकालके जीवन भेटाए।
जसिके बाबा मुअल मनैनहे फेनदोस्रे जिवादेहत, और ओइन्हे जीवन देहत। ओस्तेके मै फेन जिहिहे चहथुँ, उहिहे जीवन देथुँ। उ बाहेक जसिके सक्कु जाने परमेश्वर बाबाहे आदर करथाँ, ओस्तेके ओइने छावाहे अर्थात महिन्हे फेन आदर करिँत। परमेश्वर बाबा मै छावाहे न्याय करना सारा अधिकार देले बा। यदि केऊ मोरिक आदर नै करत कलेसे ऊ महिन्हे पठुइया परमेश्वर बाबाहे फेन आदर नै करत।
जात्तिके, मै तुहुरिन्हे कहतुँ, उ समय आइता बेन अइहीगिल बा, जब मुअल मनै मोरिक आवाज सुन्हीँ जे परमेश्वरके छावा हुइतुँ। और जेने सुन्हीँ, ओइने सदाकालके लग जित्ती रहिहीँ। काकरेकी जसिके जीवनके स्रोत बाबा अप्निहीँ हो, ओस्तेके ऊ मै छावाहे फेन जीवनके स्रोत हुइना अधिकार देहल बा।
पर जतरा मनै हुँकिन्हे स्वीकार करलाँ और हुँकारमे विश्वास करलाँ, ऊ ओइन्हे परमेश्वरके लरका हुइना अधिकार देलाँ। उ मनै ना ते दाईबाबासे, ना मनैनके इच्छासे, ना ते मनैनके लरका पैना इच्छासे हो, पर ओइने परमेश्वरके इच्छासे जल्मल रथाँ।
यी असिन हो जब ख्रीष्ट क्रूसमे मुलाँ ते मै फेन मुगिनु। आब मै नै होके ख्रीष्ट मोरिकमे जिथाँ। यी अब्बे शरीरमे जिलक जीवन मै परमेश्वरके छावकमे विश्वास करके जिअतुँ। जे महिन्हे अतरा प्रेम करलाँ कि मोरिक लग अपन ज्याने दैदेलाँ।
पर जब उ समय आइल, जोन समयक योजना परमेश्वर बनैले रहिँत। तब परमेश्वर अपन छावाहे अप्निहीँ यी संसारमे पठैलाँ, और ऊ एकथो मनैयक रुपमे जलम लेलाँ। और ऊ एकथो यहूदिक रुपमे जलम लेलाँ, और मोशक नियम कानुनके पालन करिँत। ताकि ऊ ओइन्हे स्वतन्त्र करे सेकिँत, जेने मोशक नियम कानुनके अधिनमे रहिँत। और परमेश्वर हम्रिहिन्हे अपन सग्गे लरका बनालेलाँ।
काकरेकी हम्रे हुँकार लरका हुइती, परमेश्वर अपन छावक आत्माहे हमार मनमे पठादेलाँ, जोन आत्मा परमेश्वरहे "हे मोरिक बाबा!" कहिके गोहराइत।
काकरेकी जब हम्रे परमेश्वरके दुश्मन रही। वहे समयमे हुँकार छावक मृत्युसे ऊ हम्रिहिन्से मिलाप करलाँ। तबेकमारे हम्रे पक्कै फेन जाने सेक्थी कि आब जब हमार मिलाप हुँकार संग होगिल बा कलेसे ऊ हम्रिहिन्हे बँचैहीँ। काकरेकी ख्रीष्ट जित्ती बताँ।