Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Ne’mofavre’amofompi Anumzamofo msazama’amo’a remsa nehigeno, Agrikna huno mani’neno, Agri’a hanave ke’areti maka’zana eri kasefa huno nevuno, kumi’ma eri agruhu eri’zama eriteno, Marerisgahu Anumzamofo azantamaga kaziga monafinka mani’ne.
E’ina hu’negu ankerontamimofona zmagetereno ragi e’nerigeno, Anumzamo’ma Agima ami’nea agimo’a makamokizmia zamagaterene.
Ana Kemo vahe fore huteno, tagri’ene mani’ne. Agri masazama’a tagra ke’none, magoke ante’nea Ne’mo hanave’ane masa zama’ane Nefantegati e’ne. Asunku zamo’ene tamage kemo’a avite’nea Nere.
Mopafi vahe’mo’a magore huno Anumzana onketfa hu’ne. Anumzamofo mofavrea magoke mani’neno, Nafa’amofo asumpinka mani’ne, Agra’a Anumzana mani’neno huama hu’ne.
Hianagi Agra zamasmino, Nenfa’a meninena eri’zana otreno e’neriankina, Nagra’nena eri’zana enerue. E’i ana agafare, Jiu kva vahe’mo’za Agri ahenaku maraguza’ati’za maka kanku hakre’naze. Na’ankure Agra mani fruhu kasege hantagia zantekukera ana osu’naze. Hagi agra Anumzanku Nenfa’ema hiazamo, agrira azeri Anumzane mago tragave hia zante’ene ahenaku hu’naze.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Pita’a Jisasinku huama hu’nea naneke
Ananteti Jisasi’ma eno Sisaria Filipai kumate enehanatino, anage huno amage’ma nentaza disaipol naga zamantahige’ne, Iza’e hu’za Vahe’mofo mofavregura nehaze? Hige’za zamagra ana kenona anage hu’za asmi’naze, Mago’amo’za mono ti frezmante Joni’e nehaze, ruga’amo’za Elaija’e nehaze, mago’amo’za Jeremaiapi nehazageno, mago’amo’za hu’za mago kasnampa nere hu’za nehaze. Jisasi’a amanage huno zamantahige’ne, Hu’neanagi tamagra iza’e, huta Nagrikura nehaze? Higeno Saimon Pita’a kenona’a anage hu’ne, Kagra Kraisige, kasefa huno mani’nea Anumzamofo mofavre mani’nane.
mono tima frentegeno, Jisasi’a ana timpinti ame huno otino ankenarega mrerino ne-egeno, monamo hagro nehigeno, keana Anumzamofo Avamu’mo maho nama’gna huno akoheno eramino Jisasinte emani’ne. Higeno, monafinkati mago ageru’mo huno, Ama’i Nagrama avesinento’a magoke Mofavreni’agi’na Nagra tusi’a muse Agrira hunentoe.
Hagi mago’a vahe’mo’ma Jisasinku Anumzamofo mofavre huno’ma huama’ma hanimofona, Anumzamo’a Agripi manigeno, anamo’a Anumzamofompi mani’ne.
Anumzamo’ma avesi rante’neazama eri taveri hu’neana amane, ana kankamuntetire, Agripinti tasimura erisunegu magoke ante’nea mofavre’a ama mopafina huntegeno e’ne. Ama ana avesi’zana, tamage tagra Anumzamofona avesi ontenonkeno, Agra’a tagrira avesi ranteno, magoke ante’nea Nemofona huntegeno, kumitimofona nona huno apaserante’ne.
Mago’mo’ma kumi avu’ava himo’a, Sata vahe nemanie. Na’ankure Sata’a ese agafare kumi hu’negure. Ama ana agafare Anumzamofo mofavremo, eama huno Sata erizana eri haviza hu’naku mopafi efore hu’ne.
Hagi iza’o Nemofo Jisasi Kraisima avare’nenimo, ana manivava asimura eri’ne. Iza’o Anumzamofo mofavrema ovare’nenimo’a, ana asimura e’ori’ne.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Anumzamo tusiza huno mopafi vaheku avesi nezmanteno, magoke ante’nea Ne’mofavre’a zami’ne. Agrite zamentinti hanamo’za fanane osu’za manivava zamasimu erigahaze.
Na’ankure Nefa’a fri' vahe’ma zamazeri otino, asimu nezmia kna huno, Nemofo’a azano, Agri’ma avesi’nimofona asimura amigahie. Na’ankure Nenfa’a Agra veara refko osugahie. Hagi maka vahe’ma refko hu’zana, Nemofo ami’ne. Ana hina maka’mo’za nefa agima eri sga nehazankna huza Nemofo agi’a erisaga hugahaze. Aza’o Nemofo agima erisaga osanimo’a, huntegeno’ma e’nea Nefana, anazanke huno agi’a erisaga nosie.
Nagra tamage hu’na neramasmue, knamo’a kofta huno ne-eno hago menina ama efore hu’ne, fri’naza vahe’mo’za Anumzamofo Ne' mofavremofo ageru nentahi’za, ana ageru’ma antahisnamo’za manigahaze. Na’ankure Nefa’a asimu erino mani’zamofo agafa’a Agripi me’ne. Nemofona anahu kna huno asimu erino mani’zamofo agafa’a Agri ami’ne.
Hianagi iza’zo nevare’za Agri agifima zamentintima nehaza vahe’mokizmia, Agra’a hugnare hige’za Anumzamofo mofavre se’naze. Hagi Anumzamofo mofavrema senazana arera afa zamesitero, vahe avesitero, neve avesitera forera osunazanki, Anumzamo zamazeri fore hu’ne.
Nagra Kraisi’ene keka zafare ko fri’noankina, menima mani’noana nagra’a omani’noanki, Kraisi nagu’afina mani’negena, nagrama ama navufare’ma mani’noana, Anumzamofo Nemofonte namentinti nehu’na Agra’a avesinanteno asimu’a nami’nemofonte mani’noe.
Hianagi humante’nea kna fatgoma egeno’a, Anumzamo’a Mofavre’a huntegeno, a’mo ana Mofavre kasentegeno, kasegemofo agorga efore hu’ne. Ana hu’negu kasegemofo agorga mani’naza vahera, Agra mizaseranteno tamavresigeta, avreno kri’nea vahekna huta, Agri mofavre manigahune. Na’ankure tamagra mofavre’a mani’nageno, Anumzamo’a Mofavre’amofo Avamu huntegeno, tagu’afi emani’neno tazeri otino, Aba, Nafa’o huno nehie.
Na’ankure Anumzamofo ha' vahekna huta mani’nonkeno, Nemofo frizampi Anumzamo’a ete mago’ane tazeri mago hu’ne. E’ina hu’neankino Anumzamo’ma rimpa aherante’nea zampintira Kraisi asimu’a atreneankita tagri’ma taza huno tagu’vazizana erigahune.
Na’ankure tagriku huno mago mofavrea tamigahiankino, ana mofavrema efore’ma hanigeno’a, agri afunte kamania me’nenkeno kegava hugahie. Ana hu’neankino agima ahesnazana, Knare zantfa huno Antahintahi tamisia nere nehu’za, Hankavenentake Anumzane nehu’za, Manivava Nafatie nehu’za, Tarimpa fruzamofo Kinie hu’za hugahaze.